شنو صاير بالسوق الكويتي ؟ !!!

[Navigator]

السلام عليكم ورحمة الله وبركاته

ابتعدت من فتره عن متابعة السوق لما كانت الامور ما تبشر بخير على أمل تتعدل الامور ولما رجعت لقيت الامور اتعس للاسف

اللي مستغرب منه وابي جواب له لو تكرمتوا

شركات ميزانيتها ممتازه وديونها تكاد معدومه او ملتزمه بسدادها وغير متعثره

نشوف أسعارها أقل من القيمة الاسمية وبعيده عنها

شي مو منطقي نهائياً

قلنا فقدنا الثقه وبإدارة الشركات لكن مو لي هالدرجه

 

[يوسف محمد]

مشرفنا العزيز
ماستفدنا من صعود الاسواق العالميه والخليجيه ولا من صعود النفط
كان سوقنا بالعكس ينزل واليوم سالفه عجيبه الاسهم القياديه تنعرض بالادني بالملايين
هل اصحاب المعلومه من الكبار واصحابهم عندهم اخبار عن وجهة السوق

 

[Cha3bar]

السلام عليكم ورحمة الله وبركاته

ابتعدت من فتره عن متابعة السوق لما كانت الامور ما تبشر بخير على أمل تتعدل الامور ولما رجعت لقيت الامور اتعس للاسف

اللي مستغرب منه وابي جواب له لو تكرمتوا

شركات ميزانيتها ممتازه وديونها تكاد معدومه او ملتزمه بسدادها وغير متعثره

نشوف أسعارها أقل من القيمة الاسمية وبعيده عنها

شي مو منطقي نهائياً

قلنا فقدنا الثقه وبإدارة الشركات لكن مو لي هالدرجه

السلام عليكم

بالسابق كان إلي عنده فلوس زايدة يقطها بالبورصة، ألحين إلي عنده فلوس زايده فتحله مصلحة بالإنستغرام

ماكو سيولة ماكو تداول

هذا هو السبب ببساطة

 

[InDepth]

انعدام الثقة
بعد الأزمة المالية ٢٠٠٨ ، انحسر المد واتضح ان معظم الشركات وخصوصا الاستثمارية كانت تسبح عارية

 

[Navigator]

مشرفنا العزيز
ماستفدنا من صعود الاسواق العالميه والخليجيه ولا من صعود النفط
كان سوقنا بالعكس ينزل واليوم سالفه عجيبه الاسهم القياديه تنعرض بالادني بالملايين
هل اصحاب المعلومه من الكبار واصحابهم عندهم اخبار عن وجهة السوق

اذا فيه عروض بالملايين بالادنى خصوصاً للاسهم القيادية غالباً ما يكون تكييش لمحفظه ويبي اولوية في البيع يعني مو ناوي ينزل السهم بالادنى
واحتمال تكون تغيير مراكز

 

[نواخذة الكويت]

السلام عليكم

اللي أشعر فيه وبشدده وأكاد أن أكون متأكد منه

مثال ... شخص بنى بيت من رمل البحر
وتآكل أو إنهدم ربع البيت
لازم يهدم البيت من القاع ويعود للبناء مره أخرى من حيث ما بدأ

والنفط سوف يعود من حيث ما إنطلق

بدون لا أعرف الأسباب لأن اللي عارفها
عدت أشخاص فقط ... وباقي الناس تخمين

والله الأعلى وأعلم

 

[Navigator]

السلام عليكم

بالسابق كان إلي عنده فلوس زايدة يقطها بالبورصة، ألحين إلي عنده فلوس زايده فتحله مصلحة بالإنستغرام

ماكو سيولة ماكو تداول

هذا هو السبب ببساطة

عليكم السلام ورحمة الله وبركاته
يا هلا وغلا بو عبدالعزيز ( ان لم تخوني الذاكره )

ما ادري ليش قريتها فتح له مصحّه خاصه

 

[الدب]

عليكم السلام ورحمه الله وبركاته

بكل ماذكرت ممتاز اخي بوسلمان

ومتأكد انها غابت عنك بالحظه كتابه الموضوع وهي ( ربحيه السهم ) ولاغيرها


كل مازادت ربحيه السهم ارتفع السهم مرغماً حتى لو كان السوق شبه متوفي ومتوقف

وكثير من الأسهم صعدت للدينار بسبب ربحيته العاليه

 

[نصوح]

ما ادري شنو ناوين على هالديرة وأهلها
أليس فيهم رجل رشيد ،،، السوق افتلتت موازينه
ومافي فارس يلجمها ،، وصارت لعبة بايادي الطامعين
والحاقدين ،،، والمشكلة اذا وسد الامر لغير اهله فهنا المصيبة

 

