اموت اعرف منو الصاج فيهم(الاتصالات الثالثة)

[kuwait77]

والله روعونا ما ادرى هل فى شي اذا اقيمت شركة اتصالات ثالثة ومن راح يكون له نصيب الاسد فيها ممكن اعرف وشفيهم قايمة قيامتهم عشان الشركة الثالثة هذى

 

[hindkwt]

نصيب الأسد للسعدون - الغانم

قايمة قيامتة الشركة الحالية عشان مايبون يخسرون

تخيل انت عندك بير ماي الوحيد بالكويت كل الناس تشرب من عندك وباجر اكتشف جارك بير يديد عنده وفكر يبيع للأوادم مو راح تتضايق؟ نفس الشي هني

 

[جرير]

الكل يصارخ ويدور مصلحته

لا تتوقع انه اعضاء مجلس الامه كل اللي سووه عشان

المتقاعدين .. والله مو سألين عنهم ...والدليل

موضوع الفوائد اللي تاخذها التامينات مدى الحياه من غير وجه حق

لو فيهم خير يطيحون الفوائد

صدقني باجر تشوف منو الموؤسسين في الشركه اعضاء المجلس

السابقيين بس والحاليين

اما الاتصالات لاتلومها ياخوي هذه رزق عيالهم تبي

في ليله وضحاها احد يشاركهم فيه ...

 

[TechnoFund]

وقفت على السعدون الحين .. يعني كلش بو عبدالمحسن مو ماخذله شي !! اشدعوه .. نفعني واستنفع .. وين المشكله ؟! عالم - كويتي - غريب

 

[بوزايد]

السؤال المهم ليش الحكومه تبى تعطى السعدون شركة اتصالات؟
فى صفقه قادمه ؟ تمرير قانون ؟ المهم فى شى راح يصير بس شنو ما ادرى
مثل ما انصرفت 7 مليون دينار للنواب مقابل الموافقه على تمرير قانون المرأه تمرير شركة الاتصالات مقابل قانون جديد شنو القانون ؟ نبى همتكم نبيكم تعرفونه شدوا حيلكم

 

[Black]

الحكومة ما تبين اتسوي الشركة بس تبي ترفضها بشكل ما يحرجها
لان الهواتف أكبر المساهمين فيها ولدهم الخرافي اللي ما يبون يزعلونه
و يبون يحطون عذر مقبول ليش ما يبون شركة ثالثة ، شنو السبب ؟؟؟
و بالنسبة للإستفادة صحيح ان الشركة اليديده راح تستفيد كثير و الخسرة بتحوش الهواتف مع الاتصلات و لكن أكثر المستفيدين هم احنا لأن الخدمات راح اتزيد و الأهم هو التعرفة راح اتقل بشكل كبير و راح يحرقون اسعار المكالمات و هذا اهم شي ، و على سالفة الأرباح خلها تتوزع بين هالثلاث شركات علشان ما يلعبون فينا اكثر من اللعب اللي صاير .

و الشي الغريب ان سعد البراك صاير مثل رئيس دولة يشرع و يصارخ و يتكلم على مجلس الأمة و الدستور و مصلحة الدولة و الناس اللي هو نفسه ما يدري عنها الى ان فاحت الريحة و قام يفقد توازنه و صار ما يسيطر على نفسه و كل يوم مؤتمر صحفي و انتقادات في انتقادات و مافي شي عدل الا عند الهواتف اللي هي أمل الشعب الوحيد !!!!
و أقول للبراك البقاء للأفضل ، إنت ليش خايف !!!!
حط خدماتك و خل الشركات الثانية اتحط خدماتها و هذا الميدان يا حميدان
سلام

 

[Electron]

اتوقع والله اعلم ان قانون انشاء شركة اتصالات ثالثه

سيتم رضيا من يرضا ولا رضيا من لا يرضيا

 

[بوعبدالهادي]

اتوقع والله اعلم ان قانون انشاء شركة اتصالات ثالثه

سيتم رضيا من يرضا ولا رضيا من لا يرضيا

اخي الكريم اذا تكرمت تفسر الجمله الملونة بالاخضر لانها غير مفهومه واكون شاكرلك

تحياتي

 

[بوعزيز]

الشركة الثالثة مفيدة لكل الشعب الكويتي
وليست مفيدة للشركة الهواتف 90
البراك يقول للسعدون إعتزل السياسة
أنا أقول للبراك جم كيلوك إنت علشان تقول للسعدون إعتزل السياسة
السعدون شأت أم أبيت هذا أبو السياسة
البراك قام يطلع بالجرايد كل يوم ويجرح بالسعدون بس علشان يرفع من شركته
فا هيهات هيهات
هذا السعدون بوعبدالعزيز لن يلتفت إلى ورع من ورعان الخطوط الجوية الكويتية

 

[بوزايد]

سيتم رضيا من يرضا ولا رضيا من لا يرضيا


هههههههههههههههههههههههههه ذكرتنى بالمثل اللى يقول

مد ريولك على ما تشتهى السفن

 

[hindkwt]

مالت على الوطن الي باعت قرئها عشان مصلحتها الشخصية بهالصورة
بالله عليكم موضوع بنص الصفحه الأولى وبالخط العريض مع البراك!! من يكون هذا عشان تسون معاه مقابلة المشكلة عبالهم انه الناس متأثره بتصريحاته ولا المجلس خايف منه فعلا غباء,,.

 

[السوق الكويتي]

فعلا .. انا ماهمني الموضوع بشكل كبير كثر ماهمني البراك ...

