شركه أموال الكويت العقاريه هل هلى شركه محترمه ام لا ؟

[FAROO7A]

شركه اموال الكويت العقاريه تمتلك شاليهات وتبيع حصص من هذه الشاليهات للمستثمرين مقابل عائد شهرى 15% وتشترط على المشترى اعاده البيع بنفس قيمه الشراء بعد مرور سنه يعنى جنك حاط فلوسك ببنك و اهم يوزعون عليك ارباح

فمادرى هل فعلا هالشركه هذى مضمونه للاستثمار معاهم ام لا اخاف تطلع مثل شركه تيماس العقاريه ؟؟

يقولون انهم تبع شركه جلوبل للاسكان وانها شركه قديمه من 25 سنه فشلون اعرف اذا هى فعلا شركه قديمه وشلون اعرف موقفها المالى و

واذا فى احد يعرف معلومات عنها رجاءا يفيدنا قبل ما نحط فيها فلوس وتطلع شركه مو ثقه ؟؟


عندهم مشروع ثانى لفلل صفيره مساحه 300 متر يبيعونها لك تملك لمده 25 سنه فقط وهى فلل منفصله دورين فيهم 4 اربع غرف اضن والمشروع قيد الانشااء مايخلص الا سنه 2019 ع كلامهم وتملك مو ع طول وانما لمده 25 سنه فقط وعقبها يروح راس مالك وماراح يرجعلك غير القيمه الايجاريه للفيلا فقط يعنى جنك سلفتهم فلوسك ورجعوها لك بالقطاره كل شهر يمكن ايجار الفيلا 200 او 300 دينار فقط؟؟

ارجو النصيحه للى يعرف شى عن هالشركه او شلون نتاكد انها ثقه ومحترمه ام لا و هل فعلا قديمه ام توها طالعه؟؟ وشكرااا

 

[السعد محمد]

اشتر سهم بنك بوبيان افضل

 

[74talal]

أختي فروحة آنا سويت بحث عن الانترنت عن طريق موقع غرفة تجاره وصناعه الكويت ، الشركة متأسسة قبل ٣ سنوات ورأسمالها ٢٠ ألف دينار كويتي والشركاء ٣ واحد كويتي وأثنين مصريين

 

[74talal]

أرجو إنچ تنتبهين قبل لاتقدمين على أي خطوة لو فعلا عوائد ١٥ ٪‏ چان بروا فيها اهلهم وربعهم مو يسوقون حق ناس مايعرفونهم ، واذا على كلامچ ٢٥ سنة تستفيدين من الايجار فقط روحي اشتري عقار بإسمچ افضل لأن بالكويت ماكو تنظيم عقاري للحصص في عقار واحد ، ارجو اني أفدتچ بالموضوع

 

[sportsaaad]

من رايي الابتعاد عن هذه الشركات لانها تدور حولها شبهات كثير ومعضم مشاريعهم عليها مخالفات بالبلديه ويمشونها بالرشاوي

وبالنسبه للشاليهات وتقسيمها وبيعها ، فكثير من المحامين في وسائل الاعلام حذروا من التعامل بمثل هذه الشركات لانها تقوم بتقسيم قطاع خاص ويعتبر مخالف بالبلديه

الافضل اللي يملك رأس مال ويريد الاستثمار في العقار ان يشتري الارض او العقار بنفسه ويكون ملكه وله حريه التحكم فيه ، او يشترك مع عده أشخاص في الوثيقه اذا كان ماله لا يكفي ، افضل من يسلم مدخراته لأشخاص مجهولين وخصوصاً في زمن للأسف الشديد ضاعت فيه الامانه الا ما رحم ربي .

اشوفها مقامره وسيئه جداً

 

[السعد محمد]

من رايي الابتعاد عن هذه الشركات لانها تدور حولها شبهات كثير ومعضم مشاريعهم عليها مخالفات بالبلديه ويمشونها بالرشاوي

وبالنسبه للشاليهات وتقسيمها وبيعها ، فكثير من المحامين في وسائل الاعلام حذروا من التعامل بمثل هذه الشركات لانها تقوم بتقسيم قطاع خاص ويعتبر مخالف بالبلديه

الافضل اللي يملك رأس مال ويريد الاستثمار في العقار ان يشتري الارض او العقار بنفسه ويكون ملكه وله حريه التحكم فيه ، او يشترك مع عده أشخاص في الوثيقه اذا كان ماله لا يكفي ، افضل من يسلم مدخراته لأشخاص مجهولين وخصوصاً في زمن للأسف الشديد ضاعت فيه الامانه الا ما رحم ربي .

اشوفها مقامره وسيئه جداً

أرجو إنچ تنتبهين قبل لاتقدمين على أي خطوة لو فعلا عوائد ١٥ ٪‏ چان بروا فيها اهلهم وربعهم مو يسوقون حق ناس مايعرفونهم ، واذا على كلامچ ٢٥ سنة تستفيدين من الايجار فقط روحي اشتري عقار بإسمچ افضل لأن بالكويت ماكو تنظيم عقاري للحصص في عقار واحد ، ارجو اني أفدتچ بالموضوع

شكرا لكما

التحذير واجب