ما ودي أكون متشاؤم حيل لكن خلنا واقعيين..تتذكرون الكلام اللي انقال بالأول:
1) نطروا لما يخلص عقد 3 مليارات وتدش الأرباح في الربع الثالث.
2)قال المهذب جدا الله يذكره بالخير بما يعني"شلون لو قررت المحافظ تدخل على أسهم الجناعات في شهر 11-2005. وما دشوا..!!!
3) نفس الكلام انقال على أساس شهر 2-2006..وما حصل..!!!
4)توقعنا راح يصعد السهم مع الادراج في دبي ولكن ماصعد!!!!
5)قالوا لنا بان أرباح المخازن راح تكون 300 فلس في نهاية السنة وشكلهم لحسوا هالكلام وراح تكون أقل!!!
6) جلوبال تكلمت عن تقييم سهم المخازن 4.200 دينار فشنو صار عقبها..صعدوا السهم حد أعلى لمدة خمسة أيام متتالية فصرفوا علينا الكمية كلها!!!

(
7)طارق السلطان (حسبي الله عليه من تحايله ومكره وخداعه) قالنا بان أصول الشركة 4 مليارات وأرباحهم نص مليار دولار وخطط كبيرة للتوسع..عقب هالكلام المعسول راح السهم رواسي وكملوا التصريف علينا !!!

(
الحين تبون تعرفون ليش النزول..راح أقولكم
1) انعدام الثقة تماما في ادارة المخازن من قبل المحافظ بسبب انتهازيتها المطلقة وغموضها وانعدام شفافيتها مع الكل.
2)الاسلوب التنافسي الغير شريف الذي اتبعته مع كبار التجار الكويتيين.
3)توزيع المنحة وزيادة رأس المال الذي سبب ضغط بيع متواصل من قبل صغار المستثمرين وعدم دعم السهم من قبل ملاكه.
4)يبدو ان المحافظ شمشمت خبر عن توزيع منحة أخرى لهذه السنة مما سوف يتسبب بالمزيد من ضغط البيع على المخازن بسبب النحشة.

(
5) تآكل الأرباح أمام ارتفاع كلفة المصروفات الادارية والالتزامات المالية بسبب التملكات الجديدة والتوسعات الكبيرة.
المخازن سهم استثماري طويل المدى وفي احتمال كبير باننا لن نجني عوائده الا بعد سنة من الآن الا اذا صارت توزيعة منحة جديدة السنة القادمة ودخلنا في نفس الدوامة.
يا اخوان صدقوني بان الذي يقول بان المخازن راح تصعد ما عنده سالفة لأن الموضوع راح يطول واحتمالات الصعود الآن أصبحت أصعب ما التوزيعات السيئة. ومشكلة المخازن بان صار شعبي زيادة عن اللزوم ولازم ينفضون الفقارى والمقاصيص عنه لأن بريستيج طارق ومركز الشركة لا يسمح بكل من هب ودب يساهم في الشركة.
الحين الذي يفكر أن يبيع بعد ما أستلم توزيعة العام الماضي بالتأكيد خسران 50% من رأس ماله..فالأسلم له يستلم توزيعة هذه السنة ويصبر على بلوته..