من المستفيد من صفقة امريكانا

[سالم علي علي]

السلام عليكم كم ملكيه شركات الخرافي المدرجة في سوق الكويت للاوراق الماليه في شركة الكويتية للاغذيه(امريكانا)
وياريت الادارة ماتشطب الموضوع لانه حيل محتاجينه بالوقت الحالي وشكرا

 

[دايــم]

تبي الجد !
المستفيد الاول فقط لاغير
الوطني والخليج وبيتك
هذا الفعلي
اما النفسي
شركات الخرافي

 

[عبدالله2]

المستفيد الاول :- شركة الخير

وهي شركة عائلية مملوكة لعائلة الخرافي

مع التحية

 

[الراقي]

كل السوق مستفيد وسبب
اذا تم فك اسر شركات الخرافي طبيعي راح ترتفع وراح ترتفع كل الشركات وتدخل سيولة الى السوق تغير الوضع الى الافضل
الخير راح يعم على الجميع

 

[المسهماني]

من المستفيد من الصفقة الشباب ماقصروا الشباب من تم الاعلان عن الصفقة وهم يذكرون و بشكل شبه يومي من المستفيد

فتح صفحة جديدة كلامك يوحي بانك تملك معلومة مؤكدة باتمام الصفقة بشر اخوانك بالمنتدى يستاهلون اكيد الاستفادة بتكون على السوق الكويتي ككل مع فارق النسبة بين القروبات والشركات

 

[دايــم]

كل السوق مستفيد وسبب
اذا تم فك اسر شركات الخرافي طبيعي راح ترتفع وراح ترتفع كل الشركات وتدخل سيولة الى السوق تغير الوضع الى الافضل
الخير راح يعم على الجميع

ممكن توضح لي هالجزئيه ؟؟
الاسيره هي شركة الخير
وهي غير مدرجه ؟
ابي توضيح

 

[Vanilla chay]

سهم زين

 

[سالم علي علي]

كم تبلغ ديون الخرافي وشكرا علي ردودكم

 

[Vanilla chay]

الاستثمارات والكابلات والساحل وسكب ... يملكون في سهم امريكانا

 

[الراقي]

ممكن توضح لي هالجزئيه ؟؟
الاسيره هي شركة الخير
وهي غير مدرجه ؟
ابي توضيح

الاسير هو مجموعة الخرافي كاملة تملك في بعضها واغلبها اسهم مرهونة عند البنوك واذا تحرر الرهن تحررت كل الشركات
مثال الاستثمارات الوطنية تملك ٣٥٪‏ في الدانة مرهونة عند بنك برقان والبنك طالب على فك الرهن ١٧٠ فلس
وشركة ماعندهم يدفعون لبنك فيحاولون يخفون ارباح الدانة حتى لايرتفع السعر والبنك يسيل الاسهم
المجموعة عايشة تحت ضغط كبير ولوترجع الى شركات المجموعة راح تجد كل واحدة له قصة بروح

 

[Vanilla chay]

الاسير هو مجموعة الخرافي كاملة تملك في بعضها واغلبها اسهم مرهونة عند البنوك واذا تحرر الرهن تحررت كل الشركات
مثال الاستثمارات الوطنية تملك ٣٥٪‏ في الدانة مرهونة عند بنك برقان والبنك طالب على فك الرهن ١٧٠ فلس
وشركة ماعندهم يدفعون لبنك فيحاولون يخفون ارباح الدانة حتى لايرتفع السعر والبنك يسيل الاسهم
المجموعة عايشة تحت ضغط كبير ولوترجع الى شركات المجموعة راح تجد كل واحدة له قصة بروح

نفس سهم زين .. كل الخرافي اسهمهم مرهونه بزين .. والوطني صاير اكبر مساهر غير مباشر بالوطني .. ممكن بعد الصفقه بنشوف سهم غير عن ماكان عليه ... والامور تتعدل ونتنفس

ماباقي الا القليل

 

[Vanilla chay]

سهم زين 4 مليار سهم ... والسهم قيمته 350 فلس ...
سهم زين مقابل مليار كويتي تشتري الشركه بكبرها ... اتوقع بعد ماتم صفقه امريكانا السهم راح يرتفع لان الرهونات خلصنا منها وممكن صفقة بيع الابراج وبنشوف اتوقع 500 فلس

 

[عندك سلف]

أول المستفيدين:
البنوك "الوطني وبيتك و غيرهم" يطالبون مجموعة الخير

ومجموعة الخير راهنة اسهم امريكانا وزين والكابلات والاستثمارت وغيرها عند هذه البنوك

ومجموعة الخير تخلفت عن سداد ديونها بعد الازمة العالمية

فالبنوك اخذت مخصصات عن هذه المديونية

في حال تمت الصفقة وبسعر مناسب
البنوك ستحرر الرهن وتسترد اموالها وتعكس المخصصات وتسجلها كأرباح


ثاني المستفيدين:
شركات الخرافي وهي كثير بعضها مدرج والبعض الاخر غير مدرج
لانها ستحصل على كاش عالي مقابل الصفقة

والاستفادة تتفاوت من شركة الى اخرى
وتعتمد الاستفادة على عاملين اساسيين
هما:
1_كمية الاسهم التي تملكها في شركة امريكانا
2_ تكلفة اقتناء سهم امريكانا في دفاتر كل شركة من هذه الشركات

ثالث المستفيدين:
بقية ملاك شركة امريكانا "غير الخرافي"
وهذه الشريحة فائدتها قليلة لان حصصها قليلة


ملاحظة مهمة: هذه التوقعات مبنية على فرضية ان الصفقة تامة وبسعر اعلى من السعر السوقي الحالي

 

[عندك سلف]

عندي اقتراح...


