ما التوقعات للسوق غدا ؟؟؟؟؟؟؟؟؟؟؟؟؟

[الفتيحي]

ماهي التوقعات للسوق غدا هل يستمر في الصعود والانطلاق ولا مازال يتكلمون على التصحيح المصطنع وعزوف الصناديق والمخافظ عن الشراء

 

[بورصراتي]

السوق راح تشوفه يرتفع يوميا فوق 150 نقطه لمده 4 ايام تقريبا وبعدين صعود عادي

 

[mn7ash]

اتوقع ضغط مفتعل من الحكومة ورساله الى النواب للموافقه على حقول الشمال

هو سبب نزول السوق

 

[abo_6alal]

صعود السوق

لا اتوقع وجود بوادر لصعود في السوق في الوقت الحاضر وذلك بسبب صناديق الاستثماريه والمحافض واتوقع بعد عطلت راس السنه سوف يبدا صعود السوق تدرجي

 

[جرير]

انشالله انه السوق تقريباا اخذ وضعه الطبيعي
لي اخر السنه
وبعدها انشالله تبدء القفزاات اللي تبرد على الجبد​

 

[بو طلال]

السوق تذبذب حتى الان السوق مو زين مادام التداول 58 مليون متى ماوصل التداول 100 مليون وفوق اقول السوق زين الحذر زين

 

[ashahri]

عودة للمخازن بأذن الله وهي القائدة ان شاء الله



توقع لاني مااعرف احلل ......... ولامن شاف ولامندري

 

[ابومانع]

ماراح يصعد الا قليل بمعنى انه راح يرجع بعض اللي خسره اما الصعود الحقيقي فهو بعد بداية السنه الجديده

 

[مضارب 2]

ماراح يصعد الا قليل بمعنى انه راح يرجع بعض اللي خسره اما الصعود الحقيقي فهو بعد بداية السنه الجديده

اتمنى الى تقولة نشوفة واقع

ودمتم بخير...

 

[جرير]

انشالله على بداية الاسبووع القادم
يعوض جميع اللي خسره
ومقااومة النزوول اليوم شي طيب
لانه بداية السوق كان نزوول قوي
بس تالي عدل مسااره السوق
وباجر بأذن الله من بداية السوق يكون صعوود

والله يوفق الجميع

 

[البلدوزر]

ا شباب الي صارله زمان بالسوق يعرف بكل بساطه حسب خبرته ان الي قاعد يصير يصير كل سنه نفس التوقيت قولولي ليش ؟
الجواب ان اغلب الاسهم ارتفعت اسعارها خلال السنه وقفزت من خلال اعلانات الربع الاول ثم الربع الثاني ثم اخيرا صار هناك طفره باسعار الاسهم خلال اعلان الربع الثالث
زين اذا المحافظ وكبار المستثمرين بيستفيدون شلون بيستفيدون ويضاعفون ارباحهم اذا بقت الاسعار كما هي اذن ! يجب الضغط علي السوق وعلي الاسهم لمده لا تقل عن اسبوعين قبل التجهيز لاعلانات الربع الرابع وترهيب وتخويف صغار المستثمرين من السوق لجمع اغلب ما يملكونه من اسهم باسعار كانت قبل اعلان الربع الثالث والثاني وتجميع اكبر كميه ممكنه ومن ثم ! سوف يصعدون السوق مره اخرى وبشكل كبير جدا وبقفزات كبيره جدا ليش ؟ عشان يصرفون الكميات الي عندهم بافضل الاسعار لان الكل عارف بعد اعلانات الربع الرابع وفي بداية الربع الاول من السنه الجديده اكيد بيكون تصحيح ثاني وكبير هالمره

هذا كل الي حاصل يجماعه والي قديم بالسوق راح يعرف ان كلامي صح
اللهم اني بلغت اللهم فاشهد لاحظوا ان الكل المحللين والتجار لما يسئلوا لماذا السوق نازل مع ان كل الامور ايجابيه يكون جوابهم لانعرف السبب واخر تصريح من هذا النوع كان من رئيس مجلس الامه جاسم الخرافي اذان السبب تعرفه المحافظ فقط ولا يوجد سبب لهذا النزول الا ما قلته لكم
احتفظوا باسهمكم لا يقصون عليكم وياخذونها بارخص الاسعار

واللبيب بالاشارة يفهم
والسلام ختام
وكلامي سوف تثبت صحته من خطأه الايام والايام بيننا

 

[بو طلال]

السوق باجر ان شاء الله صعود قوى

 

[الخال قحطة]

مجموعة المخازن و أستراحة المحارب

سوف تكون اللوحة غداُ و الله أعلم مطلية باللونين الأحمر و الأخضر مناصفة أي أن هناك تحفز لأسهم منتقاه و على رأسها مجموعة المخازن , ونزول بسيط للمجموعة د و جوقتها .

 

[Q8eTrader]

الخال قحطة ممكن توضيح الاسباب ماعليك امر؟

 

[جرير]

لا يااخال قحطه

اليوم بأذن الله المجموعه الدوليه وجوقتهاا اخضر
والسوق انشالله اكثره اخضر
لانه السوق بد يأخذ مسااره بالصعوود

 

[الخال قحطة]

الجمد لله توقعي خطأ

لا يااخال قحطه

اليوم بأذن الله المجموعه الدوليه وجوقتهاا اخضر
والسوق انشالله اكثره اخضر
لانه السوق بد يأخذ مسااره بالصعوود

.


الحمد لله أن الحدس كان خطأ و مبروك للجميع و أنا معهم لأني أملك بالأثنين و الحمد لله .