ما هو حكم الآجل شرعا

[بو حسين]

ما هو حكم الآجل (( شرعا ))

مع شرح كامل لطريقة الشراء والبيع في الشركات الأسلامية

 

[دكتوراسهم]

فيه شركات شرعيه يجوز تاخذ اجل منها وفيه شركات لا عندك بيت الاوراق ومدار يعنى اذا بتقول لدلال ياخذلك اجل قوله ابي على الشركات الشرعيه

 

[بو حسين]

الأخ العزيز ... دكتور أسهم

ممكن تشرحلي زياده ما عليك أمر

 

[دكتوراسهم]

حاضر اخوى بو حسين ركز معاى

الاجل نوعين وكلهم نفس الشي تقريبا بس فيه اجل فورى والى اهو بالسوق الرسمى يعنى وقت التداول
وفيه اجل وارى السوق لما يسكر السوق يفتح يكون فيه بعض الاسهم مو كلهم

الاجل ينزله صانع السوق اللى اهو الشركات مثل مدار وبيت الاوراق بس انت تشترى عن طريق الدلال تقوله اشرى مثلا سهم بسعر 255 تاخذ خمس وحدات مو اقل يعنى 50 الف سهم يطلع المبلغ 12750 تقريبا تدفع انت تقريبا 40% من المبلغ والباقي تدفعه الشركه اللى انت شريت عن طريقها ومقابل فايده 6 فلوس تقريبا يطلع عليك السهم 260 يعنى فوق 260 تبيع يكون ربح


واضح

بس ماانصحك بالاجل اذا انت توك جديد على السوق والوضع الحين مايسمح بالاجل الا لما يعدل السوق الحين انت قبل كل شي شوف واسال ولما يعدل السوق دش

وبالتوفيق انشالله

 

[بو حسين]

يعطيك ألف عافيه دكتور أسهم

 

[الهاشمى 1]

كلام اخوى دكتور اسهم والله صحيح لما انصحك انك مادش الاجل

الا لما تعرف السوق اتجاهة0

اخوى بو حسين صحيح ان الربح بالاجل دبل بس هم الخسارة دبل

والسوق يخوف بالوقت الحالى مو واضح اتجاهة0

انا بالنسبة لى ماخسرنى الا الاجل ووهقنى وتحسفت لما دخلت اجل

لان الخسارة قوية فية اما الكاش مايضر حتى لو تنتظر علية سنة كمثال

اما الاجل فى مدة معينة اذا حل عليك وماعندك تدفع لهم توهق يبيعولك السهم0

وانت حر يابو حسين0

 

[بو حسين]

يعطيك العافيه يا الهاشمى 1
ومشكور على النصيحه وممكن نستفيد من تجربتك مع الآجل

 

[hassankoc]

جم مدة الأجل ارجو التقصيل اكثر وهل بعد المده تطير فلوسك

 

[الهاشمى 1]

جم مدة الأجل ارجو التقصيل اكثر وهل بعد المده تطير فلوسك

فى 3 شهور و6 شهور بس الحين اللى قاعد اشوفة كلة يعطون 3 شهور

بس فى غير المدة سعر الانهاء للسهم اذا نزل السهم الى سعر الانهاء

يتصلون عليك ويعطونك مهلة 48 ساعة اذا مادفعت 10 بالمية من المبلغ

يبيعون الاسهم عليك طبعا اذا باعوا الاسهم مالك دينار عندهم لانهم هم

يبون يضمنون فلوسهم المبلغ المتبقى من العقد وبهذة الطريقة انت

تخسر الدفعة اللى دفعتها كلها0

 

[ALMOHET]

حاضر اخوى بو حسين ركز معاى

الاجل نوعين وكلهم نفس الشي تقريبا بس فيه اجل فورى والى اهو بالسوق الرسمى يعنى وقت التداول
وفيه اجل وارى السوق لما يسكر السوق يفتح يكون فيه بعض الاسهم مو كلهم

الاجل ينزله صانع السوق اللى اهو الشركات مثل مدار وبيت الاوراق بس انت تشترى عن طريق الدلال تقوله اشرى مثلا سهم بسعر 255 تاخذ خمس وحدات مو اقل يعنى 50 الف سهم يطلع المبلغ 12750 تقريبا تدفع انت تقريبا 40% من المبلغ والباقي تدفعه الشركه اللى انت شريت عن طريقها ومقابل فايده 6 فلوس تقريبا يطلع عليك السهم 260 يعنى فوق 260 تبيع يكون ربح




واضح

بس ماانصحك بالاجل اذا انت توك جديد على السوق والوضع الحين مايسمح بالاجل الا لما يعدل السوق الحين انت قبل كل شي شوف واسال ولما يعدل السوق دش

وبالتوفيق انشالله

ماعليه أخي الفاضل أختلف معك بالراي في خلاف كبير عن الأجل أكثر العلماء حرمو الأجل كان سهم شرعي أو غير شرعي

الأجل هو تحميل الشخص فوق طاقته .


واللي يكبر اللقمه يقص