شرايكم ياأهل الخبره في دانه غاز هل تنصحون في شرائها ولا أنتظار

[1بــوطلال1]

شرايكم ياأهل الخبره في دانه غاز هل تنصحون في شرائها ولا أنتظار
وشلون أشتري في سوق أبوظبي أين أذهب وجزاكم الله كل خير

 

[am7]

انا مثل وضعك
ضارب خيال على دانه
لكن انا بالكويت الان و ابي اشتري السهم من غير ما اروح للامارات
كيف ؟

 

[am7]

يالربع شكلها دانه اذا نزل عن 3.50 درهم ما يرده الا 2 درهم
شرايكم بذالرمس

 

[kuwait_17]

اصبر عليها شوي ,,, ونصيحة للي عنده كاش اصبر لمن تبين اوضاع اسواق الخليج كافه ,,

 

[FLOOD]

يجماعة لايغركم سعر السهم تى فية خطورة ترا دانة عندهم عقد خط غاز من ايران و انتو كلكم تعرفون وضع ايران السياسى سىء الحين و يمكن يفرضون حظر اقتصادى عليها وكلكم تعرفون شنو نتيجة الحظر اذا صار و شكلة قريب فهذا السعر التى تشوفونة نتيجة خوف الناس من الوضع السياسى و الاقتصادى اذا حصل لو سمح اللة


و ترى فية طريقة شراء من الكويت عن طريق الاوسط للى يحب يشترى بسوق دبى

 

[Nasser pwc]

اعتقد الي يبي يدش عالسهم هذي فرصة مناسبة سعر مغري جدا

والشركة تمتلك حصص بثلاث شركات للغاز الطبيعي ومنها شركتين الام الامارتية الحكومية وسوالف الغاز مع ايران اعتقد ماله تأثير لو له تأثير جان تأثرت الامارات بكبرها شركات الامارات الحكومية تستورد الغاز من ايران وثاني شي بقية الدول الكبرى ومنها العربية والخليج تتعامل مع الغاز الايراني لي انه الارخص

وللبقيه حديث

 

[poorman]

دانه غاز شركه عملاقه و شغاله من سنين مو توها و عقدها مع ايران حتى لو تم ما راح يأثر عليها لان عندها مشاريع كثيره

و على فكره دانه غاز في بورصه ابو ظبي مو في دبي يعني الى الان ما تقدر تشتريها عن طريق الاوسط

 

[am7]

كيف اشتريها ؟

 

[am7]

محد كان متوقع انه يوصل هذا السعر
وشرايكم بذالرمس

يا جماعه دانه تسوى 2 درهم ؟
و كيف اشترى هذا السهم و انا بالكويت ؟

 

[روبية]

انا شخصيا اتوقع مستقبل طيب للسهم .. بس يبيله صبر .. الشركة عملاقة بهالمجال وعندها عقود .. ولكن
الوضع الحين مايصلح لحين اتضاح الرؤية وارتداد اسواق الخليج بصفة عامة.

(مجرد رأي شخصي)

 

[alakhal]

مساكم الله بالخير

الاوسط يفتح على ابو ظبي وبجرد اتصال هاتفي يفتحونه بدون رسوم وان كنت رايح الامارات فبحسب علمي انك تفتح حساب بالبورصة والوسيط بالتلفون يشتري ويبيع وهذا افضل

 

[al.jamly91]

معلومه بلاش

شباب انا اليوم كلمت بنك الكويت والشرق الاوسط قالى الموظف انهم فاتحين مع سوق دبى فقط لاكن الدانه مع سوق ابو ظبى
وقال ممكن يفتحون مع ابوظبى خلال 3 اسابيع
ومع سوق السعودبه الشهر الجاى


ارجو انى ساعدت بشى

شكرا

 

[الاسطوره]

للمتابعه والتذكير 0

دانه غاز فى شهر 6 بيكون مفاجأة السوق 00
وجود عقد ضخم بميارات سوف يتم عنه الافصاح فى غضون الاشهر القريبه

 

[روبية]

دانه غاز فى شهر 6 بيكون مفاجأة السوق 00
وجود عقد ضخم بميارات سوف يتم عنه الافصاح فى غضون الاشهر القريبه

ممكن المصدر لهالمعلومة

 

[algassem]

انا بالكويت وعندي جواز واحد 1704 سهم وبياع على 4 درهم
ولولا الحاجه جان نسيت الاسهم لاني اسمع ان السهم راح يوصل لسعر ممتاز ( حق اللي يصبر عليه )

اللي له نيه يشتري حياه عالخاص

 

[aeea2006]

فاعل خير

اللهم وفق جميع المستثمرين

 

[بروه للتجاره]

السعر مغري

السعر مغري جدااا للشراء
افضل مكان للشراء في صاله التداول الموجوده بالشارجه
وتاخذ منك 3 ايام :
اليوم الاول فتح حساب تداول
اليوم الثاني يجب الانتظار 24 ساعه بعد فتح الحساب
اليوم الثالث تشتري وترد للديره (الله يوفق الجميع)

 

[خلك شقردي]

الشراء يتم عن طريق الاوسط
من سوق ابوظبي

ارجو الاطلاع
http://www.indexsignal.com/vb/showthread.php?t=48100
Current Price 1.77

 

[alwinian]

السلام عليكم

لشراء اسهم ابوظبي و الاسهم الكويتيه اشتراك في بنك الاوسط
تشتري وتبيع بسهوله جدا
وهذى الرابط شلون تبيع تشتري


://www.bkmeonline.com/tut/AR/
تحياتي الونيان

 

[الاكثر ارتفاعا]

شهالكلام هذا ضارب خيال ؟؟؟

يااخي احترم نفسك واتقي ربك في ماتقول

صج ناس ماتعرف تكلم