البنك الدولي: زيادة أسعار البنزين في الكويت ستسهم في الحد من الازدحام وتلوث الهواء

[بوعنتر]

تفاصيل الخبر واضحه من العنوان ماله داعي اشغل القراء هنا بهبل وسخافة الخبر
هذا الكلام على اساس الكويتين ماكو شغل مايحبون القعده بالبيت ويستمتعون بالاجواء الجميله هذه الايام خصوصا فتره الظهيره والتجول بالشوارع وبين الانهار والمناظر الخضراء
وبعد هذا القرار الناس راح تقعد ببيوتها ومحد يطلع يجز ويفتر !!!

انا ازعم ان الغالبيه كرهت الطلعه والخروج بسبب الزحمه وما ودها بالخروج
لكن الخروج مجبر اخاك لابطل
مع التطبيق راح تشوفون زحمه عمركم ماشفتوها
واغلب الزحمه والتلوث سببها قرارت حكوميه فاشله وتفتقد لبعد النظر

 

[sportsaaad]

يقول مدير البنك الدعم الذي تقدمه الكويت للطاقة يمثل عبئا كبيرا على خزينة الدولة ؟ واستخدام الأدوات الكهربائية بصورة غير مسؤولة خصوصا مكيفات الهواء ؟ والدعم اللي والماليارات اللي تاخذونها من ثروات اعيالنا ما يشكل عبء كبير على موازنة الدولة في ظل وجود التقشف المالي ؟ من الطبيعي نستخدم المكييف بشكل كبير ، لان ما جرب حر الكويت درجه الحراره من 45 بالمساء و60 بالنهار ؟ حتى البعارين ما تتحمل ؟ بدولهم لو توصل الحراره 30 قالوا حر شديد ؟

http://www.alaan.cc/pagedetails.asp?nid=257010&cid=30#.V6d-RxLW20s

 

[الراقي]

الكويت من احر دول العالم هذي المعلومة الكل يعرفها
لكن هذا لايسمح في الاسراف
لاسف الكثير من الكويتين يشغل التكيف وهو مسافر طول الصيف علشان الاثاث لايخترب او طوفة ماتشقق
لازم نعترف عندنا اسراف كبير
تروح صلاة الفجر تشوف الماء يخرج من اغلب البيوت ويروح لشارع ومتى ماقامو من النوم سكرو الحنفية
ويقول لك عادي ماي صليبي
حنا قبل ما نكون كويتين حنا مسلمين ودينا ينهانا عن التبذير والاسراف

 

[السور]

ليش البنك الخرونغي مايتكلم عن المليارات من فلوس الشعب والفوائض اللي تخزن بالبنوك الامريكية وليش ما يتكلم عن التبرعات الخرافية للدول اللي حتي ما انعرف اسمها ولا انعرف مكانها علي الخريطة و ليش ما يتكلم عن عدد اللي الوافدين اللي صاروا عبئ علي الدولة وعلي المواطن

يا خرونغ اذا بتخفف الزحمة فكر اشلون تقلل الوافدين والبطالة المقنعة اللي بالشارع مو ازيد اسعار البانزين
علي الشعب الكويتي


البنك الدولي مثل الجوتي القديم اذا بيطقون فيه احد طلعوه من الكبت

 

[sportsaaad]

الكويت من احر دول العالم هذي المعلومة الكل يعرفها
لكن هذا لايسمح في الاسراف
لاسف الكثير من الكويتين يشغل التكيف وهو مسافر طول الصيف علشان الاثاث لايخترب او طوفة ماتشقق
لازم نعترف عندنا اسراف كبير
تروح صلاة الفجر تشوف الماء يخرج من اغلب البيوت ويروح لشارع ومتى ماقامو من النوم سكرو الحنفية
ويقول لك عادي ماي صليبي
حنا قبل ما نكون كويتين حنا مسلمين ودينا ينهانا عن التبذير والاسراف

بالماي اتفق معاك يوجد هدر كبير وهذي المشكلة نعاني منها من قبل عشرات السنين وللاسف اغلب المستأجرين ما يحرص على الماي لان الفاتوره على المالك خصوصاً سكن العماله في سكن العزاب وغيرها المفروض اصحاب المكاتب العقاريه والمشرفين في ادارة املاك الغير تحرص على هذه النقطه وتجعل الكهربا والماي على المستاجر وليس المالك .

