دورة المؤشرنت للتحليل الفني
50 دينار كويتي
كيفاني قال:السلام عليكم
هبوط تاريخي ومأساوي بأسعار الأسهم , الكل يبيع وأنعدام الثقه هو السمه الرئيسيه لكل الأسواق الخليجيه
أنا لاأبرئ الحكومات مما حدث
هبوط حاد وبوقت واحد بكل الأسواق فعلاً يحير كل مراقب لأسواق الأسهم الخليجيه
مارأيكم
ماهو السبب وكيف المخرج؟
محب التوحيد قال:بسم الله الرحمن الرحيم
الأخوة الكرام
السلام عليكم ورحمة الله وبركاته،،
أسباب نزول البورصة والتي :
1-ان ما تشهده البورصة في هذه الفترة من نزول أو ان صح التعبير من تصحيح سببه هو أن صغار المستثمرين أمثالي اذا حدث أي حدث اعلامي فنحن الأوائل في الانسحاب بسبب أن استثماراتنا قليلة وبالتالي خسائرنا قليلة والمستثرين الصغار يقولك اسحب فلوسي واطبق المثل اللي يقول لا تنام بين القبور ولا تشوف منامات موحشة.
حقيقة صغار المستثمرين لو يمسكون على أسهمهم صدقوني ما رح تطيح البورصة أبدا.
2-كبار المستثمرين فاهمين ما قلته في البند رقم1 فلذلك يلعبون لعبتهم على كيفهم وصدقوني اذا كان في متضرر من اللي حاصل هم كبار المستثمرين لأن خسايرهم بالملايين بين حنه صغار المستثمرين خسايرنا بالالف ومضاعفاتها اذا ما كان أقل من الألف.
3-سبب التصحيح في البورصة حالياً هو أنك تجد اعلانات الشركات التجارية مضخمة جدا وغير واضحة مثل تشوق باحد الاعلانات واحد ماسك رزمة فلوس والفلوس هم قاعد تمطر عليه ما يدري منين يمسكه،والبركة بشيابنا ما يصدقون يشوفون مثل هالاعلانات ويتراكظون عليها وخذ سوالف بالديوانيات،وخذ بعدها سوالف بالبورصة وخذ السهم يطق طقة رهيبة وهو حقيقة ما يسوى سعره الي بالسوق،وبعدها نقعد نقول لعبة الهوامير...الخ
مثال
اعلان بيت التمويل الكويتي
نقلا عن موقع البورصة
بيت التمويل الكويتي يوقع صفقة مرابحة سلع بقيمة 850 مليون دولار أمريكي يعلن سوق الكويت للأوراق المالية أنه قد ورد اليه الآن من بيت التمويل الكويتي
ما يفيد بأن البنك قد قام بتوقيع صفقة مرابحة سلع بقيمة 850 مليون دولار
أمريكي (ثمانمائة وخمسين مليون دولار أمريكي)، لمدة 5 سنوات، لحسابه
مع مجموعة كبيرة من البنوك العالمية والاقليمية والمحلية بقيادة ثمانية
بنوك عالمية هي:
بنك دوتشيه الألماني - سيتي بنك الأمريكي - إتش.أس.بي.سي. أمانة
البريطاني - بنك كاليون الفرنسي - بنك الخليج الدولي البحريني -
بنك بي.أن.بي. الفرنسي - ستاندر شاردتر البريطاني - بنك وست
أل. بي. الألماني.
وقد قامت هذه البنوك بدور المنظمين الرئيسيين في ترتيب هذه الصفقة.
وعليه، سوف يعاد البنك الى التداول بعد عشرة دقائق من نزول الاعلان.
http://kuwaitse.com/Market/StkNewsA.aspx?stk=108
كم قالك 850 مليون دولار وحنا نشوف الرقم ننهبل خيالي لكن ابي الرقم بالدينار ونطالي رقابة فعلية على الاعلانات المضخمة يعني بالدينار 280مليون
وخذ الحين صغار المستثمرين وين رح يقطون فلوسهم
كل صغار المستثمرين اللحين بيشروا سهم بيتك
وشوف كم السهم بيوصل بسبة الاعلان .
وتبي السوق ما يصحح
الله يكون بالعون
توصية لاخواني ونصيحة هامة لأخواني صغار المستثمرين:
يبه يالطيب يالحبيب
موأمسك سهمك أقولك عض على سهمك وان شاء الله تعالى رح تشوف نفسك انك الربحان وانك يا الحبيب الورد والريحان.
والله ولي التوفيق وهوخير الرازقين.
--------------------------------------------------------------------------------------------
ملاحظة:
اللي عنده نصيحة لا يبخل علينا واللي يشوف خطأ في كلامي ينصحي وجزاكم الله خيرا
والسلام عليكم ورحمة الله وبركاته
يالحبيب يالطيب هذا كلام محلل اقتصادي حاصل على شهادة CIAالعالميةالمعوشرجي79 قال:حبيب قلبي لو تعد ما بجعبت صغار المستثمرين ما يطلع ربع ما يملكه صندوق واحد فقط فرجاء نبي الموضوعيه في طرح الاسباب ا و ( ليصمت )
Dolphin Kuwaiti قال:أمس كنت مع واحد خبرة بالسوق تمام
قال لي السوق لحد يوم الأحد كان عادي بالنسبة للتصحيح
بس ... من يوم الإثنين والثلاثاء إنكشف إن المسألة ...
لا هي أمنية ولا إقتصادية ...... بل سياسية بالدرجة الأولى
في نفس وقت التصحيح ....
والدليل على كلامه التصحيح لازم يكون على راحته مو بالقوة مالت
الإثنين والثلاثاء
وإنشاءالله .... الله يفرجها ... قولوا آمين
بس متى الضربةسهم مضاربة قال:ياشباب تكلموا بالواقع
يوم الاربعاء الاسود الاسبوع اللي طاف السوق نزل من
مستثمر سعودي سحب سيولته علشان يبرد اسهمه
اللي في السوق السعودي وانكشف امره فقاموا العالم
وقطوا معاه هذا اللي خلا السوق ينزل 440 نقطه يوم الاربعاء
والسوق من ذاك اليوم اهو نازل لانه كسر الدعم الرئيسي
والصناديق مو راضيه تدخل عليه لين يلامس دعم قوي مثل
8600 والاسواق الخليجيه كلها نازله من الوضع السياسي
الايراني واللي وضحها اكثر النزول اللي صار لسوق دبي
النصيحه :: الوقت المناسب الدخول على السوق هو
فتره الصيف الين الوضع السياسي يهدا ...ز
Dolphin Kuwaiti قال:أمس كنت مع واحد خبرة بالسوق تمام
قال لي السوق لحد يوم الأحد كان عادي بالنسبة للتصحيح
بس ... من يوم الإثنين والثلاثاء إنكشف إن المسألة ...
لا هي أمنية ولا إقتصادية ...... بل سياسية بالدرجة الأولى
في نفس وقت التصحيح ....
والدليل على كلامه التصحيح لازم يكون على راحته مو بالقوة مالت
الإثنين والثلاثاء
وإنشاءالله .... الله يفرجها ... قولوا آمين
دورة المؤشرنت للتحليل الفني
50 دينار كويتي