موعد المحكمة الدستورية للحكم ع مادة ال122 لقانون هيئة اسواق المال بتاريخ 30/9 يوم الاربعاء القادم

[هده خله يتحدي]

موعد المحكمة الدستورية للحكم ع مادة ال122 لقانون هيئة اسواق المال بتاريخ 30/9 يوم الاربعاء القادم ان شاءالله ،،،،

 

[صاعد نازل]

الله يبشرك بالخير

وان شاء الله الحكم يتفاعل السوق مع ايجابا

و نخلص من احدى شماعات النزول .

 

[Turkish coffe]

ابشروا بالفقر

 

[السور]

في شي بهالديرة يمشي صح

 

[البيروتي]

انتم مثل اللي يمشي على الجمر
مره الشميتا
مره تعديل قوانين هيئة اسواق المال
مره رفع الفايده
مره نزول النفط
يبا السوق مريض وللحين العلماء حايرين بسبب مرضه
وحتى لو حكمت المحكمه بتعديل الماده 122 تتوقع السوق بيطير

 

[الراقي]

صبحكم الله بالخير
هذي المادة حطينها نفس مسمار جحا
يتعللون فيها اذا توهقو وماعندهم شي
نروح ونرجع العلة الاساسية هي السيولة
التجار يبون الحكومة تدفع والحكومة تشوف الشركات لاتستحق الاستثمار

 

[امبركو]

زين ذكرتنا أخوى/هده خله يتحدى
وان شاء الله يحكمون ببطلان الماده 122 ويرجعون المضاربين رسمى

 

[رمان]

أتوقع تأجيل الحكم لي نهاية السنة

 

[نواخذة الكويت]

موعد المحكمة الدستورية للحكم ع مادة ال122 لقانون هيئة اسواق المال بتاريخ 30/9 يوم الاربعاء القادم ان شاءالله ،،،،

مشكوور للتذكير ... اعتقد خبر جميل

للمضاربين والأكشن

 

[مليون دينار]

مشكوور للتذكير ... اعتقد خبر جميل

للمضاربين والأكشن

الاكشن اليوم على المستثمرون وميادين والمضاربات العنيفه

تاريخ 30 / 9 / يبين اتجاه الأسهم

 

[أبو فلسين]

حكم المحكمه ماراح يأثر سوء بالايجاب والا بسلب
شالو الفلاح وغيرو القوانين ماكو فايده الدعوه صراع بينهم ومايبون السوق يطلع ولما طلع السوق سنه ٢٠١٣ وقفو المضاربين لانه أرتفع فقط
ارد واقولكم هالشاكليه يحتاجون مظاهره أحتجاجيه بقاعة البورصه لا ربما الحكومه تشوفكم ولا ربما صاحب السمؤ يحس فيكم غيره ماراح يرتفع السوق الا لما يمشون علي كلام التجار وينتهي طحن الرؤوس بينهم وأنتهي

 

[رابح رابح]

انتم مثل اللي يمشي على الجمر
مره الشميتا
مره تعديل قوانين هيئة اسواق المال
مره رفع الفايده
مره نزول النفط
يبا السوق مريض وللحين العلماء حايرين بسبب مرضه
وحتى لو حكمت المحكمه بتعديل الماده 122 تتوقع السوق بيطير

صدقت احنا نتعامل مع حالة مرضية نادرة عجز عن تفسيرها دكاترة الاقتصاد.. والتفسير الوحيد لها هو تسميم صغار المساهمين بهدف القضاء عليهم

 

[رمان]

صدقت احنا نتعامل مع حالة مرضية نادرة عجز عن تفسيرها دكاترة الاقتصاد.. والتفسير الوحيد لها هو تسميم صغار المساهمين بهدف القضاء عليهم

طيب لي متي الحال هذا اخوي رابح مافي نهاية حق المسلسل العربي احنا حتي اليونان تاثرني فيها هههههههه

 

[نواخذة الكويت]

طيب لي متي الحال هذا اخوي رابح مافي نهاية حق المسلسل العربي احنا حتي اليونان تاثرني فيها هههههههه

يا الغالي السالفة عبارة عن ...

