الهبة الجديدة...تخفيض رأس المال الايجابي

[عندك سلف]

الشركات المدرجة بالسوق تهب هبه بين فترة وأخرى....

بداية الازمة المالية كانت الهبة (اخذ المخصصات وتسجيل خساير غير محققة)
بعدها هبو بهبة الانسحابات والشطب
عقبها هبو بهبة تخفيض رأس المال وشطب الخساير
بعدها هبو بهبة التسويات مع الدائنين وتحقيق أرباح من هذه التسويات

الحين بادين يهبون بهبة جديدة الهبة بدأتها الشركة التجارية عقبها طيران الجزيرة ثم اعلان شركة التخصيص...والحين أعلنت شركة المساكن

الهبة الجديدة هي تخفيض رأس المال....لكن هالمرة تخفيض إيجابي

شلون!!؟ .... ان الشركة تقلل عدد اسهم الشركة لكن "دون" التأثير على المساهمين...

يعني ....اما ان الشركة تشطب اسهم الخزينة ان كان لديها اسهم خزينة ....دون ان يأخذوا أي سهم من المساهمين...

أو انهم يأخذون اسهم من المساهمين لكنهم يعوضونهم بفلوس عادة يكون التعويض ب100 فلس عن كل سهم ياخذونه منك...

حاليا شركة المساكن أعلنت عن رغبتها بتخفيض رأس المال....ولان الشركة ليس لديها أي خسائر متراكمة ...وليس لديها اسهم خزينة...
أصبح الخيار الوحيد هو ان يكون التخفيض مقابل تعويض المساهمين نقدا...


هذه الهبة أتمنى ان تنتهجها الشركات التي تزيد قيمتها الدفترية عن 100 فلس
وسعرها بالسوق أقل من 100 فلس
وعندها فايض من الكاش

 

[السعد محمد]

ممتاز ... شكرا لك ونتمنى
قائمة بالشركات التي سوف تنسحب والشركات التي تخفض ايجابي

 

[ملك الصيد]

التخفيض الي تفضلت فيه
ينطبق على الشركات الربحانة فقط
والحركة هذي موجودة من زمان بالسوق الأمريكي
سواء.. يدبلون السعر ويخفضون نص كميتك
أو العكس .. طبعا اذا كان السعر عالي جدا يخفضون نص قيمته
ويدبلون كميتك..
تحياتي

 

[ملك الصيد]

التخفيض الي تفضلت فيه
ينطبق على الشركات الربحانة فقط
والحركة هذي موجودة من زمان بالسوق الأمريكي
سواء.. يدبلون السعر ويخفضون نص كميتك
أو العكس .. طبعا اذا كان السعر عالي جدا يخفضون نص قيمته
ويدبلون كميتك..
تحياتي

 

[محمد000]

حسبي الله ونعم الوكيل فيهم
تمويل خليج
وبيت الإستثمار الخليجي
وأعيان الاستثمار
والديرة
نتعامل وفق الشريعة الغير إسلامية

 

[أبو فلسين]

ياليتهم كلهم يسون جذي ولا ياخذون أسهمنا

 

[Bomesk]

في حال ان القيمه السوقيه اقل من القيمه الاسميه والشركه قيمتها الدفتريه اعلى من القيمه الاسميه يعتبر هالامر ًإيجابيً

 

[الموسوعه]

حلوه الاشاعه

 

[عندك سلف]

مجلس ادارة المساكن
يوصي بتخفيض رأس مال الشركة للنصف

طبعا سيكون هناك تعويض نقدي (100فلس) عن كل سهم تم شطبه

لمزيد من المعلومات http://downloads.kuwaitse.com/Portal/NewsPDF/51201683642457image1438.pdf

 

[خالد الملا1975]

