قصص وذكريات من السوق الكويتي

[Navigator]

السلام عليكم

لإبعاد الفتور عن المنتدى ونوعاً من الترفيه نكتب هذا الموضوع لاسترجاع الذكريات الجميله والتعيسه من سكراب الكويت للاوراق الماليه

 

[فستق]

من الذكريات الجميله ملك اسهم البحر

...... جيزان ..........

سهم عنيف

 

[Navigator]

في سنة ٢٠٠٧ او ٢٠٠٦ مو ذاكر بالضبط

اشتريت شركة الدولية م أ قبل لا تموت ب ٥ سنين
مو ذاكر التكلفه بالضبط لكن شريت كميات على دفعات باسعار من ١١٨ و ١٢٢ و ١٢٦
ونويت اسافر بالصيف وابتعد عن السوق اريح واتصلت بالدلال وعرضتهم بسعر ١٣٨ فلس وتمت صفقات كثيره بهالسعر واغلق السهم عليه
بالعربي مكيش ومرتاح
سافرت تقريباً ٤٠ يوم ولما رديت ما كنت صوب السوق ولا مهتم له لانه كان يرتفع وانا انطره ينزل
فجأه اشتغلت دولية م أ تداولات قوية وهات يا تعليقات من ١٤٠ فلس لغاية ما دشت بسعر ٣٠٠ فلس
تحسفت اني بعت بسعر رخيص وقررت اشتري اسهم
اتصلت عالدلال بحط امر شراء لمشاعر ب ١.٨٠٠
قالي عندك كاش ؟
قلت اكيد انا بايع الدولية قبل ٣ شهور بسعر ١٣٨
وقالي انه يتذكر انها ما راحت وكميتي موجوده
اتصلت عالمحاسبه والا يأكدون لي ان الاسهم بحسابي
والسهم مطلوب ب ٣٢٠ وقاعد يشتري باسعار ٣٢٥ وكانت فاضية اي كمية تنعرض يطقها
قلت للدلال قط عالطلب ولا تشاور يقولي حرام مطلوب فوق مليونين ويشيل ب ٣٢٥
قلت له انت من صجك من صجك ( بصوت بو جركل )

كانت افضل قصه حصلت وياي بالسوق مع اكتتاب زيادة رأس مال المخازن سنة ١٩٩٩

 

[Navigator]

من الذكريات الجميله ملك اسهم البحر

...... جيزان ..........

سهم عنيف

جيزان لما باعت عمارة الغرفه التجارية
وصل سعرها ٣ دنانير

 

[يوسف محمد]

من الذكريات الجميله تكتتب باسهم مثل بنك بوبيان والاولي للوقود والسور والقرين وتبيع باكثر من اربع اضعاف واي سهم تشتريه تربح فيه واذكر يوم من الايام داق علي الدلال اسأله عن سهم قالي السهم معلق قلتله والسهم الفلاني قالي معلق قلتله شنو اللي مو معلق قالي سهم دايخ والله مااذكر اسمه قلت اخذ فيه وربحت فيه ايام حلوه
ومن الذكريات السيئه ازمة 2008 الاسهم معروضه كل يوم بالادني وماتدري منو طقاقك

 

[Navigator]

سهم الديره اللي سعره بالعشرينات الحين اكتتابه كان بسعر ١.٤٥٠ بدينار واربعمئه وخمسين فلس للسهم وقالوا بيل جيتس داش وياهم بالاكتتاب مع الوليد بن طلال والناس واسطات عشان تكتتب

كويت انفست الاكتتاب كان اكثر من دينار

مبرد سعر الاكتتاب ب ٦٠٠ فلس وفئه اكتتبت بسعر ٩٠٠ فلس

زمن اغبر

 

[Navigator]

سنة ٢٠٠٨ انقردت وشريت سهم داماك الكويت

والله كانت الاسهم تنزل رواسي الا هو

وطلعت منه ب ٢٠٠٩ بربح ٥ فلوس او ١٠

مشتراي بسعر ٢٦٥ او ٢٧٠

 

[المشنص99]

يا حي الله بو سلمان شلونك وشلون العيال لك وحشه لا تذكرنا في ما مضى وخلنا ناسين

 

