مشروع صغير

[alajmiktv]

أنا ابحث عن مشروع صغير وذو دخل ثابت تقريبا ,, شرايكم تزودوني بأفكار لمشاريع او تجارة ؟؟

علما بأنني أفكر الآن بشراء مني باص وأقوم بتأجيرها لشركات ولوافدين بقيمة 120 دينار شهريا علما بأن قيمة الباص من 3500 الى 4000 دينار

 

[مهندسجي اسهم]

افتحلك مصبغه
مطعم

تهريب مخدرات ... (مو اتسويها واشيل ذنبك)

 

[alajmiktv]

تهريب مخدرات ... (مو اتسويها واشيل ذنبك)[/quote]


والله فكرة بس دخلها مو ثابت

 

[alajmiktv]

شباب انا أبي رايكم ,, لا تبخلون علي فيه ,, والمنفعه عامه ولتبادل الافكار

 

[قربان]

اشتر خرفان من ايران و بيعم بالكويت

و نصيحه لا تبلش روحك باقامات و عمال و وفدين ترا ما راح يجيك من وراهم الا الصداع

 

[بوتركي111]

روح تايلند وجيب ساعات واذا بتجيب شغلات ثانيه كيفك...... عموما ساعات نسائيه احسن شي ويكون اخر موديلات نازله.......
يامعود الساعه ان طارت بتطلع عليك خمس دنانير وانت تبيعها اقل شي بعشرين هذا غير الساعات اللي راح تبيعهم بالخمسين والستين بس اهم شي بهالشغله الاعلان ثم الاعلان
( بس علي فكره تقليد) مو اصليه
مشروع حلو وغير مكلف
احسلك من الباص

 

[alajmiktv]

هذي فكرة طيبة اخوي بو تركي وياليت الاخوان يفيدونا أكثر

 

[بوعدول]

مشروع صغير
اتعبلك على مطعم
اهل الكويت مطافيج كلا مطاعم
الحجيه تقعد من الصبح وتنظف اليدام وتضبط العيش والحبيب قاعد مشتهي من شارع المطاعم ,,,,,,
ياعمي افتحلك مطعم وعزمني فيه

 

[bo_walid]

هذي فكرة طيبة اخوي بو تركي وياليت الاخوان يفيدونا أكثر

جوف يا خوي اهيا فكره جيده الي عنده محل ساعات بس انته شلون بتصرف الساعات يعني اقل شي انك بتبسط بسوق المقاصيص او على الاهل يصرفونلك البضاعه هذا راايي

 

[مهندسجي اسهم]

جوف يا خوي اهيا فكره جيده الي عنده محل ساعات بس انته شلون بتصرف الساعات يعني اقل شي انك بتبسط بسوق المقاصيص او على الاهل يصرفونلك البضاعه هذا راايي

انت اكيد اتبيع ساعات على شان جذي ما تبي ينافسك احد هااااااااا:> الاعلان بالجريده مو لازم محل

 

[q8y4ever]

اشتر خرفان من ايران و بيعم بالكويت

و نصيحه لا تبلش روحك باقامات و عمال و وفدين ترا ما راح يجيك من وراهم الا الصداع

يقولون الخرفان الباكستانيه رخيصه :d :d :d

 

[أسد الجزيرة]

شركه استثماريه

افتح لك شركه استثماريه بدون حاجه لفلوس
المسأله وما فيها اكتتاب عام وراح تحصل راس مالها من المكتتبين

صدقني سولك شركه استثماريه ويكون راس مالها 5 مليون يعني اصدار 50 مليون سهم واشتغل فيهم بمحافظ شوفلك احد يدير محافظ وراح تطلع خوش ربح وكلها جم شهر واطلب زيادة راس المال الي 100 مليون دينار
يعني السالفه مايبيلها شيء وتصير منهم

 

[أسد الجزيرة]

يا جماعه اشرايكم انسويها

ترى جد يا جماعه

 

[alajmiktv]

يا جماعه اشرايكم انسويها

ترى جد يا جماعه

عندي صديق دكتور بالجامعة ويعتبر شخصيه معروفة تدري شنو قالي نقس كلامك قالي سوي اكتتاب وإجمع راس المال واشتغل بفلوس غير

 

[بوعدول]

افتح لك شركه استثماريه بدون حاجه لفلوس
المسأله وما فيها اكتتاب عام وراح تحصل راس مالها من المكتتبين

صدقني سولك شركه استثماريه ويكون راس مالها 5 مليون يعني اصدار 50 مليون سهم واشتغل فيهم بمحافظ شوفلك احد يدير محافظ وراح تطلع خوش ربح وكلها جم شهر واطلب زيادة راس المال الي 100 مليون دينار
يعني السالفه مايبيلها شيء وتصير منهم

في مثل عراقي يقول
لو كل من إيا ونجر جان ماضل بالوادي شجر

 

[lekyooom]

مالك شغل انا اضبطك في خووووش مشروع
افتحلك مطعم باجه ومخبز ايراني وتعال شووووف
والله لاخليك تقوول يا lekyooom بسنا فلوس
وتعال شوووف يوم الجمعة الفجر جم واحد راح
يجيلك متطوطح يدور الباجه هذا رايي وانت بكيفك

 

[أبو عبدالملك]

مبروك انت توفقت

كل الشركات و المؤسسات و الوزارات و الجامعات و المدارس و المستشفيات و البيوت و المطاعم و المصابغ و و و..الخ محتاجين هالمشروع الضخم بمحتواه و الرخيص برأس ماله








تدري شنو؟؟




















محل دبـــــابيـــــــــس

 

[العنزي_1980]

يبا تبي احسن مشروع ماطرى على احد فيكم









أسس لك منتدى للبورصة الكويتية وطرش دعوات مشاركة لجميع الشركات المدرجة بالبورصة وحط لهم قسم اخبار وسو مساحات اعلانية لها والحسااااااااااااااااااااااااااااابه بتحسب وبيفضى منتدانا الغوغااااااااء الي مالها داعي .......... مو تصدقون اتغشمر اتغشمر اتغشمر مع كامل احترامي لمنتدى المؤشر والقائمين عليه