على فكره اليوم انا طلعت من السوق

[بوحسن]

تحياتي اخواني انا طلعت من السوق وبصراحه يعز علي فراقكم بس
الدنيا جذي خايسه بدش على سوق الذهب

انشاء الله نشوفكم على خير

وبصراحه المنتدى بدون الفهلوي مو شي ولا يهونون الباجيين بس مبطلين ظهور اعلامي
ونتيجه اخيره

لا تصدقون التحليل وايد وبشكل 100% مرات احاسيسكم اضبط واياني واياكم تصدقون محفظه

انا قايل بطلع علشان لا ارد مره ثانيه . والزم نفسي

ترى انتو ادمان

خروجي من السوق وبالاحرى منكم مو معناته السوق مو زين لا بس يمكن انتو مو زينين

والبركه في بومهدي والغضنفري ( هذيلي بطلو اشوي )
والمارد ممتاز ورحالي بروحه محفظه وبوتسنيم قلب كبير

كيفرل انفست اقعد ولا تطلع

ادري في واحد انا مااحبه لاخلاقه بيستانس اني طلعت بس اقوله يا رب تكون مشتري النخيل اجل

 

[white soul]

بو حسن الله يعوض عليك انشالله ويرزقك انشالله ويزيدك من فضله

والله يوفقك بتجارتك الجديده وصراحه يعز علي فراقك

انا من المتابعين لكتاباتك

بس عندي استفسار شنو سبب خروجك من السوق؟​

 

[almared]

ما يصير يا بو حسن !!!

كل يوم يطلع واحد من الشباب ويقول أنا طلعت من السوق ... لكن الله يعوض خسارتك ... ويا ليت تكون متواصل معانا بآرائك ... والعين ما تعلا علي الحاجب .

 

[Q8 Stock]

السلام عليكم

الله يوفقك بوحسن
راح نفقدك
على الاعموم هذا قرارك الشخصي
وان شاء الله
نشوفك من اكبر تجار الذهب

بالتوفيق

 

[مايجامل]

تحياتي اخواني انا طلعت من السوق وبصراحه يعز علي فراقكم بس
الدنيا جذي خايسه بدش على سوق الذهب

انشاء الله نشوفكم على خير

وبصراحه المنتدى بدون الفهلوي مو شي ولا يهونون الباجيين بس مبطلين ظهور اعلامي
ونتيجه اخيره

لا تصدقون التحليل وايد وبشكل 100% مرات احاسيسكم اضبط واياني واياكم تصدقون محفظه

انا قايل بطلع علشان لا ارد مره ثانيه . والزم نفسي

ترى انتو ادمان

خروجي من السوق وبالاحرى منكم مو معناته السوق مو زين لا بس يمكن انتو مو زينين

والبركه في بومهدي والغضنفري ( هذيلي بطلو اشوي )
والمارد ممتاز ورحالي بروحه محفظه وبوتسنيم قلب كبير

كيفرل انفست اقعد ولا تطلع

ادري في واحد انا مااحبه لاخلاقه بيستانس اني طلعت بس اقوله يا رب تكون مشتري النخيل اجل

اتمني تكون طلعت بربح من السوق
وانتم السابقون ونحن اللاحقون بس ننطر نبيع ولو بخساره قليله

 

[bo 6obar]

انشاء الله يا بوحسن دربك خضر وتوصل لكل طموحاتك

وأكيد لك بصمة وفاء لهذا المنتدى راح يفقدها

بس اذا ربحت من الذهب رد وعلمنا شلون يمكن نلحقك

الله يوفقك

 

[MH For Ever]

ليش يا بو حسن

الصبح كنت متفاءل وقاعد تشجع الاخوان شو اللي صار؟؟؟

 

[بوحسن]

بس حاب اقول مشكور للجميع ترى ببجي من ردوكم :d
خصوصا الي قال اذا ربحت من الذهب علمنا

ترى السوق مثل ما ينزل يصعد

وخسارتي قشره حيل بس الله الي يعوض

والسوق مثل الاسبرنغه كل ما ينشد لي تحت بتكون انطلاقته الى اعلى بدرجه اكبر من السابق وبتشوفون ارقام قياسيه هالسنه

ستوك مشكور على الداتا اليوميه وبميزان اعمالك


السوق اذا ما عندك اجل ما عليك خوف مرحله وتتنتهي
الامور الاقتصاديه والسياسيه كلها بخير والصبر مطلوب

والله ماني متحسف الا على بعض الاعضاء الي صج محتاجين النصيحه والبركه بالاخوان الثقات

الصبر يربحك وبالعجله الندامه حق الي ما يعرف يغير اوضاعه

وتمنياتي لكم بالحصاد والتعويض وباجر باذن الله اخضر

 

[السوق الكويتي]

بس حاب اقول مشكور للجميع ترى ببجي من ردوكم :d

ترى السوق مثل ما ينزل يصعد

وخسارتي قشره حيل بس الله الي يعوض

والسوق مثل الاسبرنغه كل ما ينشد لي تحت بتكون انطلاقته الى اعلى بدرجه اكبر من السابق وبتشوفون ارقام قياسيه هالسنه

ستوك مشكور على الداتا اليوميه وبميزان اعمالك


السوق اذا ما عندك اجل ما عليك خوف مرحله وتتنتهي
الامور الاقتصاديه والسياسيه كلها بخير والصبر مطلوب

والله ماني متحسف الا على بعض الاعضاء الي صج محتاجين النصيحه والبركه بالاخوان الثقات

الصبر يربحك وبالعجله الندامه حق الي ما يعرف يغير اوضاعه

وتمنياتي لكم بالحصاد والتعويض وباجر باذن الله اخضر

نتمنالك كل التوفيق اخووي بحياتك ...

