░░▒▓██ شرح : طريقة عمل ملف الاكسل للبيانات ░░▒▓██

[Q8 Stock]

السلام عليكم

اقترح علي الاخ العزيز الفهلوي ( بومشعل )
طريقة عمل ملف الاقفالات اليوميه
وكيفية الحصول على البيانات
طريقة ترتيب البيانات
والطريقه بسيطه جدا
وان شاء الله
اقدر اشرحها لكم بالصوره البسيطه

نبدأ
بسم الله


أولا لابد لنا ان تكون البيانات باللغه الانجليزيه
يعني نروح لصفحة الاسعار الانجليزيه
REGULAR MARKET
وبعدها نروح حق
Quotes

أو إضغط على هذه الرابط
http://www.kuwaitse.com/Market/RQuotes.aspx


ثانيه نقوم بتحميل ملف الاكسل بالضغط على ايقونة الحفظ التاليه

فتظهر نافذة التحميل

والضغط على زر Save حفظ

ونقوم بحفظ الملف على سطح المكتبه Desktop
لسرعة الوصول إليه
بعد التحميل الملف نضغط على زر Open فتح

يتبع​

 

[Q8 Stock]

ثالثا بعد فتح الملف لبيانات السوق
تظهر لنا البيانات في ملف الاكسل بهذه الصوره

الآن سنقوم بإزالة البيانات الغير مرغوب فيها
مثل العنوان والاسامي والشركات التي لم يتم التداول عليها

نقوم بتظليل الجزء العلوي كما بالصوره التاليه

بالضغط بالماوس مع استمراريه الضغط من رقم 1 الى 9

وبعدها كليك يمين ونختار Delete حذف

لابد ان يكون ناتج ازالة الاسم في الاعلى بهذي الصوره

نقوم بإزالة البيانات الغير مرغوب فيها كما بالصوره التاليه بالضبط
اللي هي احرفها G . H . I . J . K . L . M

يفضل الضغط على المواس مع استمرارية الضغط
وتظليل الاحرف السابقه

وكليك يمين ونختار Delete

ويكون الناتج بهذا الشكل تقريبا

يتبع​

 

[Q8 Stock]

نقوم بإزالة بيانات الشركة التي لم يتم عليها تداول
يفضل ضغط الرقم المقال للشركه يتم تظليل بالطريقة الصحيح
وبعدها كليك يمين والضغظ على Delete حذف

نقوم بتغير اسم Last

الى Close

وهذا التغيير مهم جدا

نضيف في خانة الجداول خانه جديد بإسم Date

وبعدها نقوم بكتابة تاريخ اليوم

مهم عند كتابة التاريخ
لابد بأن يكون مثل الصوره السابقه بالضبط
يعني 21/03/2006 خطأ كتابته 21-03-2006
اذا كان التاريخ مفرد لابد كتابته صفر ثلاثه 03
وليسه كتابته 3 فقط
ولا بد بأن نكون حذرين في كتابة التاريخ
لانه اي خطا في البيانات وبعد التحديث
سوف تحذف هذي البيانات من كل سهم يدوي
لابد بان تكون حريص

الطريقه المتعبه الحين كوبي بست
للتاريخ ليكون الناتج النهائي هكذا

لابد بأن يكون الناتج بهذه الصوره السابقه

يتبع​

 

[Q8 Stock]

بيانات المؤشر السعري والقطاعات

لابد بأن تكون الصفحه باللغه الانجليزيه
http://www.kuwaitse.com/default.aspx

ونذهب الى كلمة More بالاسفل
او الرابط التالي
http://www.kuwaitse.com/market/sectorquotes.aspx

العملية سوف تكون يدويه
والله يكون بعونكم لانه الملف بالاول كان يحتوي على القطاعات
والحين غيروه وخلوا يبس الشركات
وهذي البيانات اللي نحتاجها