[نصوح]

 

[نصوح]

والله اخترعت من البيع اللي صار اخر السوق
قلت صاير شيء ،، او في شيء خافي
حسبي الله عليهم ،،، مافيا منظمة لا بارك الله فيهم
( اذا دعتك قدرتك على ظلم الناس ،، فتذكر قدرة الله عليك )

 

[رابح رابح]

انا متفائل وماحدث هو جراحة استئصال اجزاء وشرايين من جسد البورصة .
حاليا البورصة انتهت من مرحلة الجراحة بعد تصفية بعض الشركات والملكيات.
وخرجت البورصة من العناية المركزة بعد صيانة ميزانيات الشركات واعادة هيكلتها

البورصة حاليا تعافت وبحالة ممتازة وتحت الملاحظة قبل الانطلاق بانتظار:
1- شركة البورصة وحسم ادارتها
2- حسم تخصيص ملكية الهيئة المهمة بالسوق خاصة في زين وبيتك والكويتية والمواشي
3- تطبيق الحوكمة منتصف 2016.

الانخفاض الحالي بالسوق كان متوقع وهو انخفاض ديسمبر السنوي المعتاد للتجميع قبل التوزيعات

والتحرك المحتمل في 2016 مرهون باوضاع المنطقة وتوجهات كبار المجاميع والصناديق الحكومية خاصة فيما يتعلق بحجم الدعم

واول مؤشر هو انطلاق مجموعة التمدين الحالي الى مستويات ممتازة .. والسوق يترقب انطلاق مجموعة مهمه بالشهور القادمة قد تكون مجموعة ايفا او مجموعة الاستثمارات
ومتابعة انهيار سهم الصناعات الغير طبيعي!!!؟؟؟
والله اعلم

 

[بوسعود]

السلام عليكم ورحمة الله وبركاته

ابتعدت من فتره عن متابعة السوق لما كانت الامور ما تبشر بخير على أمل تتعدل الامور ولما رجعت لقيت الامور اتعس للاسف

اللي مستغرب منه وابي جواب له لو تكرمتوا

شركات ميزانيتها ممتازه وديونها تكاد معدومه او ملتزمه بسدادها وغير متعثره

نشوف أسعارها أقل من القيمة الاسمية وبعيده عنها

شي مو منطقي نهائياً

قلنا فقدنا الثقه وبإدارة الشركات لكن مو لي هالدرجه

اللى صار اليوم ومن طريقة الكميات وبالادنى ولبعض الشركات القياديه التى من شانها تجنى ارباح وتوزيعات
يتضح ان هناك شخص او محفظه يبى يكيش ونطر من اول السوق يبى من هالاسهم يرتفع فوق ويقط عليه .. وشاف الوضع لنهاية السوق الحال على ماهو
باع كمياته بالادنى لضمان بيع اسهمه كامله .. لانه بحاجه للخروج لسيوله خارج البورصه .

 

[أبو فلسين]

اللي صار اليوم وبذات بالمزاد وعلي الاسهم القياديه وهو خبر تخصيص 50 بالميه من أسهم البورصه للمواطنين هالقرار مو عاجبج مجموعة سالم العلي في بداية سماعها بجدية الكلام أعلنت عن الانسحاب من البورصه قلعة مردي وجودها وعدمه واحد
ولما شافت هالكلام جدي وطالع من رجل مسؤل ذات منصب وهو رئيس هيئة سوق المال بتخصيص 50 بالميه بشركة البورصه للمواطنين قامو بالبيع بالمزاد لترهيب وترويع وتخويف لا أكثر
عموما نايف الحجرف لا يصلح أن يكون رئيس هيئة سوق المال هذا المكان يبيله رجل مرن وسهل جدا ويفتح الاستحواذ علي مصراعيه سواء 5 او 10 او 50 بالميه بدون اي الزام بالاستحواذ اوأبلاغ البورصه بأي كمية أستحواذ هالقرار لو يتم بيخلي كل مجلس أداره يخاف علي أدارته لشركه وماراح تم بهذي الاسعار
بس تخلي قانون الاستحواذ والدخول والخروج الابلاغ والا راح نجمد أسهمك انت قاعد تطرد المحافظ والتجار الاصغار بالاستحواذ حتي الشركات الاجنبيه او الخليجيه تخاف ادش بالسوق الكويتي وسبب قوانينهم جدا معقده

 

[رابح رابح]

والله اخترعت من البيع اللي صار اخر السوق
قلت صاير شيء ،، او في شيء خافي
حسبي الله عليهم ،،، مافيا منظمة لا بارك الله فيهم
( اذا دعتك قدرتك على ظلم الناس ،، فتذكر قدرة الله عليك )

