اصبروا(كبار المستثمرين ذوو نفس طويل ولكن لكل شهيق زفير والا فالموت)

[محب التوحيد]

بسم الله الرحمن الرحيم
الأخوة الكرام
السلام عليكم ورحمة الله وبركاته
البورصة هذه اللحظة تمر في وضع عصيب والسبب هو كبار المستثمرين أو كما يطلق عليهم في أمريكا(اصحاب الأحذية السوداء اللامعة) يحكمون السيطرة على السوق بما شروه من اسهم في الأسبوع المنخفض وصراحة شروا الاسهم بسعر زهيد بلاش والحين يتحكمون في السوق والله يكون بالعون
بس أقو ل لهم

لكل شهيق زفير والا فالموت​

 

[محب التوحيد]

السوق باذن الله سيكون في تحسن خلال الأسبوع القادم

 

[Businessman74]

الله كريم ما عندنا الا الصبر

 

[الكونكورد]

والله يا خوي شكلنا حنا اللي بنموت قبل لا يطلعون الزفير ..

عسى ربك يكتب اللي فيه الخير ..

 

[ashahri]

اتمني يجيهم اجلهم قبل لايرجع لهم زفيرهم !!!!!!!




ونفسنا طويل يا........... تجار

 

[Believer]

يا جماعة الخير لا تفهموا الصبر غلط .... إنتم أهل صيد بحر وتعرفون أصوله ... أحد يطلع بكل عدة الصيد اللي عنده وطعومه وزاده في يوم قاعده العواصف تضرب بالبحر ... والله لو الناس كله قالت البحر فيه خير ما حد ينزل بهالأيام ... ولو واحد كان داخل البحر لازم يرد قبل ما ينقلب فيه القارب اللي عنده فيخسر كل عدته ويمكن روحه بعد ... اللي يبي خير البحر يطلع من البحر هالأيام وينطر ليمن يهدأ الجو وتطلع النشرة الجوية وتقول الجو مناسب والرياح خفيفه والبحر هادئ ودرجة الحرارة مناسبة .... ساعتها يدش البحر أهوا مطمن إن إذا ما رجع بـ صيد وفير فهو مو خسران ... فالله يهداكم ما تنزلوا بحر البورصة هالأيام واصبروا عليه ليمن تهدأ الأخبار وتلاقون في رياح خفيفة مو يوم 500 نقطة طالع ويوم 500نقطة نازل ....

 

[محب التوحيد]

باذن الله سيكون هناك تحسن في السوق بس عليكم بالصبر يعني لا تبيع بخسارة يا اخوي يالحبيب لا تبيع بخسارة

 

[Believer]

باذن الله سيكون هناك تحسن في السوق بس عليكم بالصبر يعني لا تبيع بخسارة يا اخوي يالحبيب لا تبيع بخسارة

ليش ما يبيع الواحد بخسارة !! واللا لازم الواحد ينطر ليمن تصير خسارته غير قابله للتعويض أو يصير محتاج لارتفاع أسهمه شهور ليمن تردله رأس مال ... أضرب مثال على نفسي ... أنا كنت شاري ص متحدة على 600 وشاري كمية زينة وشاري المجموعة د على 980 و قيوين ا على 455 تقريبا وبدأ السوق بالنزول والنزول تقريبا بكل هذه الأسهم حوالي 20 % وعادة كنت أبيع مجرد وصول الخساير 8% بس عطيت ودني للي يقولون اصبر بكره السوق أخضر واندمت أشد الندم ... فأول ما بدأ السوق بالارتفاع وكان ظاهر إنه من غير سبب، نطرت يوم والثاني تأكدت إن ما في إقبال فعلا على السوق ... الناس تقول السوق تعافى أنا كنت هارب ... بعت ص متحدة على 510 والمجموعة د على 820 وقيوين ا على 430 ... والحين شوف أسعارهم و كم من الخساير وفرت لليوم ... الحين فلوسي معاي وناطر ليمن يهدأ السوق وتصير حركته منطقية قابلة للتنبؤ، ساعتها أدش السوق وأنا مطمئن وإن شاء الله أعوض خسايري بسرعة أكبر من اللي لسا صابر على سهمه وهو نازل ...
نقطه مهمه لازم نحطها باعتبارنا ... نحن صغار المستثمرين أصحاب الأموال الأقل من 200,000 دينار لا نؤثر بالسوق إذا كانت نية كبار المسثمرين إنزال السوق أو المضاربه فيه ... فلا نقعد نناطح معاهم ونقول نصبر ...

