ليش دايما في 5000 باخر السوق بسعر مرتفع ؟

[بوحسن]

عقارات الكويت

العرض 420 مليون تقريبا
الطلب 415 130 الف

مره وحده 10 الالاف على 420 اخر ثانيه


مركز مالي
العرض على 810 مليون تقريبا
الطلب على 800 120 الف

مره وحده اخر ثانيتين 5 الالاف على 810

لولوه

العرض على 360 700 الف
الطلب على 355 80 الف

اخر ثانيه بالضبط 10 الالف على 360

وكذلك المجموعة الدوليه والخ الخ

وغيرها اكثير !! فما هي الدلاله ؟؟

لو عرفنا ان اغلب هالاسهم مافيها اجل ليش هال ضربات ام اخر ثانيه عيل !! شنهي المصلحه ؟

دعوه للتفكير ...

( بعض الاسهم يصير عليها ولكن لتقارب المعروض من المطلوب نتوقع انها تكون لافراد عاديين )

 

[CHART TRADER]

ألعاب الماركت ميكر ...

 

[hamad1]

أقفال متعمد عشان الأجل

 

[الراقي]

كلامك صح والمشكلة ان المؤشر السوق مرتفع 88 نقطة و المؤشر الوزني نازل ومحمر وجة

 

[بوحسن]

أقفال متعمد عشان الأجل

اغلب الاسهم مافيها اجل الحين ...

 

[matrex-ku]

فعلا يا شباب نبي نعرف هاالحركه بشرح مستفيض مانبي الغاز
وهل هي مهمه او اغلاق وهمي

 

[الفردوس]

تبون الصج كلام سليم وليلحين ماني فاهم شاسالفه مع اني تناقشت انا واحد بسوق وقام يهايط يهايط لين دبل كبدي ومافهمت شي

 

[بوزايد]

على فكره كل اسهم السوق نفس الطريقه
بس يمكن لانه الواحد يدقق على السهم اللى يملكه
ما ينتبه للأسهم الثانيه . شغله عاديه جدا .
تصير معانا كلنا تبى تشترى تنطر اخر السوق اذا ما عطوك على السعر اللى تبيه تاخذ من المعروض قبل الاقفال وين المشكله ؟
الفرق ان اللى مثلنا وحده او وحدتين ناخذ بالسهم .. والكبار المعروض كله بنهاية السوق دام ما عطوه بالسعر اللى يبيه يشيل المعروض بسعر ويفقل باعلى منه بحبه وحده فقط عشان بكره تكون اسهمه بداية السوق ربحانه .لان مجموع الاسهم عنده باقل من سعر الاساس لليوم الجديد وسلامتكم :d

 

[عابرغريب]

السلام عليكم
الفوائد والله اعلم
1- يكون السعر مرتفع على البيوع المستقبليه اول السوق (اذا مو موقوفه)
2- اذا في اجل بعد السوق
3- على شان يجمعون عليه اذا كان وبكل سهوله لون احمر اول السوق لانها تسكيره وهميه.
4-على شان اذا يبي يوصله سعر معين ويبيع عليه مثال اذا كان الحد الاعلى 950 يسكره على 920 من اجل ان يصرف 950 ويكون مرتفع 30 فلس
5_ وكذالك يضيع ألى يدرس السهم هل يجمعون او يصرفون
6- وسلامتكم هذا الاجتهاد مني
وشكراً

 

[BOSS-74]

فعلا يا شباب نبي نعرف هاالحركه بشرح مستفيض مانبي الغاز
وهل هي مهمه او اغلاق وهمي

اقفالات وهميه

--------------------------------------------------------------------------------

هذي الاقفالات الوهميه

واحيانا اتصعد اقفال السهم واحيان اتنزله على هوا المضارب او صانع السهم
اذا كان حاب اقفاله مرتفع او نازل

اهي بالعاده تسكير اليوم على سعر يساعد المضارب على العمل مع اسهم غدا .؟ يقوم بها مضاربين كبار واصغار لانها غير مكلفه عليهم بالمره
وناجحه في تظليل المتداولين وتسهل على المضاربين عملهم جدا جدا

وهناك من طالب بتغير ان يكون اقفال السهم هو اخر صفقه تتم لكي يمنع حدوث هذا الخداع السهل .؟
والحل ان يكون اخر اقفال متوسط تداول اخر نص ساعه مثلا او متوسط تداول اليوم او سعر الطلب ( ارشح الاخيره لانها اكثر مصداقيه)

وهناك اسواق خليجيه (اظن الامارات ) لا تطبق اخر صفقه هي الاقفال

صناع سوق الاجل ممنوع عليه يقومون بأي شريه اخر ربع ساعه قبل الاقفال
(قرار من مدير السوق ) متاكد منه اذا ما غيروه

تحياتي

 

[صقرالبحر]

احيانا تكون صدفه .. مثلا انا اليوم شريت سهم في الساعه 1229:45 وانا ماادري وكانت اخر صفقه ... وشكرا

 

[بوغازي]

لكن المشكله ان كانت متعمده (الاقفالات) وياريت احد من الاخوه يفصل أكثر لأهمية الموضوع

وشكرا

 

[بوحسن]

تسمحولي اعلق

اول شي انا حطيت الاسهم اللي اقفالها صعب مو مثل اسهم المال مثلا
اللي الطلب يساوي العرض وعشان جذي ممكن اي واحد باخر ثانيه يخمط من المعروض .. وانا مو عن هالاسهم اتكلم

انا اتكلم عن الاسهم اللي المعروض كبير والمطلوب ضعيف .. وبنهاية السوق باخر ثانيه ينوخذ من المعروض !
انا اعتقد بما ان الاجل تقريبا مافي على اغلب الاسهم !

وان البيوع موقوف من فتره !

اعتقد ان الاغلاقات المتعمد واضحه بشيين ..وعلى حسب تفكيري وهي دعوه للنقاش بصراحه

الاول :- ان السهم عليه صانع سوق ..حاب يختصر المسافات

الثاني :- ان السهم باجر بيصير عليه بسعر التصعيد بيع وتصريف ( وبتشوفون سهم اليوم بيصير عليه هالتصريف برايي من احد الاسهم اللي انا حاطها كأمثله )

الثالث :- ان السهم يوضع بسعر مرتفع لليوم القادم حتى لو نزل بحد ادنى يكون وفر السوق 10 فلوس او خمسه فلوس حد ادنى اخر عندما يكون صانع السوق اللي عليه متخوف من امر معين

الاخير :- ان صانع السوق اللي عليه حاب يعطي اطمئنان اكثر على السهم
للمشترين بان السهم لو رجع للرسم البياني على مدى الشهر او الرسومات البيانيه ..بان السهم عنده ارتفاعات طيبه خلال تداولاته السابقه

والله اعلم