بس عندي سؤال ... اذا انت متفائل بالسووق وعارف ان راح يرتفع مره ثانية ... ليش ماصبرت ورديت على الاقل راس مالك !

وخروجك من السوق بهالطريقة ... راح يخلي هاليهوود يفرحوون لان هذا هدفهم !!


عالعموم بالتوفيق .. واهم شي الصحة والعافية ...

 

[خالد 44]

بس حاب اقول مشكور للجميع ترى ببجي من ردوكم :d
خصوصا الي قال اذا ربحت من الذهب علمنا

ترى السوق مثل ما ينزل يصعد

وخسارتي قشره حيل بس الله الي يعوض

والسوق مثل الاسبرنغه كل ما ينشد لي تحت بتكون انطلاقته الى اعلى بدرجه اكبر من السابق وبتشوفون ارقام قياسيه هالسنه

ستوك مشكور على الداتا اليوميه وبميزان اعمالك


السوق اذا ما عندك اجل ما عليك خوف مرحله وتتنتهي
الامور الاقتصاديه والسياسيه كلها بخير والصبر مطلوب

والله ماني متحسف الا على بعض الاعضاء الي صج محتاجين النصيحه والبركه بالاخوان الثقات

الصبر يربحك وبالعجله الندامه حق الي ما يعرف يغير اوضاعه

وتمنياتي لكم بالحصاد والتعويض وباجر باذن الله اخضر

قياسيه فوق ولا تحت

والله يابوحسن اني من اشد المتابعين لكتاباتك وراح افتقد مشاركاتك

 

[bujwsq8]

الله يوفقك دنيا واخره انشاء الله

بس انا اخر واحد اتوقع انه يطلع من السوق اهو انت لانك فيك من الصبر اكثر منا يا الصبر مفتاح

وما اعتقد في اي شخص بهذا المنتدى ما يعرف الصبر مفتاح واعتقد متابعين لكل كتاباتك بهذا المنتدى مع توصيلتك

لانك ما شاء الله فيك كل مقومات اللي اتخليك ما تترك السوق بهذي الطريقه

والله ما كنت ابيك تترك المنتدى

وراح نتفتقدك والله

الله يوفقك

 

[Cha3bar]

نقط نقط

 

[rahaly]

افاااااا يا بوحسن .... طلعت !!!!!


عموما كل واحد ابخص بحاله ...

الله يوفقك ويرزقك من حيث تحتسب ومن حيث لا تحتسب ...
وانشاء الله نشوفك من اكبر تجار الذهب .... اكبر من الاربش

ونشوف اعلاناتك تارسه الجرايد ((( مجوهرات بو حسن )))
(( الصبر مفتاح سابقا ))



عموما والله انك غالي ... بس لنا حق عليك تزور المنتدى حتى لو للتسليه بدون اسهم


(( بس عتب ... ما قلتلنا عن النحشة عشان نركب جيب واحد ))


الله يوفقك


رحالي

 

[الفهلوي]

وبصراحه المنتدى بدون الفهلوي مو شي ولا يهونون الباجيين بس مبطلين ظهور اعلامي

:d

انت من غيرت اسمك من الصبرمفتاح الي بوحسن واحنا انقبسنا

بوحسن حبيبنا

الدنيا محطات ولعل احدى محطاتها هي المنتدى والذي تشرفنا فيه بمعرفتك

طبعا لم نتشرف برؤياك الحقيقية ولكن بصمتك الكتابية وما كانت تسطره اناملك على لوحة المفاتيح ، جعل للكتابة معنى اخر .

الصبر مفتاح (بوحسن) لمن جهله ولم يعرفه هو لوحة مشرقة وابتسامه عريضة ، يجدها من واجهة لفحة الم او هم او حزن او حتى حيرة .

نعم كنت تقرأ كتابته وانت في ضيق او حزن ولكن تفاجىء بشعور غريب ، يجعل شفتيك تتمددان واسنانك تظهر وتجد انك ابتسمت بلا ارادة مجبرا ، لما له من جميل الكلام وحلاوة البيان وروح المرح الذي لا تخلو منه اي مقاله يكتبها .

اخيرا

انت معنا شئت ام ابيت وستظل اخ عزيز عاصرناه واحببناه واحترمانه .

