الحمدالله أخيرا شفنا الأخضر

[بورش]

السلام عليكم
الحمدالله والشكر ان شفنا لون أخضر على الأقل في الساعه 9:54 .. وهذا يدل على الأمل مع الأيام
حتى لونزل السوق في آخره ... هذي دعوه للتمسك بالأسهم ... لاتقط سهمك بسعر مايسوى وتندم عليه

بالتوفيق ان شاء الله

 

[السوق الكويتي]

حتى الابتسامه خضره ...

 

[Bo Tasneem]

تسلم على التفاؤل ياخوي بهالموضوع .. وأحلى ابتسامه منك يالسوق الكويتي

بس أتمنّى أن نتقيّد تحت عنوان واحد بموضوع واحد لعدم التشتيت .. جزاك الله خير مستر بورش


بوتسنيم​

 

[بورش]

بوتنسيم انا معاك .. ماحب المواضيع المتشتته
بس المواضيع الي قريتها الحين
( الان فرصه للشراء قبل ايقاف التداول )
( اهربوا قبل الوقوع فى المصيده؟؟؟ )

شفت موضوع اهربوا .. قلت خل اكتب موضوع السوق اخضر .. على الأقل الناس تهدي
تدري الناس بس تسمع اهرب .. قطوا .. وفي النهاية هم الخسرانين

يعطيك العافية على التنوية مستر بوتسنيم

 

[بو بندر]

اي والله خله الي باع امس ايموت قهر وايتوب عن القافه او يركد اشوي يبي ايصير فهلوي يعني ياخذه من تحت


انا مو باط جبدي اوقاهرني الا واحد اخر السوق قاط 70 الف سهم حد ادني اسواق 490 والعرض 500 لييييييييييييييييييييييش اللقافه

اقبض لقافتك اليوم يا الحبيب (( اللهم لاشماته ))




دمتم

 

[التحليل الفني]

ابو تنسيم الله يعطيك العافيه وهم المراقبيين بتلشووو فينا كل شوي كاتبين موضوع جديد الله يعنيهم علينا ويوفقهم للعمل الصالح

بس ياجماعه والله المحافظ ماتستحي اذا الحاكم الشيخ سعد مراح يندعم السوق السوق حمر من امس ومن اعلن مجلس الوزارء يستعد لعزل الامير صار السوق خضر شفيهم المحافظ

 

[Bo Tasneem]

على راسي كلكم والله .. وتسلمون على تقبل النصيحه .. الله يعلي شانكم وأسهمكم دوم إن شاءالله


بوتسنيم​

 

[بورش]

اخلى شي فيني بعيد عن السياسة .. شايف اسهمي وقاعد
بس اقول شي واحد واللبيب بالإشارة يفهموا .. والي مافهم عاد هم لبيب
سالم العلي مع الشيخ سعد
وبلا سياسة .. ابي السوق اخضر هذا الي اعرفه

 

[أميرة الورد]

اي والله حتى الابتسامة خظرة

 

[Moshaks_777]

الاخضر مايدوم

 

[بورش]

مشاكس
ليش زعلان؟؟ عسى يدوم ان شاء الله
خلني مستانس لي باجر :d

 

[Moshaks_777]

مشاكس
ليش زعلان؟؟ عسى يدوم ان شاء الله
خلني مستانس لي باجر :d

استانس يبا استانس بس خبرك السوق الكبار يلعبون فيه لعب

كل يوم بجو

وانا اقول بعد باجر السوق اخضر والله يستر من التفائل