التجزئة ... وما ادراك

[ralraja11]

حيا الله جماعة الربع .....

بما اني جبت العيد وتعلقت من اذاني .........

قلت خلني ابثر خلق الله ...................

وبما اني من المتعلقين في العقرب ......................

طلعت معي كذا..........

سمعت كلام كثير عن التجزئة وعن دخول الاجانب...........

وبما ان علمي الاقتصادي لا يتجاوز علمي جدتي في القنبلة النووية .....


لذلك ............ وسعوا صدوركم على ابو اسم صعب ........ واذا رأيتم اعوجاجا فصوبوه ..........

يقولون طلع قرار التجزئة ......... لكن اللي شفته ان القرار خفض القيمة الاسمية لا ورفع مشروع قرار ولم يقر بعد ......... يعني ما بعد صار شي....


طيب .......... الحين الكهرب ب 147 قسموها على 5 = 29.4 ريال

الحين وشلون يصير كذا سعرها ؟؟؟ يا اما 30 او 29؟؟؟؟؟؟؟؟وين بيروح الفرق؟؟؟

الشي الثاني كم بتصير نسبتها ؟؟؟ فوق :31.5 تحت:28.5 !!!!! كيف؟؟؟ طيب اصلا النظام ما يتداول اقل من ريال ؟؟؟ وبعدين نسبة التذبذب بامر واحد؟؟؟؟؟؟؟؟؟ يعني يا نسبة فوق يا نسبة تحت ؟؟؟؟؟؟؟؟؟


فهمونا جزاكم الله خير...................

الشي الثاني ......... وش بنسوي بشارتاتنا بعد التجزئة؟؟؟؟؟؟؟؟؟؟؟؟؟


الشئ الثالث......... وهذ المضحك المبكي : يقولون ان التجزئة هدفها زيادة عدد الاسهم وبالتالي تقليل امكانية السيطرة على الشركات!!!

طيب يا بني ادم مهو نفس اللي كان مالك مليون سهم صار يملك 5 مليون ؟ ومبلغه اللي كان يقدر يرفع فيه السهم بدل ما صار يشتري سهم واحد يصير يشتري 5!!!

دخول الاجانب: الحين بالله الهندي ابو 500 ريال بيدخل السوق؟؟؟؟؟؟؟ من وين؟؟؟

هل تتحمل بنوكنا المتخلفة هذا الضغط؟؟؟؟

السوق اصبح مسيسا بالكامل وهي بادرة خطيرة وغير مرغوب فيها .......... خلينا نروح لل8000 بس لا تتدخل الدولة بالسوق ......... لانها بتصير دائرة حكومية ...........

العرض والطلب كفيل بحماية السوق من الانهيار ............... لكن التدخل الحالي سيدخل عوامل غير قابلة للقياس تضاعف من الشائعات؟؟

تحياتي لكم

وعذرا على الازعاج على الصبح

 

[mushari]

حيا الله الخوي ( متعلق زيك في الكهرباء)

* التجزئه شي نفسي بس صح سابك بتصير بـ 300 بس ما راح توزع الا 6 ريال زي فيبكو الحين 5 , 6 ريال

* كل شي بينقسم على خمسه حتى الريال بيصير 20 هلله

* الشارتات انت ادرى , ولا نصبر لين يتكون نموذج على النظام الجديد

* الاجانب شف اللبنانين والفلبينين والاوروبيين رواتبهم اكثر ويصرفون اقل وما عبا صندوق المساهم في الامريكي الا هم , ولا درينا عنهم الا يوم طاح السوق انواع الاسئله هاه بدو يرجع السوئ السعودي ولا ما بده .

* يمدحون الاراضي ما بعد دخلو فيها الاجانب :d

 

[ralraja11]

حيا الله شقيقي المتعلق ... ورفيق الكفاح

جيت على الجرح بالنسبة للاراضي ............

بما انني انحدر من عائلة رفيق دربها الملف العلاقي لاخضر

موظفون حكوميون حتى النخاع هو شعارنا ........

لذلك فتح الله على احد الاقارب بفكرة المعية عندما قال:

انت الحين توك شباب .... اشتر لك ارض وقدم على بنك التنمية بعد 20 سنة وانت توك معرس يجيك القرض...................


الرجال لزق لزقة اقوى من لزقتي لكم بالمنتدى ...........

رحنا نشوف اراضي .....................

حي الياسمين ............ بر ............. وقاع صفصف .............. ومكشت للشباب الظريف مثلي.................

الارض السكني ب600 ........ ماشي

نبعد شوي يمكن ارخص ............

بجانب نادي الشباب ...........700 الارض ...............

معليش بعد شوي ...................

بعد المطار ........... الثمامة .......... متر ب300 ....... يا سلام


يا ولد المستقبل امامك وكلها 5 سنين وتتعمر كل هالاراضي بعد شوي .....................

بجانب التفتيش الاول بطريق الدمام ........... وعلى بعد 40 كيلو من العمران ............ بجانب مراتع الابل............وعن وسط المدينة استطيع القول 80 كيلو ........... كويس هذي ميزة .........يعني يجوز نجمع ونقصر وحنا رايحين للدوام ...................

ارض 900 متر ب15000............... يا بلاش

المشكلة فاتورة المويه بارض الصحاري الجافة لمنزل من 8 افراد ب52 ريال

والمتر ب1000 في بلاد اكثر ما كثر الله فيها الاراضي .............


ما علينا منتدى اسهم بس وش نسوي ......... التعليقة لها احكام

 

[mushari]

بما ان السوق طايح اليوم ولا عندي نيه اعدل بيني وبينك الوضع ما يطمن

بنسولف في الاراضي

يمدحون حي الامانه انا شفت له مخطط وقعد يسولف لي راعي المكتب ووراني شارع العليا ويقول باقي 5 كيلو بس ويدخل في الحي وشار علي ( نصحني) اشتري على شارع العليا. او طريق الملك عبدالعزيز , بس لعب الفار في عبي على قولة زملائنا اهل مصر يوم قالي تبي تشوفها مدبله 10 مرات .. صارت ارض التدبيله

 

[tma215]

عليكم باراضي عريض رخيصة