اخوي العزيز بالانس انا مالقيت الاجابة اللي انا اتبعها في طريقة اختياري للاسهم لذلك حبيت اكتبها لك كتابة:
انا بالنسبة لي كمتداول جديد صارلي سنة ونص بالبورصه ومن صغار المستثمرين...ومالي علم بالتحليل الاساسي ولا الفني اختار اسهمي على اساس هذه الخطوات بالترتيب:
1-توصية او توصية بمتابعة سهم معين
2-اشوف السهم إذا كان من ضمن لائحة شركة بيت الاوراق المالية (يعني اسلامي ولا لأ) وإذا كان اسلامي انتقل إلى الخطوة التالية.
3-اروح حق برنامج التكرشارت علشان اشوف السهم شلون ماشي وعلشان ما آخذ السهم بالعالي (وافضل السهم اللي صارلة تقريبا اسبوعين او اكثر مايتحرك مسافات كبيرة سواء فوق او تحت) واشيك على عدد الصفقات وعلى كميات التداول خلال فترة اسبوعين هل هي بالملايين او على الاقل مليون ولا تداولة بوطقة.
4-ادخل المؤشرنت واشوف موضوع الشركة ومنو اللي كاتب فية هل هو من الثقات المجربين واللي الناس دايما تمدحه..واشوفه شنو يقول عن السهم وشنو الاخبارالايجابية والسلبية الموجوده في الموضوع عن الشركة.
5- وفي النهاية اذا قدرت القى اعلانات ارباح الشركة اقارنها بالسنة اللي قبلها وإذا مالقيت مومشكله خصوصا اذا تحمست للسهم من خلال قراءتي للمؤشرنت.
6-وبذلك اكون قد قررت هل آخذ السهم ولا لأ.
واحيانا لاوالله ما اطبق اللي فوق كله الا اذا كان عليها توصية وانها تكون شركة اسلامية واكون تحمست لموضوعها من خلال الثقات في المنتدى.
واتمنى من الاخوان اذا شافوا شي غلط في طريقتي لأختيار الاسهم انهم يوجهوني ويوجهون اخوانهم.
ولك جزيل الشكر اخوي بوالأنس على طرحك لهذا الموضوع الجميل.
وتفضل بقبول فائق الإحترام.
صراحة مية مية