الهروب الكبير ؟

[vactory]

والله ياجماعة البورصة والاكتتابات تعبتنا وطيرت فلوسنا وكل يوم هم في هم نزل السهم ارتفع السهم اكتتب في الشركة الفلانيه وانطر متي ترد فلوسك +نزل السهم شف متي يرتفع وانا لين الحين خساير رقم 1 دانه غاز لين الحين مارحت الامارات لا دمجت ولا يحزنون كل ماقول راح اروح هناك ادمج وابيع ينزل السهم ها شوفو كم السهم اليوم هذي تجميد فلوس 2 الريان والله يستر حاط فيه شي مو طبيعي 3بوبيان +الاولي +السور +العالميه للشحن +طيران الجزيره + الوطنيه للطيران والطامه الكبري مركز سلطان الشراء 1200 + وبيان 950 والله يعوضنا خير في كل الاكتتابات لانها هي الي فيها ان شالله تعويض الخساير . بس والله كل واحد يسال نفسه شوفو الاسهم شنو سوت فيه كله يفكر السهم الفلاني نزل السهم العلاني صعد كله تفكير والشيب طلع همه في الدنيا كله اسهم فلوس والنتيجه 1 شيب هم2 ضغط مرتفع 3 عصبيه 4 ؟ واخيرا ياليت يرتفع السوق مثل مارتفع ضغطنا امس ومن هذا المنتدي انا اعلن الهروب الكبير من اليوم لمده شهر او بالكثير شهرين بيع وراحه واستجمام

 

[beckham_23]

صح كلامك اخي العزيز victory
صار الواحد فينة بس يتكلم عن الاسهم
هذا السهم مو زين
و هذا السهم وايد تمام
احسن شئ انا اشوفة ان الواحد يستثمر فلوسة
في الاكتتابات المجزية
و كذلك يشتري متي ما شاف الاسهم نازلة
في كثير من الاخوان شارين اسهم بالعلالي وايد
مساكين اللة يكون في عونهم
ما اقول
حسبي اللة ونعم الوكيل
و اللة علي الظالم (اقصد المحافظ و الصناديق)
اخوكم بواحمد

 

[Moshaks_777]

مافي غير الصبر

 

[مجهول]

هذى حمى الطيور حايشه اسواق الخليج كله بما فيها سوقنا الله يعين

 

[vactory]

تقولوووون اصبر انا اقول طفح الكيل . . .

انا ادري ان الصبر مفتاح الفرج بس خلاص حتي الصبر كرهنا مايبينا مل وهو متكي عندنا يالصابرين بس انا ماقولكم بيعووو بخساره عط نفسك وقت وقول خلاص بيع في وقت مناسب تشوف خسايرك كم ؟ وانا والله انصح لوجه الله لا تشترون شي خلك اكتتاب في الكويت في الخليج اي مكان مسموح تكتتب فيه بس بعد دراسه وانا اقول الاكتتاب مافيه خساره نفس البورصه والله يوفق الجميع

 

[مستثمره جديده]

اللي قاعد يصير اشبه بالسيرك .. الله يستر من الياي

 

[الاوحديون]

مافي غير الصبر

أي صبر عمي /////////////////////// ؟

ما في غير المظاهرات​

 

[vactory]

اي مظاهرات صدقني ماينفع ؟ والله انا اقووووووووووووووووووووووووووووووول خلونا نردد ( يا ليل مطوووووووووووووووووووووووووولك ) ؟ههههههههههههههه شر البليه مايضحك

 

[alshammery]

المظاهرات ما اعتقد تسوى شى الا انها ممكن تخلى الحكومة تضخ سيولة بس لكن التجار والهوامير محد يقدر عليهم هم يملكون اسهم بالملايين ويستطيعون اللعب فى البورصة مثل ما يبون وهذا الواقع ... امس واليوم نفذوا نفس اللعبة يرفعون السوق فوق فى البداية لغاية 100 تقريبا اخضر ثم يبدا اللعب والبيع وهم من يشترى اى انهم يعرضون بالادنى وبعدين هم يشترون لتثبيت السعر اللى يبونة

 

[ابودخيل2006]

الشكوة لغير الله مذله
حسبي الله هو نعم الوكيل​