سوق الكسور

[Moshaks_777]

ســـــــــوق الكســــــــــور

ممكن احد يفيدنا ، هل يوجد موقع يبين عرض الشركات لأسهم الكسور بصفحه واحده دون الدخول على شركه شركه والبحث على عرض الأسهم


انا قاعد أدش على شركه شركه وأدور ، مافي طريقه أو موقع أسهل

 

[مستثمروون]

انا مشترك بالأوسط برو ... ويوميا قاعد ألعب بالكسور ...

الاشتراك 20 دينار شهري ... شركة الأوسط

 

[Moshaks_777]

انا مشترك بالأوسط برو ... ويوميا قاعد ألعب بالكسور ...

الاشتراك 20 دينار شهري ... شركة الأوسط

طريقتها تدخل شركه شركه ولا كل الشركات بصفحه وحده
وشلون اشترك

 

[مستثمروون]

كل الشركات بصفحة .. وتقدر تحدد الشركات اللي مهمة عندك للمتابعة
انا يومي انقي بين الأسهم وادور الاسعار بينهم كلهم ... ومباشر أيضا
وتقدر تحصل معلومات أكثر منهم ... لأني ما راح اقدر اشرحلك باقي الميزات ... غير الكسور !

 

[A Finance]

ماهو سوق الكسور يا اخوان

 

[ولد الديرة]

ماهو سوق الكسور يا اخوان

أخي الكريم سوق الكسور هو المكان اللي تقدر تبيع او تشتري منه الاسهم اللتي تقل عددها الوحده الصحيحة
مثال : سهم قيمة 260 فلس الوحدة الصحيحة له هو 10000 سهم وانت عندك 9000 سهم فيعتبر كسر وما تقدر تبيعة في السوق الرسمي فإنت امام خيارين هو انك تبيع السهم كسر او انك تشتري 1000 سهم من سوق الكسور علشان تكمل الوحدة عندك
ومكان سوق الكسور هو نفس مكان السوق الرسمي وعند نفس الدلال اللي تتعامل عنده

 

[kokoko]

http://www.kse.com.kw/Market/OLQuotesA.aspx

 

[Moshaks_777]

شنو الفرق بين شركة الأوسط وبنك الأوسط بالتداول

 

[A Finance]

أخي الكريم سوق الكسور هو المكان اللي تقدر تبيع او تشتري منه الاسهم اللتي تقل عددها الوحده الصحيحة
مثال : سهم قيمة 260 فلس الوحدة الصحيحة له هو 10000 سهم وانت عندك 9000 سهم فيعتبر كسر وما تقدر تبيعة في السوق الرسمي فإنت امام خيارين هو انك تبيع السهم كسر او انك تشتري 1000 سهم من سوق الكسور علشان تكمل الوحدة عندك
ومكان سوق الكسور هو نفس مكان السوق الرسمي وعند نفس الدلال اللي تتعامل عنده

لازم 10000 سهم
هل شراء مثلا 9574 سهم بالسوق الكويتي ممنوع ولازم يكون بسوق الكسور

ماهي الوحده الصحيحه

 

[المعوشرجي79]

لازم 10000 سهم
هل شراء مثلا 9574 سهم بالسوق الكويتي ممنوع ولازم يكون بسوق الكسور

ماهي الوحده الصحيحه

لا ممنوع ولا شي اخوي الفاضل بس ما تقدر تشتريه بالسوق الرسمي يوجد امر عند الدلال اسمه سوق الكسور تقوله اعرض سهم وعددهم كذا وتبيعهم انت كيفك اكو ناس تسوم من تحت او اعلى واذا السهم زين تسوم بسعر السوق والحده الصحيحه الاخوان مسوين شرح وافي ياليت بس واحد يحط الرابط

 

[ولد الديرة]

شنو الفرق بين شركة الأوسط وبنك الأوسط بالتداول

ماكو فرق بين الاوسط وبنك الكويت والشرق الاوسط للتداول نفس شاشة التداول ونفس الرسوم وبنك الكويت والشرق الاوسط يملك نسبة في الاوسط

 

[ولد ابوه]

السلام عليكم ورحمة الله وبركاته

اخوي المعوشرجي79 وين نحصل اسعار سوق الكسور طيب ؟
يعني ماذكر في صالات العرض كاتبين سوق الكسور او اسعار الكسور؟
فقط بالكمبيوترات موجوده !
انزين عندي سؤالين
هل هناك فرق بين سعر السهم في الوحده الكامله وبين سعر السهم في الكسور؟ وهل هو فرق كبير او بسيط من ناحية السعر طبعا؟

وكيف تخلق هاذيه الكسور ؟

انا سمعت انه السهم لما يتحول للوحده ثانيه يصير فيه كسور او بقايا اسهم بالوحده
لكن مب فاهم عدل هالمووضوع
ياليت تفهمناها اكثر او اي احد من الاخوان
جزاكم الله الف خير

سلام عليكم

 

[sprite]

الأخ ولد أبوه بالنسبه لسؤالك الأول :

عند عرض كمية الكسر للبيع يكون سعر العرض نفس سعر آخر صفقة تمت بالسوق الرسمي للسهم .. و بعد خمس دقائق من العرض إذا لم يتم شراء الكميه المعروضه بإستطاعتك تغير سعر البيع لأن الآليه اللي تتم فيها مسألة البيع و الشراء في الكسور تعتمد على السوم ..

