شركة تيماس العقارية

[chess122]

السلام عليكم
لو تكرمتوا ياأخواني ممكن أحد يفيدني بخصوص شركة تيماس العقارية حيث أنني شريت حصة بمبلغ ٧٠٠٠ دينار على أن يدفعوا لي ربح شهري والأن قالوا لي أنهم سوف يتداول سهم الشركة بشهر ١٠ أكتوبر القادم فأعطوني الخيار بأن أستبدل أموالي عندهم بأسهم رجاء الرأي وجزاكم الله كل خير

 

[ابومحمد 1920]

ياخوى انا دقوا على وعرضوا على ربح شهرى ٩٠٠دينار مقابل شراء شقه بتركيا بمبلغ ٤٠ الف وصراحه خفت من عملية النصب لان كلامهم متناقض مره قالوا ٩٠٠ ومره قالوا ٨٠٠ اذا كانت الشركه فى السالميه

 

[ضحية جراند]

شركات نصب واحتيال

 

[مطفي]

الحذر الحذر ... يا شباب من الشركة هذي نصب واحيتال يغرونك بالارباح ... الحذر ... بالعربي طمع حق المصيدة

 

[chess122]

شكرا للجميع طيب شنو تنصحون اهم دقوا علي اليوم وقالوا الفلوس بتصير أسهم وسعرها ١٠٠ فلس وأكدوا لي بأن السهم خلال ٥ أشهر بيصير ب ٤٠٠
شباب بس للعلم تراني على قد الحال و السبع ألاف أهي مل ماأملك لو تكرمتوا أرجوكم أبي كلام مؤكد عشان ماأتحسف بعدين

 

[ابوسارونه]

حرامييييه
اخذ فلوسك بالحيله ... قول ابيها بسدد قرض علشان آخذ اكبر منه وادخل عندكم 30 الف وبيين لهم أنك فعلا متشيش وماتبي تطوف الارباح وان السالفه عاجبتك .. واشفط لهم لاخذيت فلوسك

 

[ابوسارونه]

• ياخوى انا دقوا على وعرضوا على ربح شهرى ٩٠٠دينار مقابل شراء شقه بتركيا بمبلغ ٤٠ الف وصراحه خفت من عملية النصب لان كلامهم متناقض مره قالوا ٩٠٠ ومره قالوا ٨٠٠ اذا كانت الشركه فى السالميه

قال شدراك انها كذبه .. قال من كبرها
ابومحمد ... لي اصدقاء يملكون شقق في تركيا. .. مو واحد ولا اثنين ولا ثلاثه - كلهم اجمعو أن مدخول الشقق بحدود 5 الاف ك حد اقصي نهايه العام ... والطبيعي 3.5 الي 4 الاف

وهذا مايتعدي 400 دينار شهريا .. ك اعلي شي و300 ك حد طبيعي ، وكلهم اجمعو ان بالنهايه يطير من هالارباح .. رسوم اتحاد ملاك .. وكهربا وماي وتصليحات - هذا وهم ملاك مباشرين .. مو عن طريق شركات!!

اللي بقوله
هذولا يستغفلون الشعب
باوراق رسميه .. لايخافون من قانون ولا من رب ومن يدخل معاهم .. لن ياخذ حق ولا باطل وبتعلق فلوسه .. بدون ممسك قانوني عليهم

 

[الراقي]

شكرا للجميع طيب شنو تنصحون اهم دقوا علي اليوم وقالوا الفلوس بتصير أسهم وسعرها ١٠٠ فلس وأكدوا لي بأن السهم خلال ٥ أشهر بيصير ب ٤٠٠
شباب بس للعلم تراني على قد الحال و السبع ألاف أهي مل ماأملك لو تكرمتوا أرجوكم أبي كلام مؤكد عشان ماأتحسف بعدين

باجر من صبح روح البورصة واخذ المعلومات هل فعلآ الشركة راح تدرج هل هي شركة عندها ارباح اخر ثلاث سنوات وتوزيعات وأسأل عن رأس المال والقيمة الدفترية
لان عادي يبيعونك السهم مية فلس وهو بقيمة ٥٠فلس

 

[ملك الصيد]

أخوي صاحب الموضوع.. ممكن تفيدني بأسماء محلس الادارة ؟

 

[نواخذة الكويت]

حرامييييه
اخذ فلوسك بالحيله ... قول ابيها بسدد قرض علشان آخذ اكبر منه وادخل عندكم 30 الف وبيين لهم أنك فعلا متشيش وماتبي تطوف الارباح وان السالفه عاجبتك .. واشفط لهم لاخذيت فلوسك

مدرسة يا بوسارونه في خط الرجعه والهروب

حتى مورينيو ما يرسم خطة چذي

 

[chess122]

