لو خيروك!!!

[qw80]

السلام عليكم ورحمة الله,,,

بعد متابعة السوق الكويتي للاسهم لمدة 6 اشهر تقريبا... هذا السؤال تبادر لذهني!!!...

لو خيروك باعطائك رأس مالك كاملا هل تضارب او تستثمر في السوق الكويتي؟

واذا الإجابة بلا... اين تتجه؟

الغرض من السؤال هو ان السوق الكويتي في حالة غيبوبة... تحس ان ليس هناك صانع سوق او مستثمرين يرون ان هذه الأسعار فرص تستحق الاقتناص... بعد التدقيق في سوق له تاريخ رأيت ان الأسهم القيادية تتداول بدولار او دولارين بأقصى حد وان اغلب الأسهم اقل من ربع دولار وهي تدير استثمارات بملايين الدنانير!!!

هل السوق الكويتي ينتظر انتفاضه في المعايير والقوانيين والتحرر من قبضة بعض من يرفعون شعار الشركة شركتنا والسوق سوقنا... وأسعار الأسهم نحن نتحكم بها أولا واخرا؟!!

 

[BOAHMAD]

تعطيني راس مالي ؟؟؟؟
والله وبالله ماتشوف غير غبرتي

اركض وماالتفت وراي

 

[adel8877]

ما اعتقد ان اللي انقرص من السوق يرجع له مرة ثانية .

 

[سرور]

الحمدلله مازلت رابح بالسوق
واللي يحط باله ويوخر عن الأسهم العفنة راح يحقق ربح
وحاليا اشوف السوق فرصة كبيرة للي يفكر يحقق ثروة

 

[السعد محمد]

وين نروح

 

[البيروتي]

عطنى راس مالي واذا شفتنى مريت من الشارع اللي صوب البورصه
تعال حاسبنى

البورصه الداخل فيها مفقود الخارج منها مولود

 

[بوعنتر]

السلاام اخي المحترم
موضوعك ليس من السهل الاجابه عليه لكن هذي ارزاق بيد الرحمن

بس بجاوبك من تجربه عن طريق المضاربه تسجل هدف ويدخل عليك هدف هكذا اللعب سجال هههههههه
بس لازم تعرف ان الجمهور ضدك والحكم ضدك والملعب ضدك (والعارضة ضدنا)

فى النهايه تكتشف لو مستثمر احسن لك بدل المجهود مع ان بعض الاحيان الجزء المضاربي بالمحفظه يعوض خسائر الجزء الاستثماري والعكس صحيح
لكن كمحصله لن تعرف القاع ولن تعرف القمة
بعباره اخرى السوق الكويتي من 2006 الى اليوم فى نزول ...صحيح 2008 سجلنا قمه تاريخيه ولكن لو تتعمق فيها تجدها ارتفاع تصريفي قبل الهروب الكبير والى اليوم ندفع ثمن هذا الارتفاع الجنوني وعلى فكره معظم من ساهم فى هذا الارتفاع خارج السوق !! (صرفو ورق وطارو بالفلوس )


باختصار
طالما الاسهم عند الصغار فالسوق فى نزول ومايعرف غير النزول لو النفط يوصل 1000
الاسهم عند الكبار مع وجود سيوله عند الصغار فالسوق الكويتي هو الافضل والاقدم بالمنطقه والشركات الكويتيه واعده !!!!

 

[البيروتي]

وين نروح

والله لو تشتري لك غنم وتحط لك صبي ابرك مليون مره من استثمار البورصه
على الاقل حلالك جدامك

ولا رزالة البورصه ومره شركه مفلسه ومره شركه منسحبه

دار الاستثمار من الشركات العملاقه
شركة جلوبل من الشركات العملاقه

هذي الشركات كن اسمع الشيبان يسولفون يقولون حط فلوسك فيهم ولا تحاتى

المال عديل الروح

وعن نفسي ما اشوف بالسوق الكويتى مقومات الصعود
وممكن نشوف البورصه تنزل اكثر واكثر

والله اعلم

 

[بوعنتر]

نسيت اجاوبك
فى شركات بره البورصه فى عز الازمات توصل توزيعاتها 100 %
و200% نقدي !!!

لو يعطوني اسهم فيها مستعد اصفي المحفظة بالخساره وادش فيها اجل

 

[البيروتي]

الحمدلله مازلت رابح بالسوق
واللي يحط باله ويوخر عن الأسهم العفنة راح يحقق ربح
وحاليا اشوف السوق فرصة كبيرة للي يفكر يحقق ثروة

خل الاسهم العفنه تولي

شوف البنك الوطنى كم كان سعره والحين كم 630 فلس
بيتك 470 فلس
صناعات 110
كابلات 415
سكب ك 184
المخازن 495
زين 350

هذي الشركات اغلبها كانت اسعارها فوق الدينارين والثلاث دنانير

الحين اسعارها بالحضيض وممكن تنزل اكثر واكثر

لان سوقنا ما فيه مقومات الصعود

كل اللي صار باختصار ( مبالغ ضخمه دخلت المنطقه وارفعت كل شي )
ارفعت السوق الكويتى الى 15 الف نقطه حتى الاسهم الدايخه ارتفعت بدون مبرر
السوق السعودى وصل 22 الف نقطه
اسعار الاراضي والبيوت ارتفعت ارتفاع جنونى
المزارع والجواخير والشاليهات ارتفعت
النفط وصا 150 دولار
كل هذا صار من سنة 2003 الى 2008

والناس للحين عايشين على امل نشوف الفلم يتكرر

وانا عن نفسي اشوف ارقام فلكيه بس بالنازل

والله اعلم

 