مساء الخير بومحمد الانخفاض الضغط كان متوقع والبيع بالمزاد بالحد الادنى يستخدم للضغط على الاسعار فقط والمحافظ ما يقطون بعد المزاد بالادنى اذا بيصرفون يرفعون السهم ويصرفون بالقطاره بعدد صفقات مبير او بصفقات كبيرة بالاتفاق مع الشاري

تذكر البيع القوي اللي صار العام بشهر ديسمبر وشلون فجأة شالو الدعم عن البنوك واجلتي وزين وقطوهم بالقاع وخلو البنوك واجلتي ينهارون حد ادنى وبعد چم يوم دشو عليهم وخموهم بتداول عالي
حتى محافظ الاجل انعفسو وبعد ما ارتفع السوق اسبوعين ما يعطونك اجل
وتفردو بالسوق ماتقدر تبيع لان الاسهم نازله وبدون طلبات ولا يعطونك اجل .
(( شغل مضاربي كبير ومرتب ))

 

[bo fa6mah]

الي صاير فن كبير من ناس كبار ذكروني بفلم نسيت اسمة اميركي لما الاغنياء شافوا الفقراء دشوا السوق باقو فلوسهملا تبيعون

 

[السعد محمد]

تجميع الغني الي مومحتاج فلوسه ... بدل ما يستثمر 5 سنوات ويحقق 20% او 30%

يجمع الاسهم بهذة الاسعار وبعد 5 سنوات يبيع ب100% ربح


واضحه

تجميع وتطفيش

 

[نصوح]

مساء الخير بومحمد الانخفاض الضغط كان متوقع والبيع بالمزاد بالحد الادنى يستخدم للضغط على الاسعار فقط والمحافظ ما يقطون بعد المزاد بالادنى اذا بيصرفون يرفعون السهم ويصرفون بالقطاره بعدد صفقات مبير او بصفقات كبيرة بالاتفاق مع الشاري

تذكر البيع القوي اللي صار العام بشهر ديسمبر وشلون فجأة شالو الدعم عن البنوك واجلتي وزين وقطوهم بالقاع وخلو البنوك واجلتي ينهارون حد ادنى وبعد چم يوم دشو عليهم وخموهم بتداول عالي
حتى محافظ الاجل انعفسو وبعد ما ارتفع السوق اسبوعين ما يعطونك اجل
وتفردو بالسوق ماتقدر تبيع لان الاسهم نازله وبدون طلبات ولا يعطونك اجل .
(( شغل مضاربي كبير ومرتب ))

صباح الورد والمسك حبيب فلبي بوخالد
وجهة نظرك منطقية جدا ،، واحترمها جدا ،، وان شاء الله يكون قصدهم من هالبيع
هو كما ذكرت فقط ،،، ولا توجد اسباب عدائية كتكسير عظم بين اشخاص او تكسير
شركات معينة لاسمائها
كل شيء راح يبين مع الايام ،، وتسلم يابوخالد

 

[الهدف البعيد]

مساء الخير بومحمد الانخفاض الضغط كان متوقع والبيع بالمزاد بالحد الادنى يستخدم للضغط على الاسعار فقط والمحافظ ما يقطون بعد المزاد بالادنى اذا بيصرفون يرفعون السهم ويصرفون بالقطاره بعدد صفقات مبير او بصفقات كبيرة بالاتفاق مع الشاري

تذكر البيع القوي اللي صار العام بشهر ديسمبر وشلون فجأة شالو الدعم عن البنوك واجلتي وزين وقطوهم بالقاع وخلو البنوك واجلتي ينهارون حد ادنى وبعد چم يوم دشو عليهم وخموهم بتداول عالي
حتى محافظ الاجل انعفسو وبعد ما ارتفع السوق اسبوعين ما يعطونك اجل
وتفردو بالسوق ماتقدر تبيع لان الاسهم نازله وبدون طلبات ولا يعطونك اجل .
(( شغل مضاربي كبير ومرتب ))

فعلا كلامك 100%
المزاد لايستخدم للتصريف اطلاقا..
ضيف انة ممكن طلباتهم اهي اللي تحت او محافظ تابعة لهم.. اللي يبي يتخارج من السهم يتم تثبيتة وبث اشاعات ايجابية عالسهم ويتم تصريف الكمية علي دفعات.. اي بمعني تداول السهم مثلا
7 مليون مايتم تصريفة 3 او 4 مليون الباقي اخذ وهات بينهم...هذا لايمنع نزول الاسهم بعد هذا البيع..

دايم منطقي يابوخالد

 

[الهدف البعيد]

شوفو الحسابات النشطة سابقا وحاليا...
اذكر كانت النسبة صادمة لي.. السيولة ليست متداولة بالسوق الكويتي وهي لعدة اسباب