الخروج في القاع

[الراقي]

هل تعتقد ان الوقت مناسب الان الخروج من السوق وحنا قريبين من القاع ؟
هل تعتقد ان راح يتم كسر القاع لهذا السبب تريد الخروج؟
ماهي المدة اللي توقعها لعودة السوق الى الارتفاع ؟
ماهو البديل عن البورصة في حالة الخروج من السوق؟

 

[التحالف]

هل تعتقد ان الوقت مناسب الان الخروج من السوق وحنا قريبين من القاع ؟
هل تعتقد ان راح يتم كسر القاع لهذا السبب تريد الخروج؟
ماهي المدة اللي توقعها لعودة السوق الى الارتفاع ؟
ماهو البديل عن البورصة في حالة الخروج من السوق؟

صبحك الله بالخير اخوي بوعبدالله
انا لا اتحامل عليك وتعلم معزتك عندي بس مجرد سؤال عن سؤال ... لان سؤالين منهم من مغيبات لا يعلمