قل خير .. أو اصمت

[ابوسارونه]

بسم الله الرحمن الرحيم
وبه نستعين


منذ ان سقط السوق و (خنق) بسقوطه آلاف المتعلقين وهم يرون مدخراتهم وشقاهم (يتبخر) أمام أعينهم ... عاشو من (هاك) اليوم .. لليوم في حسره وشقاء !!

اللي بقوله ..
ان هالحاله .. ما تبني ولا ترفع عمد .. وتثبت الاشخاص ... بين نارين ... يا اما نار الانتظار بالداخل... أو نار الخروج و المتابعه للعوده بأسرع مايمكن لرد الحق لأصحابه (كما يعتقدون) ..!!

وهذا .. كان استبيان قمت به
يبين .. ان المتابعين للسوق .. كثر .. وان أي تحرك حقيقي .. راح يجذبهم .. ( وحصل ) خلال الارتفاع العمودي (اللي عشناه) .. نسبه دخول كبيره .. افشلها او بالاحرى .. س يفشلها صانع السوق .. ب بناءه عند مستوي 6800 كل هالمده .. اللي تعتبر طويله نسبيا

في المقابل ...قاع السوق الماضي وتحركه البطيء ... كان يجذب الكثير من المضاربين .. ممن يستحق ان يطلق عليه وصف ال( جبان ) ... فهالجبان ... لايسعد بإرتفاع السوق .. ولا يعرف كيف يشتري بأسعار مرتفعه نسبيا ، جبان بالمعني الحقيقي .. يخاف من أدني خساره .. والود وده لو أن السوق .. عمره مايرتفع .. لكي يتداول بالادني التاريخي بأمان تام ..و بعد كل ارتفاع يحققه .. يرجف.. ليعود للامان / فالسوق (للاسهم الشعبيه) .. لازال سوق (افراد) وميتين الف ممكن يرفعه حد اعلى وتجذب الافراد ليعيشو قصه حب جديده من طرف واحد .. يعطيهم بعدها سقوط حر !!

هكذا (تدرج ) بتربيته لنا الغول الرأسمالي .. اللي حتما .. سيأتي يوم ويبتلعنا .. لننسي بسببه وبسبب انغماسنا بدهاليزه .. انسانيتنا وشعورنا بالاخرين .. ل يسطر علينا الجشع ويصبح أغلبنا مثل (فكر) .. (عشيقه لويس) لنقول بالنهايه .. انا ومن بعدي .. الطوفان!!

* كن عنصر .. بناء ..ولا تكن عنصر هدم وليس معني هذا .. انك تطبل / .. لا .. ولكن ابتعد عن الارجاف وخاف ربك بأخوانك ... ف نحن لدينا .. ترند تاريخي مخترق .. من المفترض ان لاتتشائم الا في حال الرجوع لكسره !!

والله من وراء القصد

 

[sabar]

أخي الكريم ابوسارونه موضوعك جميل .
نقطه مهمه جداً وهي أن السوق الكويتي حالياً يعتبر أفضل حالاً من ذي قبل .
بل لازلت أعتقد بأنه سيرتفع ارتفاعات طيبه ولازالت به فرص طيبه من وجهة نظري .
وسنرى ارتفاعات قياسيه فور التعامل بالأوبشن والمارجن والآجل بإذن الله تعالى وحينها سيزداد دخول سيوله قويه من الخارج والله أعلى وأعلم .

 

[جبل سنام]

اخي الكريم انا موفاهم كلمة ( هاك اليوم ) ياريت تشرها لي وجزاك الله خير .

 

[بن باديس]

اخي الكريم انا موفاهم كلمة ( هاك اليوم ) ياريت تشرها لي وجزاك الله خير .

السلام عليكم

هاك اليوم === ذاك اليوم

الله يهديهم الشباب يطلعون كلمات بدت بالانقراض

 

[الراقي]

في ارتفاع السوق رحت الدوانية ولا راعي الدوانية يسألني شلون السوق
قلت له الحمدلله الاغلب ربح من هذا الارتفاع الطيب
قال لي يعني تنصحني اني ادخل
قلت له السوق ارتفع ١٧٠٠نقطة وماريح واحتمال كبير يريح شوي علشان الناس تجني ارباحها
قال لي ماعندك سالفة شوف بوحمود يمدح السوق ويقول دش بكل فلوسك هذي فرصة العمر
قلت حلالكم وكيفكم
نفس الدوانية مريتهم قبل كم يوم حاطين بوحمود في الزاوية وضغط فيه
المسكين بوحمود خسران الحين خسارة كبيرة وخسر الدوانية معا
في سنة ٢٠٠٦ وصلنا قمة في السوق الكويتي بسبب العقود المليارية وثم انهارت مجموعة المخازن ومجوعتها سنة ٢٠٠٧ وسحبت السوق تحت واستمرت في النزول وبنفس الوقت دخلت شركات ورقية ورحنا قمة جديدة في ٢٠٠٨
والامور كانت طيبة وصارت الازمة المالية فكان سوقنا اكثر تطرف في نزول رغم تعافي الاسواق ومنها الاسواق الخليجية
وبقى سوقنا الوحيد اللي لحد الان موقادر ينهي هذي الازمة لسبب رئيسي وهو العدد الكبير من الشركات الورقية
رغم ارتفاع بعض الشركات و وصولها الى قمة تاريخية نفس شركة المشاريع لايوجد اثر على السوق
لأسف عندما يسألك اي شخص لماذا ارتفعت الشركة الفلانية دبل قيمتها وهي خسرانة نص رأس المال ولم توزع من عشر سنين وهي في الاساس ماعندها ارباح
لاتجد جواب مقنع لذالك
في نهاية نحتاج الى شركات محترمة حتى يكون عندنا سوق محترم ومستحيل بنفس الشركات الغير محترمة تصنع سوق محترم

 

[بدر عبدالعزيز]

صباح الخير كلامك سليم
الا الان السوق الكويتي بالقاع
وكثير من الاسهم تحت القيمه الاسميه وتحت القيمه الدفتريه

 

[عجبي]

السلام عليكم

هاك اليوم === ذاك اليوم

الله يهديهم الشباب يطلعون كلمات بدت بالانقراض

(هاك ) باللهجه الكويتيه يعني خذ
ولكن هوقصده (هذاك اليوم)
كل الشكر لصاحب الموضوع

 

[الراقي]

صباح الخير كلامك سليم
الا الان السوق الكويتي بالقاع
وكثير من الاسهم تحت القيمه الاسميه وتحت القيمه الدفتريه

ماعليك امر ماهي الشركات اللي تحت القيمة السعرية ولماذا ؟

 

[بدون مجامله]

شباب نتابع كوك وشات امكن يكملون الغاز فاهمين