سهم الاثمار

[المضاربه فن]

السلام عليكم
اخواني عندي سهم الاثمار شاريه من بورصة الكويت الوالد الله يرحمه وحصتي فيه 166 الف سهم وقالو انه طلع من السوق الكويتي وقالوا تقدر تروح دبي اتبيعه بسوق دبي وناس قالوا تبيعه بسوق البحرين وناس قالوا تبيعه عن طريق شركة الاوسط سألت الاوسط وقالوا قبل كنا نبيعه الحين وققنا البيع عليه
ارجو انكم تفيدوني شنو الحل وكم تسوي كميتي اذا بعتها بالدينار الكويتي ومن هي البورصه المختصه ببيع هذا السهم وكيفية تسجيلها في بورصة دبي او البحرين
ارجو من الاخوان المشرفين عدم حذف الموضوع علي الاقل لما احصل الاجابه والافاده مع الشكر الجزيل

 

[bld]

عليكم السلام
الله يرحم الوالد وجميع الموتى

اتصل على ( اهلية بحرين ) شركة وساطة بالبحرين ، رقمهم 0097317207070
قول لهم عندي اسهم الاثمار وأبي ابيعهم في بورصة البحرين لانها مشطوبة بالكويت
راح يبعثون لك بعض الاوراق على ايميلك
تطبع نسخة من الاوراق المرسلة لك
وبعد ما تعبي الاستمارات ( ابعثها لهم بالايميل حتى يراجعونها ويتأكدون مو ناقص توقيع او معلومة مطلوبة وللتأكد من صحة تعبئة الاوراق )
بعد ما راجعوا الاوراق اللي دزيتها بالايميل وقالولك كل شي اوكي الحين ترسلهم للبحرين مع صور بعض المستندات بالبريد المستعجل ( DHL ) ومكتبهم بالعارضية
بعد ما البحرين يستلمون الاوراق اللي عبيتها ( ممكن تاخذ لها 3 ايام بالبريد ) راح يفتحون لك حساب بالمقاصة هناك عندهم ، وبعدها يبعثون لك رقم حساب المقاصة الخاص فيك ( رقم المستثمر )
لما تستلم رقم المقاصة من البحرين تروح برج احمد ( بالديرة على البحر ) وتطلب تحويل الاسهم الى البحرين ( راح يطلبون رقمك بالمقاصة بالبحرين لا تنسى تاخذه معاك + اسم الوسيط - اهلية بحرين )
ملاحظة : اذا الاسهم موجودة حاليا عند مكتب وساطة بالكويت فاطلب يبعثونها للمقاصة في برج احمد .
تحويل الاسهم من المقاصة بالكويت الى البحرين تاخذ لها يوم .
بعد اتمامك لطلب التحويل بلغ ( اهلية بحرين ) بذلك حتى يتابعون دخول الاسهم بحسابك في البحرين ، ولما توصل لهم راح يبلغونك انها وصلت وتقدر تبيعهم .
بعدها تقدر تبيع الاسهم بواسطة التلفون ( تتصل عليهم وتطلب البيع ) ويحولون الفلوس لحسابك بالكويت
ملاحظة :عندهم موقع الكتروني للتداول وتطبيق للتلفونات
سعر الاغلاق اليوم الثلاثاء 30-11-2021 هو ( 0.071 $ ) حولها حسب سعر الصرف ، يطلع السهم 21 فلس كويتي تقريبا
اجمالي كميتك بعد البيع تقريبا أقل من 3500 دينار كويتي ، بعد خصم العمولة واعتمادا على سعر البيع
بالتوفيق