مكاتب الوساطه بالضجيج

[almotaktak]

لو تكرمتو اللي يعرف مكان مكاتب الوساطه اللي افتتحت مؤأخرا بالضجيج يوصفلي مكانهم
ولكم الشكر سلفا

 

[صقرالبحر]

ماندري

 

[بو طلال]

بيت التمويل اللي فى الضجيج خله على شمالك امش اخر الشارع لف يسار اتشوفهم على يسارك

 

[عبدالله2]

في مجمع تالا بالضجيج وهو نفس المجمع اللي في الشوتايم

 

[لحلاح1]

اخوى المتكتك انتبه فى مكتب للوساطه بالضجيج ما اعرف اسمه نسيته لاتطيح فيه ترى شكله من الداخل مثل الشيشه بدون ديكورات ومافيه كمبيوترات وماله الا شاشه وحده على الطوفه اذاشفتهم كانهم يطالعون مصارعه حره

 

[بورصاوي]

اخوى المتكتك انتبه فى مكتب للوساطه بالضجيج ما اعرف اسمه نسيته لاتطيح فيه ترى شكله من الداخل مثل الشيشه بدون ديكورات ومافيه كمبيوترات وماله الا شاشه وحده على الطوفه اذاشفتهم كانهم يطالعون مصارعه حره

ههههههههههههههههههههههههههههههههه ضحكتني من قلب
هذا مكتب الاولى وانا اتداول فيه
بس اجي اشتري او ابيع واطلع على طووووووووووووووول
مكتب تقول تقول سكن عزاب
بس اشوه جنهم حسوا على دمهم وقامو يعدلون

معـــــــــــــــاناة

 

[برق الشرق]

بس ترى خدماتهم مش حالك!!
يعني لو تبي كشف حساب ما يطللعك الا ثاني يوم من طلبك!!
والمغثة هاللي لازقين بكراسي الكمبيوتر ما يتزحزحون ليما ينتهي التداول تقول ماخذينها تمليك!! وسلم لي على أوناسيس!

 

[almotaktak]

عاجز عن الشكر

اشكركم اخواني جميعا على ردودكم
انا بس لما ابي ابيع او اشتري بروح لهم على السريع وامشي لأنه قريب من الدوام بدل ما اتعنى لمبني البورصه بالديره والتلفونات معلومكم ما يردون عليها مكاتنب الوساطه الا بطلعة الروح
ولكم كل الشكر ثانية

 

[ولد ابوه]

المجمع اللي بزاوية الضجيج(الشماليه الغربيه)

وصف تحديدي مختصر

 

[بورصاوي]

بس ترى خدماتهم مش حالك!!
يعني لو تبي كشف حساب ما يطللعك الا ثاني يوم من طلبك!!
والمغثة هاللي لازقين بكراسي الكمبيوتر ما يتزحزحون ليما ينتهي التداول تقول ماخذينها تمليك!! وسلم لي على أوناسيس!

اي كراسي ياعمي
كلها غنفه حق ثلاث اشخاص .... تقول راكبين باص
بعدين يالمتكتك مو كل المكاتب موجوده هناك .. شنوو مكتبك ..اعترف

 

[almotaktak]

اي كراسي ياعمي
كلها غنفه حق ثلاث اشخاص .... تقول راكبين باص
بعدين يالمتكتك مو كل المكاتب موجوده هناك .. شنوو مكتبك ..اعترف

ههههههه
والله اخوي بورصاوي مكتبي مو موجود فعلا هناك بس يقولون يصير تتعامل مع مكتبين او ثلاثه هذا شيء راجع لك انت كمستثمر
اما اسم مكتبي فهو ليس سر وانا مستثمر صغير ( اصغر مما تتصور ) هههه
مكتبي هو الوسيط بس ما له فروع
لذلك ودي اتعامل مع مكتب ثاني اضافه للوسيط
وشكرا لتواصلك الكريم

 

[Wise]

كم مكتب وساطه موجود واسماء شركات الوساطه يليت احد يذكرها لنا .

 

[بورصاوي]

عربي موجود الرباعيه موجود الاولى موجود بس جنه مو موجود
وفيه مكاتب اخرى بس ناسيها يمكن الشباب يذكرونها شوي

 

[الفايدة للجميع]

المكتب الثالث : الأتحاد وأنا متأكد منة إنشاء الله .


لا تنسونا بالدعاء

 

[البواردي]

احسن مكتب وساطه مكتب الرباعيه وتحياتي للبروكر ميثم الشخص ما شاء الله عليه انسان صدره وسيع يرد على التلفون بسرعه تبارك الرحمن

لا وسمعت ان بروح الحج ان شاء الله ادعوله يا جماعه

 

[matrex-ku]

اللي متأكــد انه مالـه فــرع باالضجيج مكتب الشرق للوساطه
طبعا لأني اتعامل معاه بس في البورصه وحولي
واعتقد اكثر المكاتب اذا مو كلها موجوده باالضجيج

 

[zgombi]

اللي متأكــد انه مالـه فــرع باالضجيج مكتب الشرق للوساطه
طبعا لأني اتعامل معاه بس في البورصه وحولي
واعتقد اكثر المكاتب اذا مو كلها موجوده باالضجيج

الاخ ماتركس جنك قلت حولي؟؟؟؟

في مكاتب وساطة بحولي ؟؟ ووين ؟؟

وسلامتك وتعيش.

 

[الفايدة للجميع]

شركات الوساطة سبع مكاتب فقط

شركات الوساطة المالية في منطقة الضجيج بالفروانية :


1- شركة العربي للوساطة الماليه

2- الشركة الأهلية للوساطة المالية

3- شركة الخليج للوساطة المالية

4- الشركة الأولى للوساطة المالية

5- الشركة الوطنية للوساطة المالية

6- الشركة الرباعية للوساطة المالية
تلفون : 4377000 ـــ 4377001 ـــ 4377008
فاكس : 4377007 الموظف : ميثم الشخص

7- شركة الأتحاد للوساطة المالية
تلفون : 4377100 ـــ 4377101 ـــ 4377102
فاكس : 4377117 المحاسبة : 4377118
بإدارة نائب المدير العام / عادل الياقوت


8- توجد صالة نسائية للتداول .



هذه مكاتب الوساطة المالية بمجمع تالا مول بمنطقة الضجيج بالفروانيه فقط .

 

[برق الشرق]

ههههههه
والله اخوي بورصاوي مكتبي مو موجود فعلا هناك بس يقولون يصير تتعامل مع مكتبين او ثلاثه هذا شيء راجع لك انت كمستثمر

اللي أعرفه أخوي انه ما يصير ,يعني لازم تبيع اسهمك اللي عند المكتب اولا وبعدين تحول لمكتب ثاني,اذا في عندك تصحيح لهالمعلومة ياليت تفيدنا جزاك الله خير.

 

[rashid]

الشرق للوساطة المالية​

[/COLO
جولي مجمع نورة - الدور العاشر-خلف اتحاد الجمعيات مقابل الجابرية 0R]