مجلس ادارة المساكن
يوصي بتخفيض رأس مال الشركة للنصف

طبعا سيكون هناك تعويض نقدي (100فلس) عن كل سهم تم شطبه

لمزيد من المعلومات http://downloads.kuwaitse.com/Portal/NewsPDF/51201683642457image1438.pdf

اخوي من وين يبت معلومة تعويض المساهمين الشركة ما افصحت عن هالشي ممكن تنورنا

 

[عندك سلف]

اخوي من وين يبت معلومة تعويض المساهمين الشركة ما افصحت عن هالشي ممكن تنورنا

هو استنتاج...لا اكثر

تسألني من وين استنتجت؟...اقولك من التالي:


1- من الميزانية....
لان عندها أرباح مرحلة
لو كان عندها خساير متراكمة لكان تخفيض رأس المال بدون تعويض


2-ان الشركة كانت قد باعت شركتها التابعة وتوفر لها كاش سيتم استغلاله بالتعويض

3- لو تلاحظ ان اعلان مجلس الإدارة ذكر ان سبب التخفيض هو بيع النشاط الرئيسي للشركة وبالتالي لا حاجة للكاش المتوفر

4- ارتفاع السهم مع الخبر

 

[خالد الملا1975]

ان صح خبر دفع القيمة الاسمية 100فلس ل50%لكل مساهم سيكون السعر العادل للسهم فوق 200

 

[محمد000]

لايغركم كاش الشركات
كاش وأرباح
يبوقونة مجلس الإدارة
ويتحول الكاش الي دين ع الشركة والأرباح خساارة علي ظهوور المساهمين
تحليل منطجي بعد ماكلت هووو وا وضاعت فلوسي

 

[خالد الملا1975]

لايغركم كاش الشركات
كاش وأرباح
يبوقونة مجلس الإدارة
ويتحول الكاش الي دين ع الشركة والأرباح خساارة علي ظهوور المساهمين
تحليل منطجي بعد ماكلت هووو وا وضاعت فلوسي

مجلس إدارة شركة المساكن غير حط فلوسك بالشمس واقعد بالظلال من واقع تجربة بالسوق من 19 سنة هالاسرة الكريمة سياستها ربي ارزقني وارزق مني مشكلتك وظفت فلوسك بالمكان الغلط لا تعمم عالكل هالكلام وتقدر ترجع للتوزيعات السنوية لاسيكو وتشوف مصداقية كلامي

 

[الموسوعه]

راح انقل لكم موضوع في هذا الخصوص آمل ان ينال اعجابكم .

 

[الموسوعه]

