سؤال لأخواني المشرفين والأعضاء

[matrex-ku]

عندي سؤال مهم جدا جدا وبسرعه
اللي عندهم فكره عن الخليج للوساطه
وعن طريقة التداول باالأنترنت وهل هو سهل
وتنصحوني فيه
ولكم جزيل الشكر

 

[الرومي]

والله أخوي انا انصحك بالتداول الالكتروني عن طريق الاوسط وللأسباب التالية أولا تقدر تتداول وانته بالبيت او في مكان عملك بدون لا تكون مرتبط بروحه السوق واذا رحت تعال دور موقف ثانيا التداول مع الاوسط جدا سهل فوق ما تتصور وتقدر تتحكم بالأوامر علي كيفك يعني تغير امر البيع والشراء بضغطة زر وهم في شغله حلوة انه اذا نزلتلك منحه اسهم تنزل اوتوماتيكيا بحسابك وايضا تقدر تحول مبالغ من حسابك الي الاوسط عن طريق الكي نت و اذا كنت محتاج مبلغ معين من محفظتك تقدر تحول اي مبلغ علي حسابك الخاص بالبنك وكل هذا وانته قاعد بالبيت اتمني اني اكون فدتك اخوي وبالتوفيق ان شاءالله

 

[matrex-ku]

مشكور اخوي الرومي
ولكن الأوسط اكثر الشباب ما يمدحونه من كثر ما يعلق الأوامر
ولكن عندي طلب من الأخوان اللي يعرف موقع الخليج للوساطه
لا يبخل علينا
ومشكورين

 

[هتلر]

انصحك بالتعامل ببنك الشرق الاوسط مو شركة الاوسط !!!!اضمن واامن ويكون فتح الحساب في البنك وسهل التعامل بجهازك بتحويل المبالغ من
حسابك في البنك الي محفظتك وعلى العكس
وحاليا الوطنى لديه خدمة التداول
خلك مع البنوك افضل من الشركات