أبو سعود ٦٦٧
عضو نشط
- التسجيل
- 3 يونيو 2015
- المشاركات
- 43
السلام عليكم و رحمة الله وبركاتة /
انا و اعوذ بالله من كلمة انا شخص متابع بالمنتدى من زمان و تركت البورصة الحمدلله قبل الازمة العالمية و صفيت حلالي بسنة باخر ٢٠٠٧ الحمدلله طلعت منها بربح يرضيني و كان سبب الخروج عندي بنيان / وصارتلي خيره ولا رحت من صيد امس / و رجعت للبورصة ببداية عام ٢٠١٥ براس مال ١٢ الف / ما ودي اطول عليكم بالموضوع بس اشوف انه وقت حلو اذكر بعض الاشياء لأخواني الي ما يعرفون بالتحليل اي شي مثلي / المهم دخلت براس المال المذكور وربحت بالبداية ما يقارب ١٠٠٠ و اول خساراتي كانت بسهم فيفا و بنك وربة كذلك بعدين بديت اتجه للاسهم الي تحت خمسين فلس و اكبر خساراتي كانت بالمدينة شريت ٥٥ وبعته ٤٧ و كذلك المستثمرون اخذته ٣٨ وبعت ٣٤ و ميادين كذلك ما قصر وكثير الوكاد وصل راس مالي على ما اذكر ٤٨٠٠ و الحمدلله من قبل ومن بعد الحين ٩١٠٠ و شهادة لله والفضل لله من قبل ومن بعد و الاخ امبركو يشهد الله ما اعرفه ولا يعرفني لكن كلامه بصفحة ادنك شجعني ولا قصر الى ان دبلت محفظتي ولله الحمد / سبب كتابتي للموضوع انه يا اخوان سوقنا سوق معلومه مو سوق تحليل مع كل الاحترام للمحللين واخص بالذكر البغدادي المخضرم عز لله ان ونعم الشارب والله يعطينا من وقته كثير ولا يقصر مع احد / اغلب الي داخلين السوق الحين شباب والله على قد حالهم ياخذون قروض ولي ما يخافون الله ياخذون حلالهم / فـ الي تكون عنده معلومة يساعد اخوانه و يبقي الثواب من الله وحده / خاصة تويتر صار ارض خصبه للتصريف والتطبيل بدون حسيب ولا رقيب / و عندي عتب صغير ويشهد الله اني خسرت ودعيتله بالخير ولا دعيت عليه لأنه بالنهاية هذا شي مكتوب و لازم الواحد يكون مقتنع و راضي بلي يكتبه الله له / انا قبل فتره شريت المال بعد ما قريت كلام العضو ( البيرق ) كان كلامه قوي عن المال وكان سعر السهم ٤٦ اذا ما خانتني الذاكره و شوفت عينكم الحين السهم ب ٣٤ / والله يعطيه على قد نيته والله عن نفسي ادعيله ولا ادعي عليه بس اتمنى ان الواحد اذا كتب عن شي يكون متأكد وهذا سوق من اقذر من الاسواق مثل الطوفه ان نطحتها عورتك وان طاحت عليك عورتك / وانا عن نفسي بخاطري اقول سياسة بديت استخدمها و لله الحمد من بعدها يا الله لك الحمد صارت المحفظه اذا نقصت ما تنقص واجد و اذا زادت الحمدلله شي يرضيني / اي سهم اشتريه ك مثال شريت بـ ٣٠ و صار معروض ٢٩.٥ على طول اعطيه ٢٩ كوقف خساره قبل كنت اضحك على نفسي بالارتداد وهالكلام اما من اتبعت هالسياسة وانا لله الحمد معين خير / و سامحوني يا اخوان عالاطاله السوق مصكر والحين الشياب قاعدين ويخططون قلت اكت هالموضوع وابوح عن ما بخاطري و اشاركم الحديث و عسا الله يكتب الخير للجميع
انا و اعوذ بالله من كلمة انا شخص متابع بالمنتدى من زمان و تركت البورصة الحمدلله قبل الازمة العالمية و صفيت حلالي بسنة باخر ٢٠٠٧ الحمدلله طلعت منها بربح يرضيني و كان سبب الخروج عندي بنيان / وصارتلي خيره ولا رحت من صيد امس / و رجعت للبورصة ببداية عام ٢٠١٥ براس مال ١٢ الف / ما ودي اطول عليكم بالموضوع بس اشوف انه وقت حلو اذكر بعض الاشياء لأخواني الي ما يعرفون بالتحليل اي شي مثلي / المهم دخلت براس المال المذكور وربحت بالبداية ما يقارب ١٠٠٠ و اول خساراتي كانت بسهم فيفا و بنك وربة كذلك بعدين بديت اتجه للاسهم الي تحت خمسين فلس و اكبر خساراتي كانت بالمدينة شريت ٥٥ وبعته ٤٧ و كذلك المستثمرون اخذته ٣٨ وبعت ٣٤ و ميادين كذلك ما قصر وكثير الوكاد وصل راس مالي على ما اذكر ٤٨٠٠ و الحمدلله من قبل ومن بعد الحين ٩١٠٠ و شهادة لله والفضل لله من قبل ومن بعد و الاخ امبركو يشهد الله ما اعرفه ولا يعرفني لكن كلامه بصفحة ادنك شجعني ولا قصر الى ان دبلت محفظتي ولله الحمد / سبب كتابتي للموضوع انه يا اخوان سوقنا سوق معلومه مو سوق تحليل مع كل الاحترام للمحللين واخص بالذكر البغدادي المخضرم عز لله ان ونعم الشارب والله يعطينا من وقته كثير ولا يقصر مع احد / اغلب الي داخلين السوق الحين شباب والله على قد حالهم ياخذون قروض ولي ما يخافون الله ياخذون حلالهم / فـ الي تكون عنده معلومة يساعد اخوانه و يبقي الثواب من الله وحده / خاصة تويتر صار ارض خصبه للتصريف والتطبيل بدون حسيب ولا رقيب / و عندي عتب صغير ويشهد الله اني خسرت ودعيتله بالخير ولا دعيت عليه لأنه بالنهاية هذا شي مكتوب و لازم الواحد يكون مقتنع و راضي بلي يكتبه الله له / انا قبل فتره شريت المال بعد ما قريت كلام العضو ( البيرق ) كان كلامه قوي عن المال وكان سعر السهم ٤٦ اذا ما خانتني الذاكره و شوفت عينكم الحين السهم ب ٣٤ / والله يعطيه على قد نيته والله عن نفسي ادعيله ولا ادعي عليه بس اتمنى ان الواحد اذا كتب عن شي يكون متأكد وهذا سوق من اقذر من الاسواق مثل الطوفه ان نطحتها عورتك وان طاحت عليك عورتك / وانا عن نفسي بخاطري اقول سياسة بديت استخدمها و لله الحمد من بعدها يا الله لك الحمد صارت المحفظه اذا نقصت ما تنقص واجد و اذا زادت الحمدلله شي يرضيني / اي سهم اشتريه ك مثال شريت بـ ٣٠ و صار معروض ٢٩.٥ على طول اعطيه ٢٩ كوقف خساره قبل كنت اضحك على نفسي بالارتداد وهالكلام اما من اتبعت هالسياسة وانا لله الحمد معين خير / و سامحوني يا اخوان عالاطاله السوق مصكر والحين الشياب قاعدين ويخططون قلت اكت هالموضوع وابوح عن ما بخاطري و اشاركم الحديث و عسا الله يكتب الخير للجميع
يعني دعوة للبيع !