من هو البراك حتى يتكلم بهذه الطريقة وبهذا الاسلوب ؟؟

اعتقدت للوهلة الاولى ان البراك هو عضو مجلس امة !!


والله عطووووه أكبر من حجمه ... ولكن تظل الكويت دولة ديموقراطية ...

والكل يحق له الحديث ... حتى اللي يصب جاي يقدر يقوول اللي يبي !

ولكن .. شدني خبر امس شفته بالجريدة ... الأخ البراك طالب مناظرة مع السعدون !! واتهمه بالهرووب من المناظرة الكبرى !! وان السعدوون مختبيء خلف المجلس !!!



جني انا بعد عطيته اكبر من حجمه !!

 

[مسكين]

لاحول ولاقوة إلا بالله العظيم

يا جماعة فى شىء أنا مستغرب منه فى هذه البلد

والستغراب فى شخصين بالذات وهم جاسم البحر و سعد البراك

الأول راح حول المديونية إلا عليها إلى عينية عن طريق سوق الأوراق المالية

من غير موافقة مجلس الوزراء .

ولا أعرف أشلون إدارة البورصة تقوم بتحويل هذه الأسهم بأسم الهيئة العامة للأستثمار والصندوق الكويتى بدون رضاهم على الرغم يجب الموافقة عليها من مجلس الوزراء. أشلون تجراءت إدارة البورصة لعمل مثل هذا .

معنى هذا إذا أنا يطالبنى أى إنسان شىء أروح أكتب لأدارة البورصة وأعطية أسهم على كيفى سواءا موافق أو غير موافق. والله العظيم فوضة


أما الثانى فأصبح صاحب السمو على البلد والمشرع فى الكويت

لا تفتحون شركة ثالثة ولا نريد منافس . اية على كيفة

والله ما ألومك إلا قاعد تقطع الخط على المواطنين لأنهم مطلوبيين عشرة دنانير . أنا أعتقد أن الرجل حاشتة هستيريه.

أحنا نأبى شركة ثالثة حتى لو أهى خسرانه أقتصاديين علشان ما نعيش تحت شركتك الخايسه إلا ما لها إلا تقطع بالخطوط .

أما الوطنية الشهادة الله ما تقطع إلا على خمسين دينار وفوق
ولا تكلم شخص منها ولا تعليق يا أخى صج مأدبيين.

على فكرة العم أبو عبدالعزيز إلا أنت تأبية يعتزل السياسة (أهو إلا أنقذ الديمقراطية إلا أنت عايش فيها يا منكر حسنة كانت الآليات العسكرية حوالين بيته فى الخالدية )
لم يبدأ الكلام معاك يقولك وأنا عمك

أفهم يا فهيم.

 

[خير الكلام]

السلام عليكم

مشكله سعد البراك مو بالشركه الثالثه لا .

المشكله في توزيع الاسهم على شعب الكويت على شكل قرض حسن .


وطبعا ماكو احد راح يبيع الا الغشيم .


واذا محد باع اكيد كل شعب الكويت راح يساندون الشركه الثالثه لانهم مساهمين .


وطبعا اذا محد باع معناته ان اعضاء مجلس الاداره سوف ينتخبون على حسب ادائهم لان ماكو احد يملك نسبه .



اهم شئ لحد يبيع اسهمه واسهم عياله .


لاتسون نفس ماسوى الوالد الله يرحمه ويرحم كل الناس .


يوم باع اسهم كيبلات الخليج ب170 فلس

 

[bu3teeg72]

الشركة الثالثة مفيدة لكل الشعب الكويتي
وليست مفيدة للشركة الهواتف 90
البراك يقول للسعدون إعتزل السياسة
أنا أقول للبراك جم كيلوك إنت علشان تقول للسعدون إعتزل السياسة
السعدون شأت أم أبيت هذا أبو السياسة
البراك قام يطلع بالجرايد كل يوم ويجرح بالسعدون بس علشان يرفع من شركته
فا هيهات هيهات
هذا السعدون بوعبدالعزيز لن يلتفت إلى ورع من ورعان الخطوط الجوية الكويتية

حبيبي مو عاجبك البراك عرفناها و وجهة نظرك و نحترمها، بس عاد تقعد وتنفخ بالسعدون شكو؟؟؟؟ أخاف هو النظيف العفيف؟؟؟ هيهات هيهات

الله يعافي المدينة الإعلامية بس

 

[بوعزيز]

حبيبي مو عاجبك البراك عرفناها و وجهة نظرك و نحترمها، بس عاد تقعد وتنفخ بالسعدون شكو؟؟؟؟ أخاف هو النظيف العفيف؟؟؟ هيهات هيهات

الله يعافي المدينة الإعلامية بس

حبيبي مهما يكون سظل بوعبدالعزيز أبو السياسة



ومنو يكون سعد البراك علشان يتكلم عن أبو السياسة
أنا ما دافعت عن أحمد السعدون أبو السياسة بس ذكرت
إن الرجال مهما إختلفنا معه وإتفقنا معه سنظل نحترمة
إلى الأبد
وإسمحلي

 

[bu3teeg72]

حبيبي مهما يكون سظل بوعبدالعزيز أبو السياسة



ومنو يكون سعد البراك علشان يتكلم عن أبو السياسة
أنا ما دافعت عن أحمد السعدون أبو السياسة بس ذكرت
إن الرجال مهما إختلفنا معه وإتفقنا معه سنظل نحترمة
إلى الأبد
وإسمحلي

والله إنت اللي اسمحلي... "كان" أبو السياسة على قولتك لحد ما نزلوه من على الكرسي العود طال عمرك.