موجة صعود قادمة لسوق الكويت !

[Nasser pwc]

تحرك المؤشر السعري في السنوات الماضية حركة افقية بين مستويين 5.000 نقطة ومستوى 6.500 نقطة .( لاحظ القناة الافقية على الرسم البياني ).

بعدها شكل المؤشر قناة صعود متوازية مكونة من سلسلة من الموجات وعددها اربع موجات
تحتوي قناة الصعود على الموجات التالية :

الموجة رقم واحد وهي موجة صعود من مستوى 6.500 نقطة ليصل لمستوى 8.700 نقطة تقريبا .

اما الموجة الثانية وهي موجة تصحيحة من( مستوى المقاومة أساسي ) 8.700 نقطة تقريبا لمستوى 8538 نقطة تقريبا .

وكانت الموجة الثالثة موجة صعود طويلة من مستوى 8.538 نقطة لمستوى 11.900 نقطة ( مستوى مقاومة اساسي ) .

وبعدها عاود المؤشر بموجة تصحيحية من مستوى 11.900 نقطة لمستوى 11.080 نقطة تقريبا .

لا زال المؤشر في قناة الصعود التي تعطي التفائل , من بعد ان وصل المؤشر لدعم اساسي عند مستوى 11.080 نقطة ارتفع المؤشر بواقع الف نقطة ليصل لمستوى 12.080 تقريبا
نلاحظ ان المؤشر بالرغم من النزول الحالي يحافظ على صعوده في حالة استقراره فوق مستوى 11.370 نقطة .

التوقع هو ان المؤشر ان يشهد ارتفاع في الفترة المقبلة ليصل الى مستويات قياسية
الهدف المتوقع 12.300 نقطة .المؤشر في تكوين موجة صعود .
اما في حالة اقفال المؤشر تحت مستوى 11.370 نقطة سيكون هناك تحليل مغاير ( انشالله ما يشوفها ) .

والله اعلم .
منقوله

 

[Q8 Stock]

طيب كمل جميلك للنقل
وهات الصوره للشارت علشان يكون التحليل واضح

 

[Nasser pwc]

طيب كمل جميلك للنقل
وهات الصوره للشارت علشان يكون التحليل واضح

والله اخوي Q8 Stock حاط اخر شي منقوله يعني للإفاده بس

 

[Moshaks_777]

كل اسبوع تقولون الأسبوع القادم صعود ، ونفس العاده نزول وموأي نزول نزول حاد

لي متى ؟؟؟

 

[الطنطل]

كل اسبوع تقولون الأسبوع القادم صعود ، ونفس العاده نزول وموأي نزول نزول حاد

لي متى ؟؟؟

اي والله كل اسبوع يقولون صعود ويعطونا رسومات وبالاخر الرسومات والتحاليل كلها غلط في غلط

 

[الشاطر]

ما ادرى ليش تذكرت العجيرى

يمكن كان كل يوم يقول بكره مطر والا سننعم بامطار غزيره هذه السنه

وتمر السنه كامله من غير مطر ويوم سكت جانا مطر وخير

عموما سوق لحد الحين ما اخذ وضعه الطبيعى

 

[Yes And No]

الصبر مفتاح الفرج

 

[nasy]

الافراط بالتفاؤل مو من صالح السوق ومدام الكل متشائم انشاء الله يكون بصالح السوق

 

[feb2005]

انا مع Moshaks_777
كل كلامهم غلط ومافي شي غير نزول وفتره طويله 3 شهور والحين بداية مارس
بس انشاء الله خلص التصحيح يصعد شوي ل 12 الف ونبيع بدون خساره

 

[Moshaks_777]

السوق يسبح عكس التيار

نقول يمين يروح يسار
نقول يسار يروح يمين

والله دوخه

 

[laqtan]

الله يسمع منك امين

 

[الفهلوي]

كل اسبوع تقولون الأسبوع القادم صعود ، ونفس العاده نزول وموأي نزول نزول حاد

لي متى ؟؟؟

تفائلوا بالخير .... فالخير قادم ان شاء الله


" اذا ضحك الناس وفرحوا بيع .... واذا بكا الناس إشتر "

الفهلوي​

 

[انور النقوشي]

الاسبوع الياي
السوق
احمر
احمر
احمر
احمر
احمر
________________________________________________________
يا ولدي

 

[anaahmad]

والله انا عن نفسى بعت نص اسهمى يوم الاربعاء على امل انى اوقف نزيف الخساير واشترى بعد جم يوم لأنهم شكلهم بنزلون السوق ماكتفوا بعد

 

[STOCKER]

والله العظيم خسارتي بالسوق الكويتي وصلت للقاع وحسبي الله ونعم الوكيل

الاجل علقني وورطني وخلاني مانام الليل والله وحده كفيلي

 

[بو نبيل]

ما ادرى ليش تذكرت العجيرى

يمكن كان كل يوم يقول بكره مطر والا سننعم بامطار غزيره هذه السنه

وتمر السنه كامله من غير مطر ويوم سكت جانا مطر وخير

عموما سوق لحد الحين ما اخذ وضعه الطبيعى

الشاطر دير بالك ترى العجيري واحد من الأهل

 

[careful_invest]

استفسار لأصحاب نظرية الفجوات..شنو أخبارها هالفجوات بعد ما قالوا لنا بانها لازم تتسكر الأول قبل مواصلة الصعود..أشوفها بعد ما تسكرت واصلت نزول..مادري هل للحين في فجوة مفقودة فنزل المؤشر يدورها في قاع الشارت!!!

 

[FLOOD]

استفسار لأصحاب نظرية الفجوات..شنو أخبارها هالفجوات بعد ما قالوا لنا بانها لازم تتسكر الأول قبل مواصلة الصعود..أشوفها بعد ما تسكرت واصلت نزول..مادري هل للحين في فجوة مفقودة فنزل المؤشر يدورها في قاع الشارت!!!

ياخوك طلعت مو فجوة وحدة سوقك طلع مشخاااااااااااااااااااااااااااال

 

[الشاطر]

الشاطر دير بالك ترى العجيري واحد من الأهل

الله يطول عمره لاننكر انه خدم الكويت ولا انكر انى كل سنه اشترى تقويمه

ونعم فيك وفيه

بس لاتزعل انت

 

[Analyst]

العجيري اهو اللي يعرف السوق

الشاطر دير بالك ترى العجيري واحد من الأهل

الأفاضل بو نبيل والشاطر كما ذكرت سابقا :

أنهم يشبهون المحلل الفني ( Technical analyst) الذي يعتمد التشارتات ونقاط الدعم والمقاومةبالمنجم
والمحلل الأساسي ( Fundamental Analyst) بالفلكي وبالتالي فان استاذنا الكبير الدكتور صالح العجيري أطال الله بعمره ( يعتبر محلل أساسي وليس فني .

ودمتم سالمين