 

[ولد ابوه]

اخوي sprite
اشكرك علي تجاوبك السريع
طيب اللي فهمته
يعني اسعار الاسهم بسوق الكسور مثل سعر السوق الرسمي؟

هل هذا صحيح؟
طيب شنو الفايده جذي ؟
اجمع لحد ماتصير وحده كامله ؟
اشتري وحده كامله وخلاص

فمادري؟

 

[sprite]

نعم صحيح السعر نفس الشئ .. في الرسمي و الكسور

لا توجد فائدة من الكسور المسأله ليست فوائد للشاري أو البايع
لنفرض عندك 1000 سهم في بنك بوبيان و أدرج السهم بسعر 400 فلس بالسوق و تريد البيع .. ففي هذه الحاله تبيع اللي عندك بسوق الكسور بدلا من الرسمي بنفس السعر لأن الرسمي يقبل بيع الوحده فقط كأقل كميه .

ملاحظة : لا يوجد عرض و طلب بسوق الكسور , في البداية تقوم بعرض ما لديك من أسهم و بعد ذلك يتم شرائها أو سومها بأسعار أقل .. بمعنى لا يوجد طلب مباشر لتبيع أسهمك فورا .

بالنسبة لجمع وحده عن طريق الكسور فهو مسموح بالطبع .. لكن ما الداعي لذلك و السوق الرسمي يوفر لك الوحدة كامله من غير تعب الجمع ؟!!

 

[Q8 Stock]

ملاحظة : لا يوجد عرض و طلب بسوق الكسور , في البداية تقوم بعرض ما لديك من أسهم و بعد ذلك يتم شرائها أو سومها بأسعار أقل .. بمعنى لا يوجد طلب مباشر لتبيع أسهمك فورا .

السلام عليكم

اخوي سبرايت
في عرض وطلب وموجود بصفحة الاوسط
بالدخول على سجل الاوامر لسوق الكسور
بتلاقي في عرض وفي طلب شراء
Ask = العرض
Bid = الطلب
Count = العدد


ولد ابوه
عندك اسهم قليل مثلا 121 سهم ( اسهم منحة )
ما تقدر تبيعه بالسوق الرسمي وحاب انك تبيعهم
تعرضهم بسوق الكسور على حسب سعره بالسوق الرسمي
اقل او اكثر على حسب سعرك

ان شاء الله
قدرنا انفيدك

 

[Moshaks_777]

هل خدمة بنك الاوسط بو توفر بيع وشراء الاسهم بشكل مباشر وتلقائي ولا في تأخير


لأن خدمة بنك الاوسط في التداول بالكسور فيه تأخير حوالي نص ساعه في حالة طلبات البيع والشراء

 

[مستثمروون]

نعم صحيح السعر نفس الشئ .. في الرسمي و الكسور

لا توجد فائدة من الكسور المسأله ليست فوائد للشاري أو البايع
لنفرض عندك 1000 سهم في بنك بوبيان و أدرج السهم بسعر 400 فلس بالسوق و تريد البيع .. ففي هذه الحاله تبيع اللي عندك بسوق الكسور بدلا من الرسمي بنفس السعر لأن الرسمي يقبل بيع الوحده فقط كأقل كميه .

ملاحظة : لا يوجد عرض و طلب بسوق الكسور , في البداية تقوم بعرض ما لديك من أسهم و بعد ذلك يتم شرائها أو سومها بأسعار أقل .. بمعنى لا يوجد طلب مباشر لتبيع أسهمك فورا .

بالنسبة لجمع وحده عن طريق الكسور فهو مسموح بالطبع .. لكن ما الداعي لذلك و السوق الرسمي يوفر لك الوحدة كامله من غير تعب الجمع ؟!!

لو قدرت تجمع من الكسور بسعر أقل من سعر السوق ... راح يكون الفارق مربح ...
لأن في أغلب الأوقات يباع سعر الكسر بأق من سعر السوق الرسمي ...

 

[sprite]

أخوي بوعلي ..


لا أقصد لا يوجد طلب و عرض .. لكن لا يوجد نظام وحدات للكسور , بمعنى
ان اللي يبي يشتري .. يشتري الكميه حسب ما هو معروض فقط و لا يختار الكميات كما يريد . لنفرض أني أريد شراء 200 سهم مركز مالي فلا أستطيع ذلك من شخص عارض 500 سهم إلا أن يقوم شخص ما بعرض هذه الكميه تحديدا .

ما أدري شلون أوصلها .. و إذا غير صحيح نورونا و منكم نستفيد .

 

[Q8 Stock]

والله مادري اخوي سبرايت
يمكن ما فهمت قصدك بالرد السابق
علشان جذي حطيت العرض والطلب
وبعد ردك التالي فهمت القصد

كميه أمر الشراء يجب أن تطابق الكميه المعروضة
عندما حاولة اشتري من سوق الكسور


الله يعطيك العافيه