طرح اسهم الخطوط الكويتية للاكتتاب العام

[حمووودي]

السلام عليكم ورحمة الله وبركاته

يا جماعه سمعنا من قبل فتره طويله عن تخصيص الحكومه لنسبتها في الخطوط الكويتيه وطرحها للمواطنين بشكل اكتتاب عام مثل ما صار في شركة الاتصالات المتنقله بالسابق لمن اطرحت الحكومه حصتها للمواطنيين وعمت الفايده على الجميع ... وليلحين ما تخصصت الخطوط الجوية الكويتيه واهيا كل يوم تعلن عن خساير ليش ما تخصصت مادري ؟؟؟
واتمنى من اللي عنده خبر عن هالموضوع او يقدر يفيدنا فيه انه يخبرنا عن مصداقية هالخبر ؟؟

وهل الحكومه راح تطرح اسهم الكويتيه للاكتتاب ويتم تخصيصها فعلآ ؟؟

 

[Foool & Lobster]

تصحيح معلومة


وعليكم السلام ورحمة الله وبركاته
مجرد تعليق صغير بخصوص بيع الحكومة لحصتها بالخطوط الجوية الكويتية, الحكومة لا تملك حصة بالمؤسسة, ولكنها تملكها بالكامل.
مشكلة بيع جزء من حصتها للعامة (باكتتاب عام) هو, قانون الخصخصة, والذي عانت منة الحكومة والمجلس لسنوات عدة, وما زالت.
لذى, برأيي المتواضع, لن يتم التخصيص الجزئي للمؤسسة, ولكن في اغلب الظن ان يتم شرائها بالكامل من قبل الشركة الوطنية (كامكو), والأخرى حسب رأيي ايضا المتواضع جدا ان يتم شراءها بالكامل بعد فترة بسيطة من قبل شركة المخازن العمومية.
Mark my words
ودمتم

 

[Moshaks_777]

انا بعد سامع لأنه الشركه الوطنية للطيران بتشتري الخطوط الجوية الكويتية

 

[حمووودي]

الوطنية والكويتية

السلام عليكم اخواني الاعزاء

الشركة الوطنية شركة مساهمه كويتية خاصه
والخطوط الجوية الكويتية شركة حكومية 100%

ومافي اي مصدر يأكد انه الوطنيه بتشتري الخطوط الكويتيه لها للاسباب التاليه
1- الوطنيه شركة تحت التأسيس وتوها تتأسس وينتهي من اكتتابها يعني شلون شركة ما صارت ولا تأسست وطلع حجي انه بتشتري الكويتيه ؟؟؟
كلنا سمعنا عن هالشي بس ليلحين مجرد اشاعات

ثانيآ انا برأي الشخصي اتوقع الحكومه تبيع حصتها وتخصص الكويتيه مثل ما صار في طيران الشرق الاوسط في بيروت وفي طيران الخليج بالبحرين وفي باقي الدول حيث تكون الخطوط التابعه للدوله مملوكه كاسهم للمواطنيين

ولو في مصدر يثبت انه الوطنيه بتشتري الكويتيه ممكن تزودوني بعنوان المصدر ؟؟؟؟ والموقع ؟؟؟

ما يصير شركة ما تأسست ليلحين واهيا تحت التأسيس تشتري الكويتيه ؟؟؟

ثانيآ الكويتيه ما راح تنجح الا اذا خصصوو اسهمها واطرحو اسهمها للاكتتاب العام هذا على كلام مستشارين كبار بالطيران المدني والخطوط الكويتيه

وشكرآ اخواني

 

[حريص]

الخطوط الجويه الكويتيه شركة لها باع طويل وقديمه وفيها افضل الخدمات بس مشكلتها انها فيها تضخم وظيفي ومحسوبيه بس لو الله يفكها من هالسالفتين صدقوني راح تحقق ارباح خياليه
وموضوع شراء الشركة الوطنيه لها هذا كلام وارد ووارد جدا والايام راح تثبت هالكلام