حبايبنا شخباركم حبيت اسال سؤال اذا ممكن

[السهم الماسى]

شرايكم باستخدام الimat وشنو افضل الانواع والمميزات والعيوب وشنو افضل شركة للاتصال الوطنية والا الهواتف لانى بصراحة متوهق بالدوام والوسيط االلى بالسوق نجلى مايرد وودى اسوى اشتراك ببنك الكويت والشرق الاوسط وابيع واشترى اطربونى بااراكم وخبراتكم اذا سمحتوا
اخوكم السهم الماسى ودمتم ودمتم دمتم سالمين

 

[splendid]

هلا فيك اخوي السهم الماسي

انا جربت استعمال ال Imate , افضل واحد فيهم ال jam , صغير وخفيف وفيه كل مميزات الاي ميت الكبير لكن كجهاز تلفون مو عملي وايد

اكبر عيب في الاي ميت اذا خلصت بطاريته يتفرمت من نفسه , يعني دير بالك على شحنه دايما

انا سمعت ان ال jam اليديد اللي لونه اسود فيه Wi Fi

 

[boalons]

تفضل هالروابط ان شاء الله تستفيد

http://www.indexsignal.com/vb/showthread.php?t=34226&highlight=%C7%E1%C7%ED%E3%ED%CA

http://www.indexsignal.com/vb/showthread.php?t=21086&highlight=%C7%E1%C7%ED%E3%ED%CA

 

[السهم الماسى]

شكرا يا اخوان على الردود انا دخلت على هالروابط واغلب الناس ما تمدح استخدامة شالحل يا جماعة انا بالدوام وممنوع ادخل الكمبيوتر وبالنسبة حق اشتراك بنك الكويت والشرق الاوسط عيبهم مايردون تلفون كلة مشغولة وهذى اسهم الثوانى محسوبة على شالحل يعنى اقدم استقالتى من الدوام واروح اجابل البورصة واللة افكر اضبط الهندى بياع العصير واشترية تلفون واقول حبيبى انتا بروكر مال انا معلوم صديق

 

[Bo Tasneem]

قدّم استقالتك .. وشوفلك شركة فيها كمبيوتر هااهاهاه

حبيبي .. الموبايل والانترنت اللي فيه ما يوفّي حقك بالأسهم .. يبيلك DSL 128 أقل شي صراحة .. والموبايل طبيعي مايوفّي اسأل مجرّب !! من ناحيتي عندي i mate JASJAR .. ويبيله وقت علشان تنزله البرامج اللي اتساعد في التصفح الطيّب لأنه مازال فيه عيوب في التصفح .. بس يمشّي الحمدلله وعندي كمبيوتر في الدوام والانترنت يعجبك نياهااها


بوتسنيم​

 

[boalons]

في حل يا اخوي

اخذ الايميت وتابع فيه السوق من موقع البورصة , وبخصوص اي شركة يمدحون الوطنيه لكن انا عندي الاتصلات ومشي حاله مع الايميت

وافتح حساب بمكتب دلاله بالسوق او الاوسط , متداول , ايفا .... الخ

يعني مالك الا تبيع وتشتري عن طريق الاتصال بالتلفون

بس اهم شي اتعب عالوسيط الي يرد مو الي يطنش

وموفق