افضل الشركات ..

[khalid592]

ماهي افضل الشركات في توزيعات الارباح خلال ال 5 سنوات الماضيه ؟؟

بيت التمويل تقريبا يوزع ارباح سنويا مايقارب ال 13% بالميه خلال الخمس سنوات الماضيه تقريبا .. هذا يعني ان استثمار خلال سبع سنوات ترجع فلوسك ..

واذا اعدنا استثمار وتدوير الارباح ممكن خلال خمس سنوات ويرجع رأس المال ..

طبعا هذا حسب ماقرأت وفهمت من خلال توزيعاته السابقه واذا انا غلطان ارجو تصحيح فهمي لهذه القراءه ..


الشي الثاني ماهي الشركات الدفاعيه اللي اثبتت توزيعات خلال ازمه الرهن العقاري 2008
اللي اعرفه انه الشركات الدفاعيه هي الشركات التي لا تتاثر بالاحداث السياسيه وهي شركات لها منتجات ملموسه ويحتاجها الناس مثل شركه امريكا للاغذيه وشركة زين ..

لكن هل هناك شركات اخري وتعتبر شركات جيده للاستثمار ؟؟


الفكره انا ماحب المضاربه وافكر استثمر في شركه ممتازه واعيد تدوير الارباح ..

 

[Abdullah2626]

خوش موضوع نرجو المشاركة

 

[Abdullah2626]

للرفع

 

[flanker]

السلام عليكم موضوع طيب وفيه افاده واستفاده ان شاء الله
بيت التمويل واجيليتي سنويا تاخذ ارباحك وانت متكي بالبيت بشرط

 

[Abdullah2626]

السلام عليكم موضوع طيب وفيه افاده واستفاده ان شاء الله
بيت التمويل واجيليتي سنويا تاخذ ارباحك وانت متكي بالبيت بشرط

انا هذا الي ابحث عنه اخذ ارباح و متكي بالبيت بس شنو الشرط ؟

 

[ساروق الحديد]

الوطني .......... بعير كل سنة تأخذ ارباحك وفوقهم بوسه ........... عيبه مو شرعي يقولون

 

[flanker]

الشرط انك ما تتابع البورصه وتنسي ان عندك اسهم
تقدر علي الشرط؟

 

[Abdullah2626]

الشرط انك ما تتابع البورصه وتنسي ان عندك اسهم
تقدر علي الشرط؟

طبعا اقدر
انا افتح الشاشه وقت الي اشتري فيه
انا نظامي اشتري ما ابيع و استلم ارباح سنويه

 

[flanker]

الله يوفقك

 

[Abdullah2626]

الله يوفقك

اجمعين
شنو ترشح غير بيت التمويل و اجيليتي

 

[عبدالعزيز34]

أنـــــــــــــــــى لـــك من الناصحيـــــــــن اخـــــــــــــــذ

بنــــــــــــــــــــك بوبيــــــــــــــان وانساه سنه الى سنتين من الان

رايح اتدوبل افلوســــــــــــــــــك خلال سنتين على اكثر تقدير
والله تعالا اعلم جلا في علاه
وتوزيعاته راح تزيد وسعره راح يزيد

 

[Abdullah2626]

أنـــــــــــــــــى لـــك من الناصحيـــــــــن اخـــــــــــــــذ

بنــــــــــــــــــــك بوبيــــــــــــــان وانساه سنه الى سنتين من الان

رايح اتدوبل افلوســــــــــــــــــك خلال سنتين على اكثر تقدير
والله تعالا اعلم جلا في علاه
وتوزيعاته راح تزيد وسعره راح يزيد

هلا اخوي
فعلا بنك بوبيان له مستقبل قوي بس الي اقصده اني اخذ السهم وانام عليه و استفيد من توزيعاته يعني السهم ليس للبيع

 

[khalid592]

طبعا اقدر
انا افتح الشاشه وقت الي اشتري فيه
انا نظامي اشتري ما ابيع و استلم ارباح سنويه

هذا افضل نظام واللي انا ابي اسويه ولكن انا ابي انوع في الاسهم والقطاعات .. وابي اعيد تدوير الارباح يعني التوزيع اللي راح اخذه راح ارجع اشتري فيه وازيد الكميه

لكن لازم تقسم محفظتك بالتساوي على اسهم بقطاعات مختلفه ولها توزيعات حلوه ..

