مجموعة الرابطه

[المفتاح]

حاليا المجموعه علي الدعم جاهزه للانطلاق في اَي لحظه
الرابطه والتنظيف ولوجيستك
قابله للانفجار
تاخير الاعلان مقصود من قبل مجالس الاداره

 

[Bdr02]

نعم صحيح اتفق
تاخير الاعلان عشان التخويف وتبيعوون علي الدعومات

 

[المال والبنون]

سمعنا عن الانطلاق لكثير من الأسهم وبالأخير كان الانطلاق للأسفل

 

[المفتاح]

سمعنا عن الانطلاق لكثير من الأسهم وبالأخير كان الانطلاق للأسفل

اخوي الْيَوْمَ وبكره تنزيلات عشان عيد الام بس والأسبوع القادم راح يبلشون المجموعه

 

[المال والبنون]

هههههههههههههههه
والله أتمنى لانطلاقه وان شالله يكون كلامك صحيح
بس الخوف يطول التنزيلات ويمددون الى عيد الحب

 

[المفتاح]

هههههههههههههههه
والله أتمنى لانطلاقه وان شالله يكون كلامك صحيح
بس الخوف يطول التنزيلات ويمددون الى عيد الحب

لا تخاف قوي قلبك مو معقوله سهم جياد أغلي من التنظيف ولوجيستك
وين قاعدين فيلم هندي ان صير اضحوكه للاسواق المجاوره

 

[المال والبنون]

لا تخاف قوي قلبك مو معقوله سهم جياد أغلي من التنظيف ولوجيستك
وين قاعدين فيلم هندي ان صير اضحوكه للاسواق المجاوره

انصير اضحوكه ?!?!!?
صرنا اضحوكه لين ازهقو من الضححك
وانا امقوي قلبي قصبن عني
مجبر أخاك لابطل

 

[نصوح]

حاليا المجموعه علي الدعم جاهزه للانطلاق في اَي لحظه
الرابطه والتنظيف ولوجيستك
قابله للانفجار
تاخير الاعلان مقصود من قبل مجالس الاداره

اخوي المفتاح وين دعومات المجموعة فضلا لا امرا تذكرها لنا
لوجستك كسر الخمسين والتنظيف اليوم 59 ولغاية اليوم نبي مجرد
اعلان عن موعد اجتماعهم وباخلين على العالم
قاعدة بورصوية من اخوك تعلمتها من هالسوق الدايخ لا تعشق سهم وكل
الاسهم سواسية ما في احترام ولا ثقة باي شركة اخذ رزقك وفنقر السهم من غير اسف
وفتح موضوع جديد عن المجموعة كانك قاعد توصي على اسهم المجموعة الدايخة

وارجو اني ما ضايقت احد بكلامي

 

[المفتاح]

وسع صدرك اخوي نصوح اذا ابي الدعومات للاسهم لوجستك ٤٦ والتنظيف ٥٨ والرابطة ١٠١ بس القصد من كلامي ان انها قريبه للدعومات
وبالنسبه للشركات أنا ما اعشق شركه ولاكن ابحث عن الجيد والرخيص لان غير منطقي شركات تشغيليه وبهالاسعار ضغط متعمد واضح

 

[المال والبنون]

اخوي مفتاح للحوار فقط
انت شايف منطق بسوق الكويت جميع الأسعار غير منطقيه وجميع الخسائر التي تتكبدها الشركات غير منطقيه واستمراريتها رغم الخساير المتراكمة والمستمره غير منطقيه

 

[نصوح]

وسع صدرك اخوي نصوح اذا ابي الدعومات للاسهم لوجستك ٤٦ والتنظيف ٥٨ والرابطة ١٠١ بس القصد من كلامي ان انها قريبه للدعومات
وبالنسبه للشركات أنا ما اعشق شركه ولاكن ابحث عن الجيد والرخيص لان غير منطقي شركات تشغيليه وبهالاسعار ضغط متعمد واضح

هلا باخوي المفتاح ،،،
ما في اوسع من صدري وللعلم انا مكيش وحاليا لا املك ولا سهم بالسوق
وبحثك عن الجيد والرخيص يعني كل الاسهم التشغيلية االلي بالسوق
ولكن عدم المنطق اللي خلا هذه اسعارها والامثلة كثيرة ،، وهذه المجموعة مع حسن
ظني فيك ما تستاهل ان يفتح لها موضوع
والله يوفقك يا الحبيب

 

[Trillion]

عزيزي صاحب الموضوع بالسوق الكويتي مو شرط تأخير بالاعلان عشان شي ايجابي او تجميع او غيره
ممكن ايكون عكس ما ذكرت للتصريف لاخر يوم قبل الاعلان عن اعلان سلبي او التخلص من كميه معينه او التخارج
وممكن ايكون كلامك ايضا صحيح
وممكن ايكون التأخير مو عشان هذا ولا ذاك من سوء الاداره وعدم الاهتمام ( وهذا التوقعه شخصيا ) الانه المجموعه معروفه في الايقافات وكذلك التأخير ف الاعلانات
اما سالفه المنطق وغير المنطق فنصيحه لا طبقه على اي سهم موجود في السوق الكويتي
ولو في منطق جان ما شفت سهم ريم خلال اقل من شهر من 250 فلس إلى دينار وشي وسهم الوطني العملاق في الاصول والعالمي صارله اكثر من 3 سنوات يتراوح مابين 600 - 780 فلس
لو في منطق ايضا جان ما شفت سهم مثل الاولى للاستثمار إلى موجوداته تفوق 110 مليون ومطلوباته اقل من 15 مليون ( سعره 38 ) سهم ساحل مطلوبات مليون و500 فقط وموجودات 60 مليون ( سعره 30 ) لو اكمل باقي الاسهم متأكد اني راح اصل حق فوق 50 سهم من هذا القبيل
تبي سهم من الاسهم اللي يوم تفاجأه بسعرها الاني اصبحت مو متابع يومي للسوق ايفا فنادق تدري انه ب 2017 كان سعر سهم 300 فلس خلال سنه وصل 90 فلس !
نهايك عن مهزله شركه مشرف ومركز سلطان
نهايه الحديث لو كل شي منطقي عقد بهذا القيمه على مجموعه الرابطه مفروض لا ايقل سعر سهم عن 500 فلس اقل تقدير !

 

[Bdr02]

ويمكن كلام مفتاح صحييح
اخر يوم يعلنون ارباح طيبه
احنا نعرف ماكو شركه محترمه بالسووق وكلهم يلعبون وانت العب معاهم