كيف أبدأ في بورصة الكويت ؟!؟

[Oussama.D]

السلام عليكم ..

الإخوة الكرام .. أرجو إفادتي بملف أو معلومات متفرقة مع أمثلة عن كيفية البدء و التعلم لمداولة الأسهم في سوق الكويت للأوراق المالية.

شاكراً لكم حسن التعاون و جزاكم الله كل خير

أخوكم أسامة

 

[الفردوس]

اول شي تصف سيارتك بعيـــــــــــــــــــــــــــــــــــــــــــــــــــــــــــــــد عن البورصه وتروح مشي لنا ماكو مكان وبعدين تروح عند المصري يفتشك وبعدين تروح عند الفلبيني تشتري شاي حليب وبعدين تروح عند بومناحي وتقوله شلخبار يقولك انا متوهق بشركه العينه الله يلعنها وتقعد تضح عليه شوي وتشتري سهم وينزل عليك وهلما وجر وهذي اول خطوة والله يوفقك

 

[التحليل الفني]

السلام عليكم ..

الإخوة الكرام .. أرجو إفادتي بملف أو معلومات متفرقة مع أمثلة عن كيفية البدء و التعلم لمداولة الأسهم في سوق الكويت للأوراق المالية.

شاكراً لكم حسن التعاون و جزاكم الله كل خير

أخوكم أسامة

اول شي نقول حياك الله في منتدانا منتي المؤشر نت والله يوفقك دنيه وآخره

 

[دربيل]

اول شي تصف سيارتك بعيـــــــــــــــــــــــــــــــــــــــــــــــــــــــــــــــد عن البورصه وتروح مشي لنا ماكو مكان وبعدين تروح عند المصري يفتشك وبعدين تروح عند الفلبيني تشتري شاي حليب وبعدين تروح عند بومناحي وتقوله شلخبار يقولك انا متوهق بشركه العينه الله يلعنها وتقعد تضح عليه شوي وتشتري سهم وينزل عليك وهلما وجر وهذي اول خطوة والله يوفقك

 

[portfolio grl]

نصيحة لا دش السوق الحين

انطر لين ينهار السوق و يصحح بعدين دش (

عالعموم اول خطوة روح شركة المقاصة الكويتية بالدور السادس في مبنى البورصة لازم تودي وياك فلوس 3 دينار اتوقع و رقم حسابك بالبنك و بطاقتك المدنية.. أفتح حساب تداول هناك بس يفضل تروح قبل ال 11 صباحا.

بعدين دور لك شركة وساطة مالية الموجود 15 شركة ..و أشتر و بيع عن طريق وسيطك.

إذا تبي انك انت تشتري و تبيع حق نفسك عندك
1.الاوسط www.alawsat.com أو
2.متداول www.mutadawil.com او
3.الخليج للوساطه www.gulf-borsa.com
كل هالشركات عندهم تداول إلكتروني اتصل عليهم و اهما يشرحولك كل شئ ...

و الخطوة الاخيرة ان يكون عندك مصادر و اخبار من شخص تثق فيه و قبل ما تصدق اي خبر حاول تقيم مصادرك بالترتيب (1 2 3 4 الخ ) على حسب المصداقية بعدين اشتر او بيع ...

عمرك ما اتبيع ابخساره إلا لمن يكون عندك سهم ثاني واثق منه 90%- 100%

اقرا الاخبار الاقتصاديه والسياسية اول بأول بس لا تصدق الجرايد المصداقيه لك عليها (كل سبت تنزل جريدة المؤشر اقراها )

حاول تقرا بيانات الشركة المالية و اي معلومات عن الشركة إلي ودك تشتري فيها كل هذا موجود www.kse.com

إذا أحتجت اي مساعده الاعضاء بالمنتدى ما يقصرون ( اي سؤال اي تحليل الخ )

Goood Luck

 

[النوط الأخضر]

اخوي الفاضل اسامة :

اولا اود ان ارحب فيك واتمنى لك التوفيق في البورصة الكويتية , اما بالنسبة لكيفة التعامل في البورصة فالذي اود قوله لك هو ان تبتعد عن اسهم المضاربة اليومية مثل اسهم المخازن ومجموعتها وغيرها من اسهم المضاربة وانصحك بشراء اسهم الاستثمار مثل البنوك وانصحك بالاسلامية منها وكذلك شركة الوطنية للهواتف والكيبلات وغيرهم
اما عن طريقة التعامل في البورصة اول شي تقوم بفتح حساب في المقاصة وهي موجودة في الدور السادس والمطلوب صورة من البطاقة المدنية وشرط عمر 21 ورسم قيمته 3 دنانير , وبعد صدور البطاقة وفيها رقم الحساب تقوم بالذهاب او الاتصال باحد شركات الوساطة واختيار سهم معين مع تحديد الكمية ويمكنك مراجعة موقع صفحة البورصة ومشاهدة الاسعار والوحدات , الخطوة التالية تقوم بالذهاب الى البنك وايداع البلغ بحساب المقاصة وبحد اقصى اليوم الثاني قبل الساعة 11 وتذهب الى المحاسبة في شركة الوساطة الموجودة في الدور الثاني وتعطيهم ورقة الايداع وعند البيع تقوم بالتصال على شركة الوساطة وتطلب البيع بالسعر الذي تريده بشرط لايتعدى الحدالاعلى, واذا تمت البيعة تقوم شركة الوساطة بصرف شيك لك تستطيع صرفه بالبنك
امر اخر تستطيع التداول بالنترنت عن طريق شركة كميفك الموجودة بالدور 10 بالبنك العقاري الفرع الرئيسي
واخيرا اتمنى لك التوفيق والربح الوفير

 

[saud koc]

انطر لين ينهار السوق و يصحح بعدين دش (

عالعموم اول خطوة روح شركة المقاصة الكويتية بالدور السادس في مبنى البورصة لازم تودي وياك فلوس 2 دينار اتوقع و رقم حسابك بالبنك و بطاقتك المدنية.. أفتح حساب تداول هناك بس يفضل تروح قبل ال 11 صباحا.