لقاء مع هامور!!!
@مساء الخير..
-هلا..
@يا أخي أريد أن أسألك سؤالا في المقدمة..
-أسرع ..فأنا أبسوي مكالمة مهمة..
@بخصوص الأسهم
-وش دخلك
@ آسف ..لكن بغيت ..إذا ممكن..أعرف هل تخص سهما عندي
- وش عندك
@عندي سهم ينتظر رفع رأسمال
-هه هه هه..تصدق بهذه الخزعبلات
@كيف؟
-هذه من ألاعيبنا عليكم..أبسألك سؤال..إذا كان رفع رأس المال يرفع قيمة السهم إذن تخفيض رأس المال المفروض ينزل السهم..توقع منطقي..صح ولا لا؟؟
@ صح
-شفت حنا نلعب عليكم رفعنا اللجين علشان رفع رأس المال ورفعنا المواشي والقصيم علشان انتظار تخفيض رأس المال..أمران متضادان..هه هه هه ..يحليلكم يا الصغار
@ الله يستر منكم يا الهوامير!!
-وش عندك بعد؟؟
@ طيب أسهم التعمير والحماعي والبحري والكهرباء وغيرها كانت متوهجة والمضاربات عليها حامية لكنها خبت الآن وطلعت أسهم كانت مهملة
-شف يا حبيبي هذه بعناها عليكم وعلى غيركم تبي نطلعها تبيعونها علينا من فوق
@طيب يعني لن ترفعونها
- ما قلت كذا لكن إذا أخذناها منكم بالسعر اللي نبي والسوق ما جاءه نزول يكون لكل حادث حديث
@طيب وأسهم مثل الأحساء والكابلات وشلون طلعت مع أن قيمتها كانت نصف قيمة التعمير والجماعي ..كذلك الفنادق وطيبة تعدتها بكثير مع أنها كانت تحت المئة وتتعب راعيها!!
- هذه كنا نجمع فيها ولا معنا أحد يذكر وجاء هالحين وقتها!!
@ بس يقولون فيها أخبار حلوة مثلا الكابلات فيها عقود الخ
- يا حليلك الكابلات العام الماضي أعلنت عن عشرات العقود وما خلينها تعدى السبعينات..وكنتم بمنتدياتك تستغربون وشلون ما طلعت مع هالعقود..لكن ما كنا فاضين لها يا حبيبي..كنا بأسهم مثل التعمير اللي تطبلون له بالشيك والتعمير اللي تطبلون له بالأرض..ويسد.....وش عندك بعد
@ وش توقع يطلع هاليومين
-أكون غبي لو قلت لك.زولا تبيني أكذب عليك
@ طيب وش اتجاهات السوق في الأسابيع القادمة
- راجع منتدياتك وتعرف..هه هه هه
@أبغى رأيك أنت؟
- حلو..حلو..لا ورى ما تقول علمون وش تبي تطلعون بكرى
@وش فيها ..الدين النصيحة
- إلا بالقروش
@تقصد بالكروش
-أها لا تغلط ..ولا تراي بكرى أرش الأسهم اللي معك تراي عرفتها!!
@الله يستر منك
- ممكن نكمل لقاءك هذا بعد الظهر بكرى أنا هالحين مشغول مع الربع
@أقدر أساعدكم
-لا قل أقدر أتفق معكم
@ وشو عليه
-نبي نصيد لنا مجموعة غزلان اسمها"صغار المساهمين" بكرى
@ الله يستر منكم ..نكمل بكرى
- نشوف!!



منقول ..

 

[sprite]

هو استنتاج...لا اكثر

تسألني من وين استنتجت؟...اقولك من التالي:


1- من الميزانية....
لان عندها أرباح مرحلة
لو كان عندها خساير متراكمة لكان تخفيض رأس المال بدون تعويض


2-ان الشركة كانت قد باعت شركتها التابعة وتوفر لها كاش سيتم استغلاله بالتعويض

3- لو تلاحظ ان اعلان مجلس الإدارة ذكر ان سبب التخفيض هو بيع النشاط الرئيسي للشركة وبالتالي لا حاجة للكاش المتوفر

4- ارتفاع السهم مع الخبر

استنتاجك صحيح .. هناك سداد نقدي للمساهمين بنسبة 50% من اسهمهم بالقيمة الاسميه للسهم

 

[عندك سلف]

بيت الاوراق المالية يعلن عن نيته تخفيض رأسماله (ايجابيا)
مع تعويض المساهمين نقدا

لمزيد من المعلومات http://downloads.kuwaitse.com/Portal/NewsPDF/14120167581174133.pdf

 

[مليون دينار]

اتوقع 2016 راح يكون كثير من الشركات تتجه الى هذه الخطوه الايجابيه للمساهمين

 

[عندك سلف]

اتوقع 2016 راح يكون كثير من الشركات تتجه الى هذه الخطوه الايجابيه للمساهمين

انا اشوف ان شركة الاولى للاستمار مناسبة جدا
لاتخاذ مثل هذه الخطوة

اولا عندها كاش ممتاز
ثانيا قيمتها الدفترية تالية نسبيا
ثالثا اشترت في سنة 2015 بحدود 20 ملين سهم من اسهم الخزينة



من وجهة نظرك شنو الشركات اللي ممكن تخطوا مثل هذي الخطوة!