نقوم بتغيير اسم MARKET INDEX الى INDEX
ومهم هذا التأخير
وايضا نقوم بإضافة حرف S لكلمة FOODS
حتى لا يتم خلط بين مؤشر الاغذية مع سهم الغذائيه
لانه الحرف هو من سيفرق بين الاسمين
مع اهمال قطاع التأمين بإسم INSURANCE مو محتاجينه
ومع اضافة صفرين للكميات
المؤشر الكمية 1,204,230 بعد اضافة الصفرين بكون 120.423.000
هذي اخطاء من موقع البورصه وليس لنا علاقه

وهذا الناتج النهائي للعمل

لابد بأن يكون مثل الصوره
طبعا حذفنا بعض الاسهم لكي نقرب الصوره وتكون واضحه للكل

ودعواتكم

 

[bo 6obar]

الف شكر لك يا استاذ العطاء وما قصرت​

 

[متداول اسلامي]

جزاك الله خير
وعسى الله يحفظك ويبعد عنك كل مكروه وسوء
وجعلك ذخر يا اخوي بو علي
---
استفسار ,,,
بالنسبه لبيانات المؤشر السعري
هل لازم ناخذها بالانجليزي ولا عادي بالعربي؟
واستفسار اخر

ويكون الترتيب كالتالي ؟
close open high low voll
صحيح؟
========

ورجاء اخر من اخوي الفهلوي يكلف احد يساعد ااخونا بوعلي
ويذكر خطوات المؤشر السعري

والله يوفقكم دنيا و اخر ه

 

[متداول اسلامي]

واستفسار ثالث
بالنسبه للقطاعات هل نحدثها لوحدها كما هو الحال مع طريقة تحديث المؤشر السعري؟

 

[Q8 Stock]

السلام عليكم

حياك الله اخوي بوطبر

متداول اسلامي
مو شرط عربي ولا انجليزي
الاهم الارقام فقط
ومو شرط الترتيب منو الاول
حبيت اشرحها بالصوره الصحيحه علشان لحد يتخربط
لا ما يحتاج باقي المؤشرات لانها موجوده اصلا
في ملف الاكسل لما تنزله باللون الرمادي
فقط الوزني والسعري موموجودين

شرحة لك طريقة اخذ بيانات المؤشر السعري
شنو اللي مو فاهم متداول علشان اوضحه لك

 

[BoYaseen]

شكرا على الشرح الواضح والله يعطيك العافية و الرزق الحلال
استفسار بس للتاكيد هل يأثر اذا كان التاريخ آخر عمود أو لابد يكون في العمود الثاني مثل ما تعودنا ؟

 

[BoYaseen]

الظاهر استعجلت بالسؤال ملف اليوم الجواب واضح

 

[Q8 Stock]

هلا البروفسور
لا عادي مو شرط
الجواب حصلته في ملف اليوم
تعمدت اسويه جذي
علشان ابين انه مافي فرق
الاهم الاسامي تكون صحيحه
وكل خانه فيها البيانات المخصصه لها

واي استفسار انا بالخدمه

 

[ChuCky]

مشكووووووووووور على هالطريقه البسيطه .. بس هذي يدويه
نبي شي يحدث آلي حتى لو عن طريق الاكسل .. بس نقدر نحد حلى اثناء السوق وبدقة .. وماعتقد انها صعبه مع السايت الجديد !!!
والحمدلله عندنا مبرمجين بالمنتدى امثال بوحميد .. و BoRashid_1

 

[العربي77]

شكرا على المجهود

انت اكثر من رائع الله يطول بعمرك
بس نبي المؤشر الوزني من وين نجيب البيانات
اذا ممكن
وشكرا

 

[بوحميد]

الله يعطيك العافية يا مشرفنا العزيز....... و تفيدنا أكثر و أكثر و نقدر رغبتكم بنشر المعلومة بين إخوانكم بالمنتدى ........
س: ما جربت تسوي
Web Query بالـ الإكسل
و تخلي الملف بروحة يحدث من الموقع ؟​

 

[Q8 Stock]

