للتاريخ فقط

[ralraja11]

حطوا هالرسمة بين عيونكم .......

بعد اسبوع بتنسونها تماما ان شاء الله

لكن حطها خلفية في الجهاز

عشان تعرف وقت الطلوع ووتذكر

عاد اذا ما ارتد من 15000 ترا السوق انتهى .....

لكن توقعي والله اعلم اللي قايلة منذ مبطي اننا من 15 نرتد ....

 

[immortal]

سجل يا تاريخ

 

[ابو محسن]

واشهد يازمن

 

[مستثمرالى الابد]

تصدق احسبها (زوليه)

خبرك بسوق الزل حنا

 

[مستثمرالى الابد]

لا تزعل تراي أمزح

--------------------------------------------------------------------------------

لقيت الشاشه حمراء واحد يقول ياتاريخ ويازمان

تذكرت الزوالي اللى بسوق الزل

ارجوا قبول المداعبه وتراي امزح لا تزعل

 

[ralraja11]

ايه ولله يا مستثمر الزولية ام ريالين باليوم انها ابرك من السوق......

ما زعلت بس توني راجع

 

[محمد السريع]

شكلها زولية عربي
ذكرتني بالزل
لنا من خريجين سوق الزل

 

[& ensaaan &]

تصحيح هاه

يا أخوان سبحان الله كان يدرسنا استاذ الله يذكره بالخير كان يتكرر على اللسنة الطلاب انهيار و طيحة السوق و انحاشوا من السوق فكان يقول الله يهديكم لعد اسمع هذا الكلام على لسان اي واحد فيكم( بعدين اسقطة الانهيار يا حبايبي ما يحصل الا اذا حصل لأمن البلد حاجة لا قدر الله أو صار ازمة اقتصادية أو سياسية في البلد لا سمح الله في ذاك الوقت نقدر نقول انهيار............

طيب اللي احنا فيه الان اش نسميه و على فكرة لا أحد يقولي تصحيح

 

[محمد السريع]

يخوي سمه انفطار
سمه انشطار
سمه عطية

المهم نزول وبس
( واحد متعلق )

 

[& ensaaan &]

طيب ليييييييييييييييه زعلان انت الحين تفكر ان ما فيه الا انت متعلق

ياخي ما سمعت بالمقولة اللي تقول (( الموت مع الجماعة رحمة ))

وين الروح الرياضية

 

[ralraja11]

اخونا انسان .....

بما اني راعي حرش


فاقولك هذا تصحيح


بس ليش صار قاسي شوي ..........

لو نشوف الشارت بتلاحظ كان فيه ارتفاع ماله اي داعي ..... لذلك التصحيح =مقدار التصحيح اللي كان لازم يصير + الارتفاع اللي ماله داعي....


وهذا اللي بيصير ...... لكن عموما اللي صبركم من 21 الى 16 بيصبركم ان شاء الله الين 15

والا عاد الشكوى لله............. الضرب يصير للميت حرام والمؤشر لو كسر 15 يدخل غرفة العناية المركزة بمستشفى الملك خالد الجامعي ...... وبيتعبثون فيه طلاب الكلية الين 13 ثم 12 ثم 11 ثم 10 ثم 9 ثم 8


لذلك الارتداد من 15 فنيا شبه مؤكد باذن الله .....

وهذا التصحيح ايجابي ............... وارجع لطلعات السوق الكبيرة ............ ما جت الا بعد تصحيحات ..............................................


لذلك وضعنا الى الان اوكي ..............................


اما الاقتصاد ..... هو شي والبورصة شي .......

اقتصادنا حده لو ذبح نفسه 2000 نقطة


لاسباب :

1- يفترض بسوق المال ان يعكس الاقتصاد .... لكن في بلد او منطقة مشهورة بالشركات العائلية ...... لا ينطبق هذا الكلام

2- في دولة تقعد تجدد رخصة سيارة تقعد 4 ساعات لا تتوقع تسوي شركة مساهمة في 5 سنين

3- في دولة تملك الحكومة 80% من الشركات المساهمة ...... وال20% الباقية تعمل على العقود الحكومية .... لا تتوقع يعكس السوق الاقتصاد

4- في دولة تحوي 100000 نعم .....مئة الف شركة و مؤسسه خاصة وليس لديها الا 79 شركة ..... لاتتوقع يعكس سوق المال الاقتصاد



ختاما ........ المشكلة ليست في الاقتصاد ..... المشكلة في ان السوق لا يعكس الاقتصاد .............


تحياتي

 

[& ensaaan &]

الله يعطيك العافية أخوي ابو عبدالعزيز لكن فيه جزء من كلامك و الله انه خوفني و جاني غثيان لكن الحمد لله شربت كوب مويه و ابشرك الامور زانت
الجزء اللي قلت لك انه خوفني ((عاد الشكوى لله............. الضرب يصير للميت حرام والمؤشر لو كسر 15 يدخل غرفة العناية المركزة بمستشفى الملك خالد الجامعي ...... وبيتعبثون فيه طلاب الكلية الين 13 ثم 12 ثم 11 ثم 10 ثم 9 ثم 8))

الله يعطيك العافية على كل حال .....

 

[ralraja11]

لا تستبعد كل شي ممكن

وممكن يرتد من 15 الى 16400 الى 17 الى 18 الى 19 الى 20500 الى 21 الى 24 الى 25


كله ممكن


التحليل الفني للمضارب والتحليل الاساسي للمستثمر وكلهم يكملون بعض


لكن وشلون تضارب يوميا بواسطة التحليل الاساسي؟؟؟؟ هذي ودي افهمها

 

[immortal]

معلومات مفيدة لا تزيدنا الا اثراء

 

[ralraja11]

سجل يا تاريخ .............

ابو اسم صعب ومغتال فرحات اليتامى :d

يروع الضعوف وهو اولهم :d

وبما ان الايام اثبتت انه من قوم ((المرجفين و الذروقين )) :d

خلونا ننتبه للقادم ولا نكرر اخطاء الماضي


هذا الرفع ليس للارهاب ............. انما للتذكير


ويا مستثمر ابشرك طلعنا من سوق الزل ..............

ورحنا للخضار اللي جنبه ..................

اشترينا خيار وجرجير وبقدونس :d

 

[مستثمرالى الابد]

مبروك الارتداد

يا ............. مرجف:d

ولا تعودها مره ثانيه

ولا ترى بأوصي عليك أول

 

[مستثمرالى الابد]

يا أبو أسم صعب

من يوم كسرنا 15000 ما شفنا خير الا هاليومين

رفع للتذكير بسوق الزل

للتاريخ فقط

 

[ralraja11]

للاسف ...

لكن ان شاء الله خير