 

[المرزوق]

ارهاب اقتصادى

 

[ahmed6]

باذن الله سيكون هناك تحسن في السوق بس عليكم بالصبر يعني لا تبيع بخسارة يا اخوي يالحبيب لا تبيع بخساره .
انتا الله يهداك للحين متفائل خليتنا نمك اسهمنا ونتورط

 

[anaahmad]

ليش ما يبيع الواحد بخسارة !! واللا لازم الواحد ينطر ليمن تصير خسارته غير قابله للتعويض أو يصير محتاج لارتفاع أسهمه شهور ليمن تردله رأس مال ... أضرب مثال على نفسي ... أنا كنت شاري ص متحدة على 600 وشاري كمية زينة وشاري المجموعة د على 980 و قيوين ا على 455 تقريبا وبدأ السوق بالنزول والنزول تقريبا بكل هذه الأسهم حوالي 20 % وعادة كنت أبيع مجرد وصول الخساير 8% بس عطيت ودني للي يقولون اصبر بكره السوق أخضر واندمت أشد الندم ... فأول ما بدأ السوق بالارتفاع وكان ظاهر إنه من غير سبب، نطرت يوم والثاني تأكدت إن ما في إقبال فعلا على السوق ... الناس تقول السوق تعافى أنا كنت هارب ... بعت ص متحدة على 510 والمجموعة د على 820 وقيوين ا على 430 ... والحين شوف أسعارهم و كم من الخساير وفرت لليوم ... الحين فلوسي معاي وناطر ليمن يهدأ السوق وتصير حركته منطقية قابلة للتنبؤ، ساعتها أدش السوق وأنا مطمئن وإن شاء الله أعوض خسايري بسرعة أكبر من اللي لسا صابر على سهمه وهو نازل ...
نقطه مهمه لازم نحطها باعتبارنا ... نحن صغار المستثمرين أصحاب الأموال الأقل من 200,000 دينار لا نؤثر بالسوق إذا كانت نية كبار المسثمرين إنزال السوق أو المضاربه فيه ... فلا نقعد نناطح معاهم ونقول نصبر ...

عفارم عليك

 

[أبو بدر]

لكل شهيق زفير والا فالموت

السوق الكويتى ما فية الا الشهيق فقط ومن ثم ضيق تنفس والعناية المركزة

اللة لا يوفقهم !

 

[hamhali]

خير انشاء الله بعد شهرين

 

[محب التوحيد]

لكل شهيق زفير والا فالموت

السوق الكويتى ما فية الا الشهيق فقط ومن ثم ضيق تنفس والعناية المركزة

اللة لا يوفقهم !

يا اخوي يا بو بدر يالحبيب أصبر أصبر اصبر لا تبيع بخسارة
ويا بو بدر تراه مو من طبع المسلم الدعاء على المسلم
بدل ما تقول الله لا يوفقهم قول

الله يهديهم ​

وجزاك الله خير

 

[محب التوحيد]

اخواني الكرام
ألزموا هذا الحديث الشريف.
قال النبي صلى الله عليه وآله وسلم((ما من مسلم تصيبه مصيبة فيقول ما أمره الله: ( إنا لله و إنا إليه راجعون اللهم أجرني في مصيبتي و اخلف لي خيرا منها إلا أجره الله في مصيبته و أخلف الله له خيرا منها ) ))صحيح الجامع للألباني.
والله المستعان

 

[محب التوحيد]

وبدأ الزفير

 

[محب التوحيد]

وبدا الشهيق والزفير يعني تنفس الصعداء

 

[محب التوحيد]

الصراع الآن يشتد بين كبار المستثمرين والصناديق
ناس تشهق وناس تزفر

 

[قاروه]

جزاك الله خير اخي محب التوحيد

 

[محب التوحيد]

وبدأ الزفيييييييييييييييييييييييييييييير