استراحه

[عجيم]

ضيدان ماودك نشكل عصابة ... نحتل بعض بنوكها والمحلات

ام يجي لي ولك قدر ومــهابه ... والا تبـــيـتــنا بيات الشريفات

والرجل ودك يشتهر في شبابه ... بالطيب والا بالعــلوم الرديات

ولا يهتـني ف اكله ولا في شرابه ... الين تطلع صورته بالمجلات

سعد بن عبدالله العجمي

الـــــــــرد

لا تحسب انا ياسعد وسط غابه ... هاللي تراوى لك تراهن عمــارات

وموضوعك اللي جبت كله غرابه ... والظاهر انه سابع المستحيلات

واخاف لاتـنبح عليك الكلابه ... ثم هات نسلم من مخاليبها هـــات

يابوك ماعمري دخلت النيابه ... ومن العمر مابقى كثر مافــات

وان كان تبغي الرأي قبل يغدا به ... من واحد جرب جميع الحيلات

خل الخطب للي يعرف الخطابه ... نهارنا شمس وفي الليل لمـبات

ضيدان بن صبحان العجمي

 

[sam-7]

للرفع الموضوع بنعيدة لـشبـابـــــة*********** من بعد ثلاث سنينن طويلات
من قال الاسفلت مايجيك بة غابة*********** الغابة بعيوننا ماهي اشجار و زراعات
نركض ورا الدينار و ونلاقي سرابة**************وماننتبة الا بعد مالفوت قد فات
تصرخ الغنم كل يوم وماكو استجابة************و الجفاف يوم ظرب ظرب ثلاث دوحات
ومطرب الخرفان للاسد راح يعزف ربابة***********وقاله ترا ناخيك يا شيخ الثدييات
فياضنا جفت ترا و اربيعك غلابة *********** وانت الصخي وناخينك للشديدات
رد الاسدمقعدك عندي في حقي معابة**********تبي العشب بيجيك على طبخك بهارات
امسكو الرقلة واكسرو على راسة الربابة***وزينو المفطح عجلن يا بنات

 

[q8dream]

يا Sam ذكرتني في زماني وشبابة *** ايام الصبا والطيش والطلعات
موضوعك يا Sam محد درا بة *** الناس من هالسوق كل له ازمات
من عقب الابتسامة كشر لنا نابة *** سوقنا ياخوي يبيلة فزعات

 

[سوينق]

قلطة

اش صار بالسوق يالربع وش جرا بة
حلت علية من كل صوب المصيبات
تعاونوا الاشرار على خرابة
اللة يعين المبتلي ويعيد مافات

 

[قلم حر]

عرضه

هذا السوق ياخوي مابه غرابه ___ يومن صاعده و يومن نازله الشارتات
مضارب ولا سوينق محد غنابه ___ ضايع وقته بس يحسب الخسارات
كلن منا يركض وراء حلم بنابه ___ عماير و قصورن ناطحاتن للسحابات
لي السوق صار خضر فرحنابه ___ يا خوي ما درينا انها ضحك و لعبات
عقبها الاحمر يكشر عن نابه ____ وتشتغل المحافظ وتكثر بها البوقات
خله و لا تمشي وراء سرابه ____ و بوصيك على علمن من الغانمات
اذكرمن سبحله برق وسحابه ___ وعلى سيد الخلق كثر من الصلاة