تسجيل 3 دنانير وهذا للتوضيح فقط لاغير وشكرا

 

[مستثمروون]

انطر لين ينهار السوق و يصحح بعدين دش (


ياساتر ..... واحنا شنو راح يكون حالنا ....

 

[مضارب 2]

سلام عليكم ...

اخوي العزيز حياك الله فى السوق بس نصيحة تابع السوق بمعنى اذا فاضي هالايام روح السوق وتابع وقط اذنك على الى يمك واسمع منهم وشاركهم الحديث اشوي وبعدها قوم واقعد بمكان ثاني وهم سو نفس الحركة قط اذنك مع الى يمك وشاركهم واسالهم .. طبعا بتقولى اقط روحي عليهم اخاف ما يعطوني ويه اقوووولك لا تحاتي بيعطونك ويه ليش ربعنا طيبين ويقولون الي عندهم بسرعة يعني ما يحتاج تهديد ولا فلأ علطووول بيتحجون ...

الاخت الفاضلة portfolio grl الله يعطيج العافية بس موقع http://www.kse.com/ ما يشتغل عندي حاولت كذه مرة بدون فايدة...

ودمتم سالمين..

 

[خـــالد]

اللـــــــــــة يعطيك العافية ....... أخوى........


أولأ وأفضــــــل الطرق ألـــى النجـــاح والوصــــــــول للقمــــــــة أن


تتوجـــــــه للــــــــه سبحانة وتعالــــــــى وتدعــــو اللة فى السر والعلانية

أن يرزقك بالرزق الحلال المبارك وأن يوفقك ويثبت خطاك على طاعتـــــــــة


وبأذن اللــــــــة تعالى سترى طريقك سهل وأن لا سمح اللــــــة اشتريت

ونزل عليك سعر السهم أن تحمد ربك ولاتتذمر ولا وتندم ....وتقول

الحمدللة على كل حال من الأحوال.

وأنصحك أن تكــــــون متفائل بكل الأحوال ..

وأن اشتريت ولمـــــا بعت السهم بخسارة أم ربح أي كـــان أن تقول

الحمدللة .

وأذا رأيــــــت أسهم ترتفع ولو نفرض لمدة عشرة أيــــام حـــد أعلـــى

أن تذكـــــر اللة وتبــــــــارك لملاكة وتدعـــــو اللة أن يرزقك من حيث

لاتعلــــم ..

وأضع لك هذا الرابط للعبرة والأتعاض من حكمــة اللة تعالى

http://www.kuwaiteen.com/ram/Story/9-.htm


وأدعـــــــو اللة تعالــــى أن يوفقنـــــى ويرزقنى ولك ولجمـــــــيع

المسلميــن​

 

[دنانير]

تفضل موقع البورصة

http://www.kse.com.kw/default.aspx

 

[30%]

من أين يمكنني الحصول على القوائم المالية حيث أنني خارج الكويت ؟

 

[boalons]

عمرك ما اتبيع ابخساره إلا لمن يكون عندك سهم ثاني واثق منه 90%- 100%

يا اخوان ياريت تنتبهون للي تكتبونه , اذا الرجل جديد على السوق هذي النصايح راح توديه بداهيه , وقف الخسارة امر مهم جدا جدا جدا لايمكن الاستغناء عنه , تجنبنا خساير كانت لتصل الى 50% او اكثر لولا عمليه وقف الخساره ولله الحمد

واحب انوه ان عمليه وقف الخساره ماتكون عشوائيه بل مدروسه على اسس فنيه وبنسب معينه يجب الالتزام بها

 

[Oussama.D]

السلام عليكم ...

جزااااكم الله ألف خير جميعاً .. ما قصرتم

 

[rahaly]

يا طول الليل طولاااااااااه


اول شي .. احجز فندق في منطقة حلوة بعد 3 شهور من اول تداول .. نقاهة وراحة واستجمام

الله يوفقك ... بس وينك من زمان:d

 

[circle]

السلام عليكم ..

الإخوة الكرام .. أرجو إفادتي بملف أو معلومات متفرقة مع أمثلة عن كيفية البدء و التعلم لمداولة الأسهم في سوق الكويت للأوراق المالية.

شاكراً لكم حسن التعاون و جزاكم الله كل خير

أخوكم أسامة

اختبر نفسك فى محفظه وهميه

وتابع المنتدى ولا تاخذ بكل ما يكتب الا بعد التاكد

ركز على الشركات ذات الارباح والاصول المتزايده

اذكر الله دائما وادعوه ان يوفقك وانشاءلله تربح