اذا في واحد يملك حصة ولو بسيطة في امريكانا يروح حق المقاصة ببرج احمد بالدور الخامس


ويطلب كشف مساهمي الشركة

راح يعطونه الكشف بشرط انه يطالع الكشف وهو قاعد عندهم ويرجع الكشف بدون ما يصوره!

الفكرة انه يحفظ اول خمس شركات وشكثر تملك تقريبا

ويعطينا فيها ارقام تقريبية

 

[دايــم]

الاسير هو مجموعة الخرافي كاملة تملك في بعضها واغلبها اسهم مرهونة عند البنوك واذا تحرر الرهن تحررت كل الشركات
مثال الاستثمارات الوطنية تملك ٣٥٪‏ في الدانة مرهونة عند بنك برقان والبنك طالب على فك الرهن ١٧٠ فلس
وشركة ماعندهم يدفعون لبنك فيحاولون يخفون ارباح الدانة حتى لايرتفع السعر والبنك يسيل الاسهم
المجموعة عايشة تحت ضغط كبير ولوترجع الى شركات المجموعة راح تجد كل واحدة له قصة بروح

وين ملكية الاستثمارات

بعدين ،، استفسار
وين الرهن بملكيات شركات الخرافي ؟
كل الرهن هو ملك لشركة الخير للاسهم
بكل شركات الخرافي

 

[دايــم]

لازلت عند رايي قبل اكثر من سنه
الاستفاده الفعليه هي للبنوك الثلاثه
واذا راح يستفيد السوق ؟ راح يكون عن طريق الشركات اللي تملك بالبنوك
واذا البنوك حولت السيوله لاقتناص الفرص بالسوق ،، راح يتم الاستفاده

الاستفاده النفسيه راح تكون لقروب الخرافي

 

[دايــم]

لا تقيسون صفقة بهارتي نفس صفقة امريكانا
شتان بين الاثنان
الفرق شاسع

وانتم بكيفكم

 

[الراقي]

وين ملكية الاستثمارات
مشاهدة المرفق 250134


بعدين ،، استفسار
وين الرهن بملكيات شركات الخرافي ؟
كل الرهن هو ملك لشركة الخير للاسهم
بكل شركات الخرافي

شفت ملكية الصفوة تم الاستيلاء عليها لاستثمارات الوطنية اللي عن طريقها تم السيطرة على مجلس الادارة
وبكل سهولة تم اعلان افلاس الصفوة وتم اكل فلوس ملاك الصفوة
شركة الخير هي شركة الخرافي عندما طلبو قروض من البنوك حطو اسهمهم رهن واول شي ملكيتهم بزين

 

[دايــم]

شفت ملكية الصفوة تم الاستيلاء عليها لاستثمارات الوطنية اللي عن طريقها تم السيطرة على مجلس الادارة
وبكل سهولة تم اعلان افلاس الصفوة وتم اكل فلوس ملاك الصفوة
شركة الخير هي شركة الخرافي عندما طلبو قروض من البنوك حطو اسهمهم رهن واول شي ملكيتهم بزين

اجل اللي اخذو ملكية الصفوه هي شركة الخير وليس الاستثمارات
وراح تشوف الاسم اذا حدثت البورصه الملكيات ،

الشركات العائليه الكبيره ، هي من تتملك بالسوق
الخرافي = الخير
سالم العلي = الشرق القابضه
ابناء الامير = الفتوح القابضه
ابناء امير القلوب = مجاص
ورثة احمد = الاحمديه
وهكذا

 

[الراقي]

اجل اللي اخذو ملكية الصفوه هي شركة الخير وليس الاستثمارات
وراح تشوف الاسم اذا حدثت البورصه الملكيات ،

الشركات العائليه الكبيره ، هي من تتملك بالسوق
الخرافي = الخير
سالم العلي = الشرق القابضه
ابناء الامير = الفتوح القابضه
ابناء امير القلوب = مجاص
ورثة احمد = الاحمديه
وهكذا

بوتركي شركة الخير راح تختفي وراح يتوزع الورث بعد صفقة امريكانا يعني راح تشوف عيال ناصر الخرافي لهم شركات وعيال جاسم الخرافي لهم شركات وباقي الاخوان والخوات لهم شركات
وتذكر يوم من الايام اني قلت لك المشتري لامريكانا هم عيال ناصر الخرافي والشركة هذي مجرد واجهة
ومليارات الشركات الكويتية اللي تم الاعلان عنها انها طارت وتبخرت في الازمة كلها موجودة في دبي واصبحت دبلات
الحكومة كانت تعلم ان مافي خسارة وكل لعب بلعب