( إدمان فقط فقط فقط )

 

[رابح رابح]

طيب لي متي الحال هذا اخوي رابح مافي نهاية حق المسلسل العربي احنا حتي اليونان تاثرني فيها هههههههه

اخي الفاضل .. سيستمر الى ان يأتي اليوم الذي يكون فيه ارتفاع السوق يخدم الاطراف التي ضغطت على السوق ودمرت المساهمين

في مقولة سياسية مشهورة تقول :
لايوجد عدو دائم
ولا يوجد صديق دائم
توجد مصالح فقط .

 

[مليون دينار]

حكم المحكمه ماراح يأثر سوء بالايجاب والا بسلب
شالو الفلاح وغيرو القوانين ماكو فايده الدعوه صراع بينهم ومايبون السوق يطلع ولما طلع السوق سنه ٢٠١٣ وقفو المضاربين لانه أرتفع فقط
ارد واقولكم هالشاكليه يحتاجون مظاهره أحتجاجيه بقاعة البورصه لا ربما الحكومه تشوفكم ولا ربما صاحب السمؤ يحس فيكم غيره ماراح يرتفع السوق الا لما يمشون علي كلام التجار وينتهي طحن الرؤوس بينهم وأنتهي

كلامك صحيح كان الفلاح هو من تسبب بنهيار السوق بس الحين شالوه وكنت اتمني ان يحاسب قانونيا

بس الحين صفحة جديدة مع الدكتور نايف الحجرف والكل متفائل بوجوده بهيئه اسواق المال

 

[رمان]

اخي الفاضل .. سيستمر الى ان يأتي اليوم الذي يكون فيه ارتفاع السوق يخدم الاطراف التي ضغطت على السوق ودمرت المساهمين

في مقولة سياسية مشهورة تقول :
لايوجد عدو دائم
ولا يوجد صديق دائم
توجد مصالح فقط .

والله ياشيخ رابح كلامك زي فل وعسل ونظرتك باْذن الله في مكانها ,, يا اخي انت عكس اخون الروقي بوعبدالله لازم يشوف الشي بعينة ياله يصدق هههههه

 

[نواخذة الكويت]

الاكشن اليوم على المستثمرون وميادين والمضاربات العنيفه

تاريخ 30 / 9 / يبين اتجاه الأسهم

شكرا أخوي على الأجابه ..

ولكن أبي نظرتك الأكاديمية

ليش ذكرت المستثمرون وميادين ؟

أبي إجابه محدده لأنهم إصعدوا

كما أسلفت

أبي جواب واضح يبيض يا اسود
اللون الرمادي انا محبوووش

ولا بشك فيك تعرف صندوق مبيت

 

[مليون دينار]

شكرا أخوي على الأجابه ..

ولكن أبي نظرتك الأكاديمية

ليش ذكرت المستثمرون وميادين ؟

أبي إجابه محدده لأنهم إصعدوا

كما أسلفت

أبي جواب واضح يبيض يا اسود
اللون الرمادي انا محبوووش

ولا بشك فيك تعرف صندوق مبيت

هللا أخوي FamouS

ذكرت المستثمرون وميادين مع قرب موعد المحكمة الدستورية

لان المادة 122 تعتبر مهمه للمضاربين الكبار وخصوصا الاسهم الشعبيه واللى عليها دوران عالى واليوم تحرك المستثمرون وميادين والمدينه وهيتس واجوان والمال والمدن

هذا نظرتي ممكن تكون خاطئه

 

[السور]

يقولك اذا شالوا المادة ١٢٢

حتي اللي بالسجن راح يطلعون وبيضاربون علي الاسهم