السوق متوقف !!

[the unknown]

للمرة الثانية في تاريخه حسب معلوماتي ...

ويبدو أن هذا يدل على أن البطء والتعليق في الأسابيع الأخيرة يعود سببه لتجهيزات الهيئة وليس البنوك ....

تداول الصباح اليوم تجاوز 30 مليار ... وهذا يبدو رقم قياسي ....

وتحصل الهيئة على عمولات عن عمليات التداول تبلغ الملايين يومياً ...

وهذا فضلاً عن الغرامات بمئات الملايين على الهوامير الغلابا :d

نتمنى أن تستحي وتزيد من قدراتها التقنية لتحمل هذه الزيادة المستمرة ...

تحياتي

 

[dr. share]

تتوقع يمددون فترة التداول؟؟

 

[الشاهق]

إذا كان النظام عطلان كيف ينفذ على ينساب بس!!!!!


فيه إن وأخواتها الله يستر




..............

 

[the unknown]

بيني وبينك ...

أحس ان جماز ( قافلة ) معه ... يوم رجعوا السوق أخضر في نهاية الفترة الصباحية ... وفصل الفيش ... وقفل غرفة السيرفرات ... وراح يقيل

ما فيه سوق اليوم .... وروحوا للهوامير خلهم ينفعونكم


تحياتي

 

[the unknown]

التداول اشتغل ثواني ثم توقف ...

وصفقات ينساب الظاهرة هي صفقات الثواني الأولى ...

تحياتي

 

[mushari]

السبب ان الهيئه حطت لوحة قدام المبنى حقهم " كن واعيا ولا تكون وعاء للشائعات " وجت البلديه ولقت اللوحه مخالفه وقفلو المبنى بالسلاسل

كل الاوامر عندي امر مدخل ,, لا اقدر اعدل ولا الغي ولا اسوي شي


الله يستر لا يصير في السوق شي وانا اتفرج ..

 

[the unknown]

صاحبك عنده امر شراء سوق ... ووين في ( بيشة ) وهي زي ( الريشة) ... ما أدري نفذوا لو لا ... الله يستر

تحياتي

 

[هيرودس]

يقولون الجماز تعب من السوق ومو متفرغ يطارد ورا هالهوامير وعرض السوق للتقبيل


العموم كل البنوك معلقه ما عدا البنك الفرسي للي يبي يعدل في الأوامر

اعتقد انه في اعلان الأن من مباشر وهناك كلمة ما قبل الأفتتاح !


احد الأصدقاء الأعزاء صاد هالرقم هنا !

 

[هيرودس]

بعض البنوك الان مثل السامبا وغيرها تستطيع ان تعدل فيها الأوامر لو حبيتوا !

 

[فهد محمد]

شباب انتم مصدقين ان فيه خلل فني..وين حنا فيه ولاعمرها صارت....!!!

المساله اكتشاف مضاربين ناويين ينزلون السوق وحاطين عروض علي شركاتهم ومن ضمنهم ابو شتري ..اللي قفلت شركته ثمار نسبه اليوم..

وبعدين وش همه تصدقون السهم طالع عليه ب200 ريال لو يقفلها 3 نسب

المعلومه من مصدر مسؤل باحد البنوك...دون ادني مسؤليه...

النصيحه اللي عنده خشاش يخفف شوي ويقلل درجه مخاطرته

واللي عنده عوائد يجلس يقابلها ويشوف وش تاليتها معهم...اجل وين نروح الجواب ادخل االدوام من الصبح وافرك قبل نهايته وتاكد ان كل اغراضك معك...تحياتي ..​

 

[the unknown]

شباب الأهلي

13,721 ريال

ضايعة من محفظتي

إذا أحد شافها يرجعها لي لو سمحتم ....




سوق يجيب الهم في المساء ... فرص كبيرة راحت علينا بسبب النظام ... وحطوها بينساب ... والهيئة تصرفها وتلوم البنوك !!!

