ممكن استشارة (كيف أفتح محل بالجمعية)؟

[الأخ جابر]

السلااااام عليكم اخواني

تقبل الله طاعتكم
وربي يحميكم من الوباء جميعاً
ويكشف هذه الغمة عن بلدنا الحبيب

ممكن سؤال من أخوكم الصغير

اذا أبي آخذ محل بالجمعية شلون الطريقة؟ من الألف الى الياء من فضلكم
ودي مثلا آخذ محل صغير وأفتح فيه مشروع معين
بس كيف الطريقة وشلون أبتدأ

وشكرا لكم

 

[سرور]

وعليكم السلام

سمعت عن واحد حصل على نشاط مصبغة دفع 100ألف دينار غير الايجار
اتوقع راحت ايام الواحد يحصل النشاط اللي يبيه الا بدفع الخلو

 

[سناعيس]

أسرع وأضمن طريق،، تشوف لك عضو بمجلس الاداره نافذ وتدهن سيره (على قولة المرحوم عبدالحسين عبدالرضا) غير هالكلام إغسل إيدك

 

[السعد محمد]

المحلات يتم الاعلان عنها وتتم عليها مزايدات

 

[BOAHMAD]

أسرع وأضمن طريق،، تشوف لك عضو بمجلس الاداره نافذ وتدهن سيره (على قولة المرحوم عبدالحسين عبدالرضا) غير هالكلام إغسل إيدك

السنعوسي اختصرلك الطريق
ادهن السير واللي تبيه يصير

 

[ابومحمد 1920]

ادهن او اشتر بس الشراء حسب المحل وغالى جدا

 

[الأخ جابر]

مشكورين اخواني

طيب شنو رأيكم وين أسهل مكان أفتح فيه محل صغير وكيف الطريقة ؟

 

[alshammery]

مشكورين اخواني

طيب شنو رأيكم وين أسهل مكان أفتح فيه محل صغير وكيف الطريقة ؟

من حوالى 25 سنة جانى واحد معرفة سورى الجنسية وعرض على شراء فرع البنشر والمبنى وهو يتولى تشغيلة كلة ب 70000 دينار طبعا المبلغ راح يدش جيب احد الاعضاء كامل وسالت كم دكان قريب منة نصحونى بالهروب لانة شغلة ميت والعضو متورط فية اخذة بمبلغ بسيط يبى يربخ فية وكم شهر امر على المكان والا مغلق كان الاخ يبى يدبس فية احد

 

[ابومحمد 1920]

نصيتى لك الان لا تستعجل مااحد عارف بعد كارونا وش يصير ممكن المحلات تدق بالارض صاحب الكاش ملك نصيحه من شايب يبيلك الخير

 

[سوق الاوراق]

السلام عليكم

انت الحين مو عارف شنو شروط فتح محل بالجمعية وتبي مستشار لمشروع .
ماتبي بعد دراسة جدوى ومكتب استشاري ومحامي للشركة ومكتب تدقيق الحسابات .
واخرتها نخي وباجلة او حواى


​

 

[الأخ جابر]

مشكورين يا اخواني على نصيحتكم