الحكومه ماتبي البورصه تصعد .. ولا انت تربح .. ولا ضخ سيوله .. اهيا قاعده تبيع

[N73]

صفقة امريكانا المفروض اقل اشي اسهم الخرافي دبل ...
واحنا من زمان عارفين الاسهم تصعد قبل الخبر ..
المفروض الايام هذي تشوفون اسهم الخرافي فوق مشلعه الي ان يطلع الخبر الرسمي ....

انا اشوف العكس صاير .. الاسهم ماقاعده تصعد تنطر الخبر الرسمي متي صارت من قبل هذي ...

اللي نعرفه اشتر علي الاشاعه وبيع علي الخبر ...

انا اشوف الناس ناطره الخبر ..
اوكي واذا طلع خبر رسمي بيع الشركه شراح يصير ....
مو قبل الناس اللي لها نفووذ تصعد السهم قبل الخبر الي ان يعلن بالسوق الرسمي ..
الحين محد راضي لا يشتري ولا شي ...
الحكومه ماتبي بورصه ماتبي الطبقه الوسطي

 

[بوعبدالله الصياد]

انت تتداول بالبورصه ؟؟

وايي كمان ؟؟

 

[بوعبدالله الصياد]

حاسس دماغك حيفرقع

وايييه كمان ؟؟

 

[نواخذة الكويت]

أووول آه من غير ما تؤؤل يا ألبي

 

[الراقي]

واحد عنده باص يشتغل فيه وهو مطلوب اكثر من سعر الباص
باع الباص واخذ الفلوس وسدد الدين اللي عليه
صار الحين ماعنده شغل وديون اقل
هذي اختصار صفقة امريكانا

 

[N73]

لازم يبيعون شركة زين ...
ضروووري .. مو مستبعد هالخبر

 

[ابومحمد 1920]

مافيه اعلان للصفقه حتى بيع الاجل وتكسير عظام صغار المتداولين

 

[بوعبدالله الصياد]

أووول آه من غير ما تؤؤل يا ألبي

صح المفروض مايقول ياقلبي

 

[بوعبدالله الصياد]

ولير شد حيلك

وجندعهم ، بالمسار من غير ماتقول آه ياألبي

نفس ماقال بويوسف

حيلك فيهم بالمسار واتجاه السوق

لاتاخذ كلمه هذا صار رخيص وهذا صار مرتفع

عينك على مسار السوق

بحاول اصيد قاعه اذا لاسمح الله وكسر 5393

 

[عندك سلف]

الاحتمالات عديدة لعدم تفاعل السوق مع صفقة أمريكانا المليارية:

1_ قد تكون الصفقة "صفعة" والخبر إشاعة للتعريف "اقول قد تكون" مع عدم إيماني بهذا الاحتمال.
لكن سوابق مجموعة الخرافي في مثل هذا التصرف كثيرة.
لذلك هذا الاحتمال موجود حتى لو كان ضعيف.

2_ احتمال يكون ورثة الخرافي "أبناء ناصر وأبناء جاسم" عليهما الرحمة. يبون يوزعون حلالهم.
وطالبين من الاستثمارات التسييل.

3_ احتمال أن تكون هناك تسوية بين مجموعة الخير والبنوك الدائنة .
وهناك نسبة خصم جيدة عند السداد النقدي.
لذلك المجموعة مستعدة للبيع الأسهم حتى لو بأسعار متدنية.

4_ الحكومة متمثلة في هيئة الاستثمار والتأمينات و المحفظة الوطنية قاعدين يخفضون من حصصهم لتغطية العجز.
خاصة أن البيع في الفترة القريبة الماضية تتركز في الأسهم القيادية.


عموما...أيا كان السبب ...فالأسعار الحالية أقل من القيمة العادلة لغالبية الأسهم...
وستعود لأسعارها العادلة طال الزمان أو قصر.

 

[رابح رابح]

مافيه اعلان للصفقه حتى بيع الاجل وتكسير عظام صغار المتداولين

كلامك صحيح بومحمد
.. قرار الآجل كشف قوة الرغبة للتجميع الشرس بالأسعار الحالية المتدنية جدا
.. حتى اذا تم اعلان صفقة امريكانا قد لايترتب عليها ارتفاع في حال عدم تجميع الكميات المطلوبة وقد يتأخر الارتفاع الى حين اعلان البيانات المالية التي تبين الاثر المالي خاصة بالبنوك واسهم مجموعة الخرافي واحتمال تكون بالبيانات المالية السنوية حسب توقيت استلام مبلغ صفقة امريكانا .
.. هذا اذا تمت الصفقة ولم تظهر مفاجئات جديدة .