الله يستر ... ولا يفصلون الفيش بكرا بعد ...

تحياتي

 

[the unknown]

شباب انتم مصدقين ان فيه خلل فني..وين حنا فيه ولاعمرها صارت....!!!

المساله اكتشاف مضاربين ناويين ينزلون السوق وحاطين عروض علي شركاتهم ومن ضمنهم ابو شتري ..اللي قفلت شركته ثمار نسبه اليوم..

​

لا أتوقع ذلك ...

لسببين ...

الشثري ... ما يسويها ... أعقل من كذا !!

الثانية

النظام اشتغل ثواني ونفذوا حوالي ( مليارين ) ... ثم انقطع ... واشتغل دقائق ببطء شديد وتنفيذ سيء .... ثم انقطع مرة أخرى ... ثم إعلان تمديد التداول وهو منقطع ... ومدير تداول على العربية يؤكد أنه شغال ... والمذيعة تقول له المؤشر واقف قدامك وهو يقول لا شغال !!! ثم يرجع يشتغل دقائق في نهاية التمديد ...

لو كان بيوقفون المضاربين ... ما تصير كل هالحوسة !!!

توقع شخصي ... ولا أعلم قد يكون ما نقلته هو الحقيقة !!

تحياتي

 

[the unknown]

بالمناسبة عمولات تداول اليوم فقط تجاوزت 120 مليون ريال ...

وإن كانت حساباتي صح .. فنصيب الهيئة منها 16 مليون ريال فقط !!!

يعني بدخل اليوم فقط يمكنهم تأمين سيرفرات تشيل أسواق الشرق الأوسط !!

الله يسهل !!

تحياتي

 

[ralraja11]

اكيد الاهلي نوا يفتح محفظتي عشان كذا تلخبطت السالفة اليوم


قايلكم منحوس ودجة قلتولي لا .....هذا اولها


ابشر يا انون اذا انفتحت المحفظة ابدور 13 الف حقتك اذا لقيتها عندي لازم تعطيني 10% :d تعرف العثور على مفقودات........

 

[مستثمرالى الابد]

اكيد الاهلي نوا يفتح محفظتي عشان كذا تلخبطت السالفة اليوم


قايلكم منحوس ودجة قلتولي لا .....هذا اولها


ابشر يا انون اذا انفتحت المحفظة ابدور 13 الف حقتك اذا لقيتها عندي لازم تعطيني 10% :d تعرف العثور على مفقودات........

أخي الرجاء


راح عليك السوق وأنت تحتري الاهلي

الله يفك أسرك أن شاء الله

آميين يا كريم

 

[the unknown]

اكيد الاهلي نوا يفتح محفظتي عشان كذا تلخبطت السالفة اليوم


قايلكم منحوس ودجة قلتولي لا .....هذا اولها


ابشر يا انون اذا انفتحت المحفظة ابدور 13 الف حقتك اذا لقيتها عندي لازم تعطيني 10% :d تعرف العثور على مفقودات........

يا شيخ إذا لقيتها فهي لك .... هذه أرباح مغامرة بيشة ( عشر دقائق ) مساء اليوم ولله الحمد ... مع أن الهدف كان أبعد بكثير ... لكن تعطل النظام خرب الأمور ....

وبالنسبة للأهلي ...

حول مبلغك لحسابي ... خلني أطقطق لك فيها هاليومين ... بس تراني راعي مغامرات ... وما أضمن أرجعها لك ... ويمكن أهاجر لكندا

تحياتي

 

[ralraja11]

يفداك عزيزي ......هو الكلام عليه جمرك ..... واذا بتهاجر ما اقولك الا اغنية وردة .....خدني معاك من غير ما تفكر خدني معاك ......

وعشان نترجمها بالسعودي القح .....
تكفا خذني معك من دون ما تفكر انا سامع ان على اشاعة وبرتفع ....خذني معاك :d :d :d :d :d :d :d