[ملك الصيد]

من الزمن الجميل
1997 شريت عربي القابضة بسعر دينار و40 فلس
وعيني ما شافت النور وليلحين عندي

 

[Navigator]

يا حي الله بو سلمان شلونك وشلون العيال لك وحشه لا تذكرنا في ما مضى وخلنا ناسين

يا هلا وغلا بو فهد الله يحييك يا غالي

يا جماعه هذا مديري سابقاً بالدوام

بخير يا وجه الخير انت شلونك وشلون امورك بشرنا عنك


تكفى بو فهد بقولهم سالفتك

 

[Navigator]

٨٥٠ الف دينار ينطح دينار ضاعوا هباءاً منثوراً في بطن جمال وناصر

الله يعوض عليك بو فهد

 

[Navigator]

من الزمن الجميل
1997 شريت عربي القابضة بسعر دينار و40 فلس
وعيني ما شافت النور وليلحين عندي

كم الكمية ٢٥٠٠ ؟

 

[ملك الصيد]

كم الكمية ٢٥٠٠ ؟

شريت بالدينار
والدينار و20 و 40
بس غالبية الكمية بالدينار و20
وكميتي 80 ألف

 

[ملك الصيد]

وبعدها حسيت بهوشة الاخوان بشركة الخرسانة الخلوية
وجان أدش وخذيت 400 ألف على سعر 280
وبعت بسعر 350 .. عقبها حسيت اني فاهم بالسوق وأتفلسف على الربع
وعقبها راح السهم 940 فلس ...
قرادة

 

[Bursa2016]

المجموعه الدوليه وما ادراك ما المجموعه الدولية
سهم صاعد من 120 فلس
ركبت الموجه عند محطة 560 فلس وآجل بعد (شوف الجراءه) ... ويكمل صعود وانا نفس سعد الفرج بدرب الزلق سبعه الف ... ثمانيه الف ... تسعه الف
ليما وصل 1040 چان ييك مدحدر كل يوم حد ادنى وتلاحقت عليه وبعته 840
ايام حلوه ... 2005/ 2006

 

[آل الخميس]

الله يزرقكم من فضله...

 

[الراقي]

تخيل تشتري الوطنية العقارية بدينار وتبيع ١٧٠٠ خلال سبع ايام تداول
هذي المضاربة ولابلاش والحين تنطر شهر علشان تربح فلسين

 

[نصوح]

كانت ايام حلوة ،، اذكر من الفترات الجميلة من كثر ما قمت افسف
ابطل اللابتوب واحط ايدي على اي سهم وانا مغمض عيني
وادق على الدلال واقول له اشتر لي هالسهم وابيعه اخر السوق بربح
مرت بالغلط حطيت ايدي على سنام وما كان عليه تداول وايد ،، الوحيد اللي
خسرني ذاك اليوم وضحكوا علي الربع وعلقوا علي السنام عليكم ،،هههه

 

[نصوح]

ومن القصص الجميلة ،، دق علي واحد من الاخوان لو اقول اسمه
الكل راح يعرفه وقال لي يا بومحمد راح اهديك سهم محبة فيك
والسهم هذا خلال هالاسبوعين رايح نص دينار لان اخوي مع صانع
السوق فمن باجر طق المعروض حتى لو بالحد الاعلى
قلته جزاك الله خير وكان السهم كي سبان وفعلا ياليوم الثاني
كان المعروض ١٢٠٠٠٠ الف سهم ودق علي صاحبي اثناء الاوامر
وقال راح اشيل ٤٠٠٠٠٠الف سهم والباقي حلال عليك قلت له اوكي
ومان عندي كاش ،، ناطر يفتح السوق وابيع واشتري السهم
عرضت سهمي ولما تم تنفيذ البيع علق السهم مطلوب مليون ونص
وارتفع السعر وعدا الدينارين والنص ،، ويدق علي صاحبي كل يوم
من الفشلة قلت له اخذت ٨٠٠٠٠ الف وانا ما لحقت عليه
مو رزقي

 

[رابح رابح]

هذا كويتي من حظة