سؤال يلامـــــــــــس الكل هل البانزين الممتاز يعــوض عن الخصوصي

[عبدالعزيز34]

السلام عليكم ورحمة الله وبركاته - اسعد الله صباحكم - وبعـــــــــد
القرار وقـــع واصبــح بالواقـــــــع
امــــس ترست سيارتي بانزين خصوصي وماادراك ماالسعر 9 دنانيــــــــر وفوقهم 200 فلس - يعفل هاذا في بلدي الحبيـــــبه الكـــــــــــــــــــــــــــــــويت - حقيــــــــقه زياده كبيره بالسعر - وخصوصن اذا تترس كل يومين - معناها 140 دينار للبانزين امعنى اخر باليوم الواحد تصرف 4 دنانير وربع للبانزين فقـــــــــــــــــــــــط
وعليـــــــــــــه سوفا ترتفع جميع السلـــــــــــع واول ارتفاع حصل امس معاى
نساااف رمل من ميناء عبدالله الى شاليهات الدعمي بنيـــــــــــدر - المسافه لا تتعدا 20 كيلو
قبل اسبوع نفس النساف ونفس الشخص والزياده 10 دنانيز على السعر القديم -

اخيرا - هل البانزيـــــــــــــــــن الممتـــــــــــــــــاز يعوض عن البانزين الخصوصي وماالفرق بينهم -

 

[حديث النفس]

ارجع حق كاتلوج السيارة .. واقرا التعليمات وتوصيات المصنع بهذا الخصوص
إذا تعليماتهم توصي إتك تعبي ممتاز عب ممتاز ..
وإذا تعليماتهم توصي إنك تعبي خصوصي عب خصوصي ..
وعموما راح تلقى نوع البنزين إللي لازم تستعمله على غطاء البنزين !!

 

[بيانو6]

اذا كانت عندك طبخه وما عندك بصل وفتحت
الثلاجه لقيت بصل أخضر أكيد راح يغنيك
عن البصل العادي حق الطبخه
كله بانزين يمشي السياره بانزين عادي خصوصي
بانزين خليجي نفس الشيء السياره راح تمشي

 

[حديث النفس]

اذا كانت عندك طبخه وما عندك بصل وفتحت
الثلاجه لقيت بصل أخضر أكيد راح يغنيك
عن البصل العادي حق الطبخه
كله بانزين يمشي السياره بانزين عادي خصوصي
بانزين خليجي نفس الشيء السياره راح تمشي

بس الطبخة ما راح تطلع حلوة ولذيذة !!
بعض السيارات إذا كان لازم تستعمل لها خصوصي واستعملت ممتاز .. راح تدق ولفات وتنتع !!

 

[صاعد نازل]

السلام عليكم

انا عندي اخوي خبير فى السيارات ما شاء الله عليه

اذكر دائما اشوفه فاتح القبق و يتبعث و يفج و يركب !! وهذا حال السياره من اول يوم تطب عنده

اخر شى يتوهق و يوديها الكراج يصلحها

قلت هذا وقتك و استشرته بـ موضوع من خصوصي الى ممتاز

قالي المشكله السيارات اللى تصل من خلال الوكالات للكويت اغلبها مصممه للخصوصي

والحل تذهب الى الكراج يبدل الولفات لتناسب ممتاز

وهذا كل ما فى الامر .

 

[حديث النفس]

# لازم نطرح هالسؤال في منتدى ميكانيكا السيارات !!

 

[eleanor67]

اخوي سيارات كل الكويتيين ما صارلها 10 سنين
لها بنزين خصوصى
ذا حطيت ممتاز مع المده تدخن .تدق ولفات. عزمها يقل وممكن بعضها صرفيه
اذا انت من النوع اللى يحافظ ع السياره .خصوصى
والا اشترلك جاﻻنت 99 او ميشوميشى 88 وقزرها ممتاز

 

[عبدالعزيز34]

بمــــــــــــا أن الســوق باجر
نرجـــــــــو من المشرف اغــــــــــــــــــلاق الموظــــــــوع

 

[بوعنتر]

عن طريق موقع شركة النفط تعرف سيارتك تحتاج اي نوع من الوقود
http://kuwaitfuel.knpc.com/user/en/one-page/Default.aspx

موقع النفط معطي عادي
والوكاله تقول خصوصي

 

[حديث النفس]

من رايي تسمع كلام الوكالة ..
لأن إذا السيارة إختربت ..

راح توديها إلى الوكالة .. وليس إلى شركة نفط الكويت !!