 

[عبدالله2]

وهالبنك الدولي حاط دوبه دوبنا

هاد شغله كله ومقابلنا كل فترة والثانية

داز لنا تقرير ....

 

[الراقي]

وهالبنك الدولي حاط دوبه دوبنا

هاد شغله كله ومقابلنا كل فترة والثانية

داز لنا تقرير ....

باجر يقول الكويتين متان بسبب عيش التموين

 

[نصوح]

باجر يقول الكويتين متان بسبب عيش التموين

ههههه . حلوة يا بوعبدالله
ولا باجر يقولون ليش كل كويتي صافط عند بيته
أكثر من سيارة .. ليش هالأسراف

 

[ساروق الحديد]

من هو البنك الدولي ولماذا يبعث تقارير للدول عن حالتها :

البنك الدوليهو أحد الوكالات المتخصصة فيالأمم المتحدةالتي تعنى بالتنمية. وقد بدأ نشاطه بالمساعدة في إعمار أوروبا بعدالحرب العالمية الثانيةوهي الفكرة التي تبلورت خلال الحرب العالمية الثانية في "بريتون وودز" بولاية نيو هامبشير الأمريكية، ويعد الإعمار في أعقاب النزاعات موضع تركيز عام لنشاط البنك نظرا إلى الكوارث الطبيعية والطوارئ الإنسانية، واحتياجات إعادة التأهيل اللاحقة للنزاعات والتي تؤثر على الاقتصاديات النامية والتي في مرحلة تحول، ولكن البنك اليوم زاد من تركيزه على تخفيف حدة الفقر كهدف موسع لجميع أعماله. ويركز جهوده على تحقيق الأهداف الإنمائية للألفية التي تمت الموافقة عليها من جانب أعضاء الأمم المتحدة عام 2000، والتي تستهدف تحقيق تخفيف مستدام لحدة الفقر.[1]

مجموعة البنك الدوليهي مجموعة مؤلفة من خمسمنظماتعالمية، مسؤولة عنتمويلالبلدان بغرض التطوير وتقليل الفاقة، بالإضافة إلى تشجيع وحماية الاستثمار العالمي. وقد أنشئ معصندوق النقد الدوليحسب مقرراتمؤتمر بريتون وودز، ويشار لهما معاكمؤسسات بريتون وودز. وقد بدأ في ممارسة أعماله في27 يناير1946. المقالة طويلة ........... المقصد هو لا يراقب الكويت فقط بل دول العالم كله ( ماسوني اصلي )
المصدر يوكيبديا

 

[سوق الاوراق]

