(( >> غيرت نكي من FamouS إلى النوخذة بان << ))

[نواخذة الكويت]

السلام عليكم

إخواني أبناء عمومتي أصدقائي الأعزاء

بعد التوكل على الله ...

قررت أن أغير نكي FamouS

الأسباب .......

أولا / النك أجنبي وأشعر بأنه رجس من عمل الشيطان

ثانيا / نك فيموس معناته مشهور انا أمي ما تعرفني مشهووور على شنو

ثالثا / النك چنه ماركة ثلاجه مو عاجبني

وأوعدكم مهما تغير النك ( التفاؤل لن يتغير في قلبي )

وسوف تظل قائمة أسهم النبلاء
وتحليلي في هذه الصفحة كل يوم
حتى موعد سفري بعد 13 تقريبا

ولكي تتأكدوا إني انا فيموس بويوسف سوف أضع لكم بعض الأغاني اللتي تسر السامعين

النك الجديد هو ( النوخذة بان )

اختياري للنك ليس عشوائي
الُملم بتاريخ الكويت سوف يعرف من انا وأرجوا عدم سؤالي عن النك الجديد
الخَيْل واللّيْلُ والبَيْداءُ تَعْرفُني
والسّيْفُ والرّمْحُ والقرْطَاسُ والقَلَمُ

وسوف يتم تغير النك من يوم السبت الموافق 26 / 12 / 2015

أرجو المشاركة بالتصويت

وشكرا لكم ... الله الوطن الأمير

أخوكم الصغير بويوسف النوخذة بان

 

[نواخذة الكويت]

والله إني حاس إن بحطون الإختيار الثالث

أعدائي وايديييين

لا تقذف إلا الشجرة المثمره

 

[نواخذة الكويت]

شوفواا فال نكي الجديد

اقفال الاسواق:
الداو 17.602(185+)
ناسداك 5045(44+)
اس&بي 2064(25+)

 

[نواخذة الكويت]

المشكله محد صوت حق النوخذة بان

إلا اناا

الجبناء اللي اختاروا الإختيار الثالث

قاااااعد على قلبكم بالمنتدى

 

[رابح رابح]

مساء الخير نوخذا بويوسف
مبروك الاسم الجديد

بس مو تصير مثل النوخذا بن عيدان

 

[نواخذة الكويت]

مساء الخير نوخذا بويوسف
مبروك الاسم الجديد

بس مو تصير مثل النوخذا بن عيدان

هلا بوخالد هلا بالزييين الله يبارك بعمرك

شوفواااا تعلمواا من بوخالد ياللي مختارين رقم 3

نك حلو عجبني

مليت من FamouS مادري عاد انا من الريف الإنجليزي

انا من أهل شرق

 

[نواخذة الكويت]

والله احتريت شكوووو حاط الإختيار الثالث

 

[Albaghdadi]

بويوسف انا حطيت الاختيار الاخير ،،، بس غشمره مو صج

 

[رابح رابح]

هلا بوخالد هلا بالزييين الله يبارك بعمرك

شوفواااا تعلمواا من بوخالد ياللي مختارين رقم 3

نك حلو عجبني

مليت من FamouS مادري عاد انا من الريف الإنجليزي

انا من أهل شرق

خوش نك نيم بويوسف
والنعم باهل شرق
اكيد من فريچ التجار

 

[دايــم]

الاختيار الثالث

واعلنها علانيه

لو مختار اسم " نهاش " احلى واجد

 

[الراقي]

غير الثالث مافي ههههههههههههههههههههههههه

 

[نواخذة الكويت]

العدوان الثلاثي انا عارفه مسبقا

ال 9 من وييييين ياووو انا كل اللي أعرفهم بالمنتدى اثنيين لا و متوقفين
الدكتور امبركو و الدكتور الدب

اللي قاهرني أكثر الإختيار الأول إختياري ولا چاااان صار صفر

تكفون بوسلمان مشرفنا الغالي مسويلي واسطه تغير نك مع الإحتفاظ بالإشتراك 2004 اللي معاير الناس فيه
شبقووول عني

 

[نواخذة الكويت]

غير الثالث مافي ههههههههههههههههههههههههه

تشيشهم حسبالك ما أدري

تبي اللي يدش يحط الإختيار الثالث

حسااااااابك بعدين معاي

 

[نواخذة الكويت]

خوش نك نيم بويوسف
والنعم باهل شرق
اكيد من فريچ التجار

ما عليك زود بوخالد لا والله مو من هالفريج

ومال داعي تستدرجني بالكلام ههههه

 

[متابع الســــوق]

تم التصويت على النوخذه بأن ؟!
ولكن فيه مؤامرة تحاك ضدك
وتحول الصوت إلى رقم 3

 

[نواخذة الكويت]

تم التصويت على النوخذه بأن ؟!
ولكن فيه مؤامرة تحاك ضدك
وتحول الصوت إلى رقم 3

استغفرالله العظيم يا أخييي ثبت صبعك

مؤامرة تحاك وإنت تحط رقم 3 أصفقلك من كل قلبي

 

[نواخذة الكويت]

طبعا أخوي الغالي المشرف بوسلمان

رجل اقتصادي سياسي ما تمر عليه لعبة الإنتخابات والإستبيانات

يعلم بل متأكد بأن العبره في الصناديق الأخيرة

 

[نواخذة الكويت]

شركة صناعة الكيماويات البترولية تعلن إتمام عملية استحواذ شركة إيكويت على شركة أم أي جلوبل مقابل 2ر3 مليار دولار

تنهال. الأخبار الحلوه مع نك النوخذه

كما تنهال زخات المطر على أرضنا الحبيبه الكويت

ما أوصيكم ( 1 )

 

[نواخذة الكويت]

على هالمطر الحلو الجو يبيله تسمع

 

[دايــم]

اللهم زد وبارك