السلام عليكم

مشكووووووووووور على هالطريقه البسيطه .. بس هذي يدويه
نبي شي يحدث آلي حتى لو عن طريق الاكسل .. بس نقدر نحد حلى اثناء السوق وبدقة .. وماعتقد انها صعبه مع السايت الجديد !!!
والحمدلله عندنا مبرمجين بالمنتدى امثال بوحميد .. و BoRashid_1

حياك الله اخوي شكي
يدوي احسن من لا شيء
اللي يقدر يفيدنا حياه الله
انا مو خبير بالاكسل
اللي اسويه بالاكسل لتيسير اموري فقط

انت اكثر من رائع الله يطول بعمرك
بس نبي المؤشر الوزني من وين نجيب البيانات
اذا ممكن
وشكرا

الله يطول بعمرك
الوزني موجود في موقع البورصه
لكن خطأ
احنا نستخدمه 500 نقطه
بموقع البورصه موجود بـ 5000
محتاج تعديل من الموقع نفسه
وانا اعدله يدوي من 5000 الى 500
ماحبيت اشرحها علشان لا يصير توهان بالشرح
وشرحت اهم الامور

الله يعطيك العافية يا مشرفنا العزيز....... و تفيدنا أكثر و أكثر و نقدر رغبتكم بنشر المعلومة بين إخوانكم بالمنتدى ........
س: ما جربت تسوي
Web Query بالـ الإكسل
و تخلي الملف بروحة يحدث من الموقع ؟​

هلا اخوي بويوسف
والله يجزاك خير
حاول اتسوي الملف وشوف شلون ناقص
اذا سويته بالطريقه اللي ذكرتها
راح يكون عندك فقط ناتج الشركات
ولا يكون عندك ناتج القطاعات
مؤشر القطاعات لابد منه

 

[bo 6obar]

الى Q8 Stock

بو علي واجهتني مشكله

الجدول صار مني اليمين الى اليسار مو مثلك من اليسار الى اليمين

هل هذي تعتبر غلطه وعلى اساسها ما صارت معاي

اول ما أضغط ( أوكي ) يتسكر بنامج الداونلودر ولا يعمل أي أبديت

الحين أرفقت الجدول إذا ممكن تشوفه وتعطيني وين الخلل

 

[صندوق استثماري]

الى الاخ العزيز

الى الاخ العزيز q8

ما هو مدى تاثير عدم ازالة الشركات التي لم يحدث عليها تداول وذلك على المنحنيات بالميتاستوك ؟

 

[Q8 Stock]

السلام عليكم

بوطبر
الحمدلله انه البرنامج ما سوى لك تحديث
تدري ليش ,,!!
لانك حاط تاريخ 2003 يعني بتحط قيمه
بتعفس الشارتات عندك
<<<< صارت فيه بالغلط
اول شي عدل التاريخ وخله 2006
وبعديل ذكرت انه تغير كلمة Last وتخليها Close
الخطوه هذي ناسيها

اختار اول خيار
مايكروسوفت اكسل


اخوي صندوق استثماري
ترك الشركه التي لم يتم التداول عليها
يقوم البرنامج بإضافة صفر في جميع الخانات للداون لودر
راح تسبب مشكله في قراءة الشارت لوجود تداول على الصفر

 

[bo 6obar]

كل الشكر لـ Q8 Stock

انت فعلا استاذ

نجحت في تنزيل الجدول وادخاله على الميتاستوك

بصراحه ماني عارف شلون أشكر

علمتنا علم تملكه لننتفع منه دون مقابل

الله يوفقك يا بوعلي دنيا وآخرة

 

[Q8 Stock]

انت فعلا استاذ

نجحت في تنزيل الجدول وادخاله على الميتاستوك

بصراحه ماني عارف شلون أشكر

علمتنا علم تملكه لننتفع منه دون مقابل

الله يوفقك يا بوعلي دنيا وآخرة

ليش من غير مقابل ؟؟
وهذي الدعوه في احسن منها اذا كانت صادقه

الله يوفقك يا بوعلي دنيا وآخرة

بالتوفيق ابو طبر
وانا بالخدمه للجميع
اهم شي لا تستعجل في عمل الملف