 

[سكر]

أعتقد على حسب قيمة السيارة

وهل تغليها أنا لا ماتفرق

الغالي للغالى لكن شوف الفرق بين الخصوصي والممتاز

على عموم فية أنزل من 91 وال 95 خصوصي

بينهم مو بالنظافة ابدا واليك الفرق :-

يشير رقم الاوكتان في البنـزين إلى مدى مقاومة البنـزين للانفجار المفاجئ بسبب زيادة الضغط داخل اسطـوانات المحرك,, فكلما زاد رقم الاوكتان زادت مقاومة البنـزين للانفجار .

تُحَدّدْ نسبة الاوكتان لكل محرك بحيث تكون هذه النسبة كافيه لمنع انفجار خليـط البنزين مع الهواء ( بسبب الضغط داخل الاسطوانة ) قبـل وصـول الشرارة فكلما نقصت نسبـة الاوكتان في البنـزين كلما زادت احتماليه الانفجار داخل اسطوانات المحرك قبل وصول الشرارة من البوجي ( وهذا يسبب حدوث أصوات خبط- فرقعه – داخل محرك السيارة ) , وكلما زادت نسبـة الاوكتان في البنـزين كلما قل احتمال حدوث انفجار الخليط داخل اسطوانات المحرك قبل وصول الشرارة من البوجي مما يوفر هدوء و انتظام في دوران المحرك بسبب حدوث انفجار الخليط في الوقت المناسب والمحدد له .

ماذا تعني أرقام الاوكتان ( 87 - 91 – 93 – 95 – 98 ؟

البنـزين ذو رقم الاوكتان 87 يعني أن مقاومته للخبط ( الفرقعة ) مثل مقاومـة بنـزين قياسي مكون من 87 % آيزو اوكتان والباقي 13 % هبتين عادي .

- البنـزين ذو رقم الاوكتان 95 يعني أن مقاومتـه للخبط ( الفرقعة ) مثل مقاومـة بنـزين قياسي مكون من 95 % آيزو اوكتان والباقي 5 % هبتين عادي .

أما البنـزين ذو رقم الاوكتان 100 فما فوق يعني أن مقاومته للخبط ( الفرقعة ) أفضل من بنزين مكون من آيزو اوكتان 100 %

[ أي أنه مكون من آيزو اوكتان نـقي ومركبات مانعه للخبط ( الفرقعة ) مثل مادة رابع ايثيل الرصاص ]

فالاحسن انك تشوف كتالوج السيارة وبتلقى فيه رقم الاوكتان المناسب لسيارتك .. !!

ملاحظة : إذا كان البنـزين التي تستعمله مناسب لسيارتك فان أي زيادة إضافيـة في نسبـة الاوكتان لن تفيد بأي شي لا زيادة في العـزم ولا توفير في البنـزين ..

 

[بوناصر56]

السلام عليكم ورحمة الله وبركاته - اسعد الله صباحكم - وبعـــــــــد
القرار وقـــع واصبــح بالواقـــــــع
امــــس ترست سيارتي بانزين خصوصي وماادراك ماالسعر 9 دنانيــــــــر وفوقهم 200 فلس - يعفل هاذا في بلدي الحبيـــــبه الكـــــــــــــــــــــــــــــــويت - حقيــــــــقه زياده كبيره بالسعر - وخصوصن اذا تترس كل يومين - معناها 140 دينار للبانزين امعنى اخر باليوم الواحد تصرف 4 دنانير وربع للبانزين فقـــــــــــــــــــــــط
وعليـــــــــــــه سوفا ترتفع جميع السلـــــــــــع واول ارتفاع حصل امس معاى
نساااف رمل من ميناء عبدالله الى شاليهات الدعمي بنيـــــــــــدر - المسافه لا تتعدا 20 كيلو
قبل اسبوع نفس النساف ونفس الشخص والزياده 10 دنانيز على السعر القديم -

اخيرا - هل البانزيـــــــــــــــــن الممتـــــــــــــــــاز يعوض عن البانزين الخصوصي وماالفرق بينهم -

اخوي يعتمد على نسبة الانضغاط في البستن
ابحث بالانترنت او كاتلوج السياره على نسبة الانضغاط لسيارتك وهي نسبة ضغط الهواء الى البانزين في البستن

اذا كانت من ١-١٠
فهي تتحمل بالكويت اوكتان ٩١ ممتاز

اذا كانت كن 1- مافوق ١٠ حتى ١٢
فهي تتحمل بالكويت اوكتان ٩٦ خصوصي
انا سيارتي 1-10.6 اخاف استهين بالنص الزايد واعبي ممتاز وتروح فيها سيارتي

اذا كانت من ١- مافوق ١٢
فهي تتحمل بالكويت ٩٨ الترا .

بامكانك تبحث بقوقل بهذه الطريقه
your car + model + compression ratio
او
نوع سيارتك + الموديل + نسبة الانضغاط

المراجع
1- نسبة الانضغاط وكيبديا -



٢- تعرف على بانزين سيارتك


٣-نسبة الانضغاط و اختيارك للبانزين