 

[بو العتاهية]

السلام عليكم سهم الكابلات سهم اسمنت بورتلان سهم المشتركة سنويا يوزعون

 

[khalid592]

هذا قطاع البنوك وكل سهم ومكرر ربحيته والقيمه الدفتريه

الوطني مكرر ربحيه 13.7 والدفتريه 1.46
التمويل مكرر ربحيه 18.1 والدفتريه 1.78
بوبيان مكرر ربحيه 21.4 والدفتريه 2.67


من مكرر الربحيه للبنوك فوق اشوف انه مكرر ربحيه بوبيان عالي شوي مقارنه مع بيتك والوطني والدفتريه لبوبيان تقريبا دبل القيم الدفتريه لبيتك والوطني .. ياليت احد من الاخوان يفسر هذا الشي شلون يصير
انا اللي اعرفه مكرر الربحيه مهم عشان تعرف كم تحتاج وقت عشان ترجع فلوسك وان القيمه الدفتريه هي القيمه الاسميه للسهم مضاف اليها الارباح ..

وطبعا الاسعار
سعر الوطني 719 فلس
والتمويل 553 فلس
وبوبيان 416 فلس

====

طبعا عدد الاسهم في بوبيان اقل من بيتك والوطني تقريبا النص لانه بنك جديد .. لكن بيتك والوطني مع ان اسهمهم ضعف بوبيان الا ان مكرر ربحيتهم اقل !!!

الوطني عدد الاسهم
5917.75

بيتك عدد الاسهم
5765.7

بوبيان عدد الاسهم
2274.73


==


الربح الصافي

الشركه سنه2016 2015 2014 2013 2012

الوطني 295.180 282.160 261.810 238.140 305.130

بيتك 165.230 145.840 126.480 115.890 87.680

بوبيان 41.070 35.240 28.240 13.410 10.050


طبعا الربح الصافي حسب ماهو مذكور في صفحة ارقام الشي الغريب انه ارباح الوطني تقريبا كثيره جدا مقارنه في بيتك !!!! مع انهم يملكون نفس عدد الاسهم تقريبا لكن الربح الصافي اكثر بكثير من بيتك لكن بيتك ارباحهم تكبر اما الوطني مع انه اكثر لكن متذبذب ...

وبوبيان قليل جدا مقارنه فيهم لكن واضح انه ينمو والربح يتزايد سنه عن سنه وهالشي واضح في المقارنه ..


====


ربحية السهم


الشركه سنه 2016 2015 2014 2013 2012

الوطني 51فلس 51فلس 47فلس 43فلس 55فلس

بيتك 29فلس 25فلس 22فلس 21فلس 18فلس

بوبيان 18فلس 15فلس 12فلس 6فلس 4فلس



هذا اللي فوق ارباح السهم خلال السنوات وهو تقريبا مشابه لصافي الدخل بالنمو اشوف بوبيان افضل وبيت التمويل بعد ارباح تزيد خلال الخمس سنوات اللي فاتت ..



هذي مقارنه جدا بسيطه علما بانيي مش محلل مالي وابي تعقيب من الشباب على المذكور او المقارنه ..

 

[ابو فلاح 3737]

تجاريه عقاريه يوزع سنويا

وسعره رخيص يعني تشتري كميه كبيره عكس البنوك
توزيعة العام اضن 6 منحه 5 نقدي اتوقع او العكس

 

[khalid592]

السلام عليكم سهم الكابلات سهم اسمنت بورتلان سهم المشتركة سنويا يوزعون

سهم اسمنت بورتلاند
عدد الاسهم 100 مليون
ربحيه السهم 81 فلس

العائد 8.42%

سهم ممتاز اذا استمر بنفس التوزيعات لكن سنه 2015 عنده مشكله بالمبيعات ونزلت ربحيته وصلت48فلس مقارنه بالسنوات اللي قبله والسنه هذي .. شنو السبب ؟!

هل لانه وزع اسهم منحه؟! ولا شنو السبب ؟؟

عموما سهم زين اشوف توزيعاته حلوه ..

 

[سكر]

أمريكانا

 

[khalid592]

الحين عندنا البنوك اشوف انه بنك بوبيان ممتاز .. واسمنت بورتلاند لا بأس به .. لكن بالنسبه لبورتلاند ماقارنته بينه وبين شركات الاسمنت الثانيه بصراحه لكن راح ارجعله بعدين
لو صايدينه بسعر اقل احسن ..

 

[خالد يوسف]

السلام عليكم ورحمة الله وبركاته
فيه شركات جيدة
بوبيان للبتروكيماويات
القرين
اسمنت الشارقة
وبعض الشركات المنتجة والصناعية
والله يوفق الجميع