طبعا أنا شاكر جدا لتعاونكم معاي بس شلون يقبل شخص مثل رشيد الحمد يكون رئيس مجلس إدارة لشركة نصابة على حسب قولكم سامحوني بس حبيت أتأكد ١٠٠٪‏ عشان مثل ماقلت لكم ماودي أحسب وللعلم أهم ماكلين مخي حيل

 

[ملك الصيد]

طبعا أنا شاكر جدا لتعاونكم معاي بس شلون يقبل شخص مثل رشيد الحمد يكون رئيس مجلس إدارة لشركة نصابة على حسب قولكم سامحوني بس حبيت أتأكد ١٠٠٪‏ عشان مثل ماقلت لكم ماودي أحسب وللعلم أهم ماكلين مخي حيل

بانت فيلجا
أخوي الله يرحم والديك انحشششششش

 

[chess122]

بانت فيلجا
أخوي الله يرحم والديك انحشششششش

شلون مافهمت أرجوك وضح زيادة

 

[Cha3bar]

السلام عليكم
لو تكرمتوا ياأخواني ممكن أحد يفيدني بخصوص شركة تيماس العقارية حيث أنني شريت حصة بمبلغ ٧٠٠٠ دينار على أن يدفعوا لي ربح شهري والأن قالوا لي أنهم سوف يتداول سهم الشركة بشهر ١٠ أكتوبر القادم فأعطوني الخيار بأن أستبدل أموالي عندهم بأسهم رجاء الرأي وجزاكم الله كل خير

السلام عليكم

أخوي عشان تندرج الشركة لازم يكون في مدير إدراج وتكون في نشرة إدراج تطلع عليها ويكون فيها الوضع المالي للشركة خلال الثلاث سنوات الماضية، إلي أعرفه عن تيماس إنها للآن لم تأخذ الموافقات اللازمة للإدراج ولم تعين مدير إدراج، الموضوع فيه ريبه

 

[نجدي2]

بن هذال نمبر ٢

 

[نجدي2]

م

شكرا للجميع طيب شنو تنصحون اهم دقوا علي اليوم وقالوا الفلوس بتصير أسهم وسعرها ١٠٠ فلس وأكدوا لي بأن السهم خلال ٥ أشهر بيصير ب ٤٠٠
شباب بس للعلم تراني على قد الحال و السبع ألاف أهي مل ماأملك لو تكرمتوا أرجوكم أبي كلام مؤكد عشان ماأتحسف بعدين

حاول انك تخرج منهم لأن النهايه مأساويه

 

[صاعد نازل]

لحظه اخوي

صح فى شركة اسمها شركة تيماس العقاريه

بس اللى اعرفه الشركه اللى تشترى فيها حصص اسمها

شركة تيماس للإستشارات الدولية

http://www.indexsignal.com/community/threads/286160/

تأكد الله يرضى عليك .

 

[chess122]

م

حاول انك تخرج منهم لأن النهايه مأساويه

لوسمحت ممكن توضح

 

[رابح رابح]

علشان تشري بالشركة لازم تتأكد من قانونية اجرائاتها وحقيقة استثماراتها
- يجب التأكد من حقيقة الادراج العديد من الشركات اوهمو المساهين بالادراج منذ خمس سنين ولم يتم ادراجهم وحاليا خسرانين ..انا كنت مساهم بشركتين كل وحده ب 11 الف دينار وحده منهم سلمت على 50% من المبلغ ونهبون البقية والثانية خفضو راس المال 50% والى الان لم تحقق ربح منذ 8 سنوات علما بان بعض اغلب المساهمين من اكبر الشركات بالكويت وما قدرو يسوون شي
- وبالنسبة لبيع العقارات خاصة في تركيا العديد من هذي الشركات شرائهم غير قانوني ومرتبط بتلاعبات ماليه وتهرب من الضريبة في تركيا يبيعون عقارات بعيدة عن المدن بدون وثائق رسمية وغلب الزباين من الاثرياء ورجال الاعمال للاسف قبل سنة عندي صديق انا وكيله عنده ثلاث فلل دافع مقدم 60 الف دينار من سنتين وقايلين له الفلل ارتفعت اسعارهم .. شفت عقودهم خرطي قلت للشركة اذا الفلل ربحانه احنا بنبيعهم عليكم براس المال واخذو الربح لكم وطبعا قامو يماطلون وعرفت انها نصبه وديت العقود محامي شاطر وهددهم بمقاضاتهم وبعد صراع رجعو نص المبلغ ومواعدينا بيرجعون بقية المبلغ بعد اسبوعين

ديرو بالكم على حلالكم النصب والابتزاز صار بمستوى راقي واحترافي

تفضل هذي اخر نصبة حقيقية اقوى من بيعة الاهرامات:
‏بحريني يبيع خليجيان مقبرة وأرض وزارة العدل

 

[بوررصجي]

بن هذال نمبر ٢

يامحمد هذال وينك؟