وحتى تزول الغمه سننتظر عودة بوحسن ( الصبرمفتاح) . ​

 

[SpeciaL 1]

بوحسن "الصبر مفتاح"

أحد من أبحث عنهم بمجرد دخولي لهذا المنتدى
لأني أجد متعة في قراءة ما يكتب هذا الإنسان
فهو يشعرني بأهميته في سهولته وتواضعه
وهو الذي يجبرني أن أتأمل حروفه لما يحمل من علم وتجارب
وفجأة يجعلني أضحك كالمجنون أمام الشاشة

لا أجاملك إن أخبرتك بأنك تفرض نفسك في الدخول إلى القلوب

راودتني الفكرة نفسها اليوم
وفكرت أن أنتقل إلى عالم العقار
وبعيداً عن بلد الجشع "الكويت"
حيث الاستقرار
ووجود رادع لكل متلاعب
في بلد الحياة والتطور "دبي"

وأجد نفسي بعد قراءة قرارك ملزماً بجدية التفكير في تغيير النشاط إلى نشاط أقل خطورة

قد يكون القرار صعباً نوعاً ما
وكم العاشقين لحروفك يا بوحسن "الصبر مفتاح" يدعوك إلى التخلي عن قرارك
لكن يبقى أنه قد يكون نقلةً أفضل لحياتك
وهذا ما نتمناه لك

قد يأخذ مجالك الجديد وقتك
ولكن هذا لا يمنعك من التواصل مع إخوانك ومحبيك

وفقك الله يا بوحسن "الصبر مفتاح" لما فيه الخير

​

 

[Moshaks_777]

أخ عزيز وغالي

 

[شرياص العديلية]

بو حسن ماعندك سلف ؟

 

[نصوح]

​

الأخ الغــالي بوحسـن ( الصبر مفتــاح )

قريت عنوان الموضوع على بالي عنوان لموضوع راح تكتبه ، ولكن تفـاجأت بفحـوى الموضـوع ، الأخوان ماقصــروا بالرد عليك ولكن أزيد عليهــم وأقول لك إن في ناس في هالمنتــدى هم فرضوا حب الناس لهــم بكتاباتهم الجميـلة التي تدل بكل وضــوح على معدن صـاحبها الأصيـل ، ما أدري ما هو سبب قرارك المفاجـأ ولكن يعــز علينــا إبتعــادك عن هــذا المنتدى الذي أصبح فيه إسم ( الصبر مفتــاح ) موضوع مقروء بدون شعور لجميع المشــاركين ، الله يوفقك ويسهــل دربك وما نقول إلا إن مكانك في القلب والعين ، والله يبارك لنــا في القـلة المتبقية في هذ المنتدى ( ؟؟؟؟؟؟؟؟؟؟؟) هم معروفين وواضحين وضوح الشمس ، ونرجو أن لا تنسى زيارتنا في هذا المندى بين الوقت والآخر حتى للســلام فقط ................

ترى الجميــع يحبــك يا بوحســن ( الصبر مفتاح )​

 

[يوسف غضنفري]

بو حسن .. لو تروح تتاجر باليورانيوم المخصب اخرتها بترجع للسوق الكويتي .. ترى له طعم خاص حتى بالخسارة .. بالله عليك منو بسوق الذهب عندك هناك تقدر تتكلم معاه ؟؟ كلهم مكشرين وما يعطونك ويه واذ كلش كلش شفت واحد مبتس وعنده ضرس ذهب ....

الا اذا تقصد المتاجرة بالفخار هذا موضوع ثاني

عموما الله يوفقك وان شاء الله يرزقك وترجع للسوق الكويتي وتكون مدير محفظة .

تمنياتي لك بالتوفيق

 

[درب العصامى]

اخوى بو حسن ( الصبر مفتاح ) ...


انا اعرفك وانت اخوى.. اللى يضايقك يضايقنى ... واقولك ...مو علينا ؟؟

واذا تبى سلف .. انت بس اشر ..و ارميها ع البلاطة

انا حاضر .. بس انت قول " انا عاوز كده " وما تتكسفش :d

وانا اقولك : ماعنديش خلاص اصطفينا كده

اسمعنى بو حسن ...
احنا فى الهوى سوا .. وانت تعرف ايضا خسارتى اللى ما اعرف شلون ارقعها ؟؟ ... بس صدقنى مو هامنى .. واعرف ان هناك من هو اكبر منى يعانى اكثر .. وان ذلك حال اغلب الناس

الله اعطى .. الله اخذ
بس باكر راح احرك السوق و اييب ملايينى اللى بسوق هونغ كونغ واحرك السوق الكويتى .. علشان تفرح .. اشتبى بعد ..؟؟ وقول اخوى ما عملها ؟

بس سوق الذهب ... جنه مو زين .. يعنى " لو تسوى مصنع كبريت " جنه احسن وايد .. واذا تسوى محل باجة وعنده " خباز .. "جنه مولك" .. انا راح اجزم ان بعد سنة راح تحوله الى فندق ؟؟

اخير ا

.. تراهن انك راح ترجع على البورصة .. اعرفك وخبز ايدى ؟؟؟


اخر الكلام :

من تعجل بالشيىء عوقب بحرمانه