ابي ترشحون لي افضل ( مكتب وساطه ) بالبورصه

[البيروتي]

يا اخون انا زهقت من مكتبي كل يوم طالعين لي بشغله
وابي اغير اروح حق مكتب سنع

ابيكم ترشحون لي مكتب يكون الدلالوه شقرديه

ويكون عندهم خدمات زينه

ويكون فيه تداول اكترونى

وشاكر لكم

 

[ابو موسى 777]

هرمس ايفا ( الخليج سابقاً)

 

[البيروتي]

هرمس ايفا ( الخليج سابقاً)

شلون خدماتهم ؟

 

[ابو موسى 777]

شلون خدماتهم ؟

ممتاز من سنة ٩٧ انا معاهم
يو جد تداول اكتروني عندهم.

 

[البيروتي]

يعطيك العافيه

 

[بــوزيــاد]

افضل مكتب وساطه

مكتبك الشخصي

عن طريق حسابك البنكي الحالي

او بيتك للتداول او بوبيان للتداول

وتباشر شغلك من جهازك اللاب توب او الهاتف

شغل المكاتب عباله بكل معني الكلمه

وهذي نصيحتي لك

 

[البيروتي]

افضل مكتب وساطه

مكتبك الشخصي

عن طريق حسابك البنكي الحالي

او بيتك للتداول او بوبيان للتداول

وتباشر شغلك من جهازك اللاب توب او الهاتف

شغل المكاتب عباله بكل معني الكلمه

وهذي نصيحتي لك

اخوى انا ادق على الدلال لما اكون عندى مراجعه ولا مشغول
انا اتداول اكترونى واشتري وابيع عن طريق جهازى اللابتوب

بس ابي مكتب نظيف وسنع وخدماته زينه

لان مكتبي طلع لي قرون كل يوم طالعين بسالفه جديده

 

[الراقي]

شتبي بالمكتب والبورصة
افتح حساب اكتروني في واحد من البنوك وانت ملك زمانك وشغلك جدامك
الا اذا تبي الاسهم تكون بأسمك وماتكون بأسم البنك

 

[بــوزيــاد]

اخوي حتي اللي قلت انا عليه

زيد عليهم الاتصال تقدر تتصل وتستفسر وتشتري وتبيع

الزبده حتي لوغيرت المكتب ما اعتقد في تغير

البرامج الشخصي سهل الايداع والسحب والتحويل من حسابك الجاري لحساب التداول

ومافي شي اسمه صدر شيك والكلام هذا

 

[ابوسارونه]

هيرمس ايفا
ممتاز .. وتداول الكتروني
برنامجهم علي الجالكسي غير شغال .. لكن الموقع فيه كل شي تحتاجه ورسومهم معقوله .. ويعطونك فلوس ( لأيام ) اذا حتجت وكنت ثقه لديهم وماتبي تتاخر بتحويل الفلوس - تعامل مع نبيل .. المختص الاكتروني ، تبي رقمه ب الشركه حاضر .. امرره لك اذا كان عندك استفسارات


تداول البنوك ماجربته بس من خلال البحث عرفت فكرته

كل بنك متعاقد مع شركه وساطة .. صانعين له برنامج بأسم البنك
ميزته انك تأخذ من حسابك فورا وتتداول والبنك ( من خلف الستار ) ينهي التسويات الماليه مع المقاصه وشركة الوساطه بآلية معينه

عيوبه .. يأخذ منك عمولتين .. وحده له ووحدة لشركة الوساطه بدون لاتشعر .. لأن عمولته عاليه اللي هي بالحقيقه توزع علي اثنين - ميزته السحب والإيداع للمحفظه سهل وسريع جدا

وسلامتك

 

[امبركو]

مكتب الشرق للوساطه الماليه

 

[البيروتي]

هيرمس ايفا
ممتاز .. وتداول الكتروني
برنامجهم علي الجالكسي غير شغال .. لكن الموقع فيه كل شي تحتاجه ورسومهم معقوله .. ويعطونك فلوس ( لأيام ) اذا حتجت وكنت ثقه لديهم وماتبي تتاخر بتحويل الفلوس - تعامل مع نبيل .. المختص الاكتروني ، تبي رقمه ب الشركه حاضر .. امرره لك اذا كان عندك استفسارات


تداول البنوك ماجربته بس من خلال البحث عرفت فكرته

كل بنك متعاقد مع شركه وساطة .. صانعين له برنامج بأسم البنك
ميزته انك تأخذ من حسابك فورا وتتداول والبنك ( من خلف الستار ) ينهي التسويات الماليه مع المقاصه وشركة الوساطه بآلية معينه

عيوبه .. يأخذ منك عمولتين .. وحده له ووحدة لشركة الوساطه بدون لاتشعر .. لأن عمولته عاليه اللي هي بالحقيقه توزع علي اثنين - ميزته السحب والإيداع للمحفظه سهل وسريع جدا

وسلامتك

يعطيك العافيه اخوى
انا للحين محتار مادري اي مكتب احول
وشكلي باجر بروح هيرمس ايفا وبشوف مكتب ثاني
لانى اليوم سالتهم وقالولي تقدر تتداول بمكتبين

 

[البيروتي]

مكتب الشرق للوساطه الماليه

مشكور ويعطيك العافيه اخوى
شنو وضع مكتب شرق خدماتهم ؟