السلام عليكم
البنك الدولي وما ادراك ما البنك الدولي !!!!!!
زيادة البنزين ثم زيادة الكهرباء والماء ثم الغاء التموين ثم تخصيص الصحة ثم التربية .وتخصيص جميع القطاعات ...... الخ
يعني الدولة لها دخل صافي من البترول ويتم توزيع الدخل بالتساوي بين عشر الى عشرين عائلة وعلى جم واحد ملسون .......
زيادة الرسوم واقع ملموس وتخصيص القطاعاات واقع فعلي ،،،،،،
تعالو نشوف شنو اللي صاير بالضبط لنعرف شلون تتم السرقات . المسآلة مو مسآلة زيادة الدخل عن طريق رفع الدعوم او اصدار قوانين ............،
خلونا نضرب امثلة بسيطة ........
١- عندنا مستشفيات باحدث التقنيات بالعالم ..... قانون الضمان الصحي للمتقاعدين كل واحد متقاعد تكلفة علاجه ١٥ الف دينار عاد شوفو جم التكلفة الاجمالية !!!! مع ذلك تظل ميزانية الصحة اعلى من السنوات السابقة !!! واحدث المستشفيات والاجهزة بالعالم حق الوافدين .
٢- محطات الوقود تم تسليمها باليد مع البنية التحتية حق عدد محدود جدا جدا من الاشخاص والحين يبون يزيدون السعر يعني تزيد نسبتهم ايضا ،،،،،،
٣- تدرون بان رسوم اذن العمل حق الكويتي وغير الكويتي بالقطاع الخاص من ٥ دنانير الى ٥٠ دينار .
٤- تخصيص الكويتية ..... يبون يخصصون الكويتية يالله مو مشكلة لانها تحقق خسائر جسيمة .....بس تعالو نشوف ليش نسوي لهم مطار جديد بالمليارات ؟؟؟؟؟؟؟؟؟؟؟؟؟؟؟
٥- الشركات المنفذة لمشروع جابر انجزت المشاريع المتنوعة وتم استلام المشاريع من قبل الجهات الحكومية وتلك المشاريع فضحت الشركات والجهات الحكومية معا ،،،، لما فيها من تجاوزات فنية وتقنية وسرقات ......!!! وعاقبتهم السكنية بوقف التقدم للمناقصات لمدة سنة شوفو العقاب والاستهبال ،،، اكيد مستعدين لتنفيذ القرار بحذافيره لان المشاريع القادمة بعد سنوات وعادي يتقدمون لها ...... ولا بعد شوفو الهبل شركة كورية تبني جنوب سعد العبدالله ليش مالهم وكيل كويتي يستفيد من هذه الصفقة مثلا .
ولا بعد تم ترسية المطار لنفس الاشخاص !!!!؟؟؟؟؟
شنو تبوني اقول اللستة طويلة جدا كلها سرقات وتلاعب بالقوانين مافيا تسيطر على الكويت ....... شيوخنا ساكتين مو من طيبهم في شي قاعد يصير تجبرهم على السكوت ... البطانة الفاسدة قاعدة تغلط المعلومات وتوصلها بشكل محرف لاهل الحل .......!!!!!
حان وقت تدخل الاسرة الحاكمة وحان وقت تدخل الامير حفظه الله ورعاه لان العملية اصبحت كبيرة جدا جدا وضخمة جدا جدا والنهاية غير سعيدة ابدا يجب قطع يد العابثين بالكويت وشعبها .....

بالنهاية اقولكم استعدو واربطو الاحزمة القادم اعظم ( زيادة اسعار الوقود تفجر الكويت ومافيها من كل الخدمات والدينار احسبه ١٠٠ فلس )

 

[سوق الاوراق]

السلام عليكم
قبل شوي شفت موضوع المواشي وتذكرت شي .......

نسينا المواشي واللحوم قمنا ناكل الدواجن ..............!!
السئوال هل الحكومة للحين تدعم المواشي ؟؟؟؟؟
ليش ما يوقفون دهم المواشي اسوة بالبنزين علشان تزيد دخل الكويت وتترك مجال للمنافسة بين الشركات !!!!!!
ولا للحين اللحم الجايف اللي جنه بلاستيك بسعره الخيالي يتم دعمه على اساس سلعة استراتيجية ؟؟؟؟؟؟؟

 

[سوق الاوراق]

السلام عليكم
العجز تقريبا ٦ مليار ويقولون برفع البنزين الكويت تقدر تغطي جزآ كبير من العجز .......
وبرفع البنزين المواطنين يعجزون عن تغطية حاجاتهم .... ونبدا بفيلم زيادة الرواتب والمطالبات وتضطر الحكومة للزيادة وترتفع الاسعار مرة اخرى وندخل بنفق التضخم .....
بينما وقف حرامي واحد عن المناقصات اللي ياخذها بسنة وحدة فقط نقدر نغطي العجز !!!!!!!!!!!
بس ماحد للحين قالنا من وين المشاريع المليارية وسلة القوانين المطروحة بقمة تفاقم العجز .............!!!؟؟؟؟؟؟؟؟
شي يضحك فعلا ..... قاعد اقول لو تم زيادة البنزين سندخل بنفق ما نخرج منه الا بعجز ما نقدر نطلع منه وهذه نتيجة حتمية واساسية ومرتبطة بارتباط وثيق مع مصدر الطاقة المحرك الاساسي لكل الانشطة والصناعة والنقل والاجور ..... الخ