[حمد44]

والله أبيع بنك بالدوار أو
احط فلوسي تحت الزوليه مثل جدتي
ولا أدخل هالسوق الفاشل
بس حسافه مدبسين لي النخاع

 

[الحياد فن]

شدني العنوان -لو خيرووك

اولا الانسان لايستطيع أختيار رزقه

ثانياً انبهرت من حجم التشاؤم الموجود بالردود

انا عن نفسي
صفيت كل شي عندي ودخلت بأسهم ذات عائد سنوي

فلنفرض عندك عمارة قيمتها السوقيه مليون دينار ودخلها الشهري ٦ الالاف دينار سنوياً دخلك ٧٢ الف دينار
مع ان هذا الافتراض صعب

تبيع العماره وتشتري سهم تسهيلات بالنازل يعطيك ١٥ فلس
سعر السهم ١٨٠ فلس يطلع عندك ٥.٥ مليون سهم
يعني سنوياً اقل شي تستلم ٨٢ الف
وحط في بالك المبلغ يجيك طقه وحده
لاتصليح ولا ازعاج مؤجرين ولاكهرباء ولا ماء
ينزل السهم او يصعد ماراح تبيع

هذا السبب سيكون هو السبب الرئيسي لنزول العقار

الدخول الان دخول استثماري بحت لعدة سنوات

 

[رابح رابح]

في مثل يقول :
اللي يغدر فيك مرة
... يغدر فيك امية مرة

- في مجموعة من المتداولين اللي يسلم بجلدة يوخر.

- وفي مجموعة مثلنا مصابين بادمان البورصة مايقدرون يصبرون التداول بالنسبة لهم تحدي لان السوق يشكل العالم بالنسبة له واذا وقف عن التداول يضيع .

والكلام يتغير اذا ارتفع السوق الاغلبية تواصل تداولها وسط حمى الارباح.

 

[السعد محمد]

والله لو تشتري لك غنم وتحط لك صبي ابرك مليون مره من استثمار البورصه
على الاقل حلالك جدامك

ولا رزالة البورصه ومره شركه مفلسه ومره شركه منسحبه

دار الاستثمار من الشركات العملاقه
شركة جلوبل من الشركات العملاقه

هذي الشركات كن اسمع الشيبان يسولفون يقولون حط فلوسك فيهم ولا تحاتى

المال عديل الروح

وعن نفسي ما اشوف بالسوق الكويتى مقومات الصعود
وممكن نشوف البورصه تنزل اكثر واكثر

والله اعلم

ما نعرف للغنم
ولا تجارة ممتازة وافضل حتى من العقار

 

[السعد محمد]

سهم الافكو .. قبل الازمة سعره بين 200 الى 250
وزع ارباح ومنح افضل من العقار وصل الى 400 فلس في فترة من الفترات
وحتى الان وهو ممتاز .

 

[Abdullah2626]

شدني العنوان -لو خيرووك

اولا الانسان لايستطيع أختيار رزقه

ثانياً انبهرت من حجم التشاؤم الموجود بالردود

انا عن نفسي
صفيت كل شي عندي ودخلت بأسهم ذات عائد سنوي

فلنفرض عندك عمارة قيمتها السوقيه مليون دينار ودخلها الشهري ٦ الالاف دينار سنوياً دخلك ٧٢ الف دينار
مع ان هذا الافتراض صعب

تبيع العماره وتشتري سهم تسهيلات بالنازل يعطيك ١٥ فلس
سعر السهم ١٨٠ فلس يطلع عندك ٥.٥ مليون سهم
يعني سنوياً اقل شي تستلم ٨٢ الف
وحط في بالك المبلغ يجيك طقه وحده
لاتصليح ولا ازعاج مؤجرين ولاكهرباء ولا ماء
ينزل السهم او يصعد ماراح تبيع

هذا السبب سيكون هو السبب الرئيسي لنزول العقار

الدخول الان دخول استثماري بحت لعدة سنوات

عجبتني طريقتك بالاستثمار
عطنا جم سهم من طقت تسهيلات ... ولك الشكر

 

[رابح رابح]

عجبتني طريقتك بالاستثمار
عطنا جم سهم من طقت تسهيلات ... ولك الشكر

بواحمد .. ادنك ومدار

 

[بوعنتر]

في مثل يقول :
اللي يغدر فيك مرة
... يغدر فيك امية مرة

- في مجموعة من المتداولين اللي يسلم بجلدة يوخر.

- وفي مجموعة مثلنا مصابين بادمان البورصة مايقدرون يصبرون التداول بالنسبة لهم تحدي لان السوق يشكل العالم بالنسبة له واذا وقف عن التداول يضيع .

والكلام يتغير اذا ارتفع السوق الاغلبية تواصل تداولها وسط حمى الارباح.

ادخل عملات سوق 24 ساعه وتيب راس المدمن !.

 

[رابح رابح]

ادخل عملات سوق 24 ساعه وتيب راس المدمن !.

الله يعطيك العافيه اخوي بوعنتر على الموضوع لنقاش الاحتمالات السلبية
الفوركس وطريق جديدة غريبة عجيبة لنهب الاموال بطريقة منظمة او غير منظمة من قبل جهات غير منظمة وليس لديها ضوايط ولاضمانات للاسف .
والضحايا عددهم مهول وخسائر غير منظورة بالمليارات
والمطالبة القانونية باستعادتها تكون ضرب من الخيال يعجز عنها الادوات القانونية المتاحة لدينا
وهذا الكلام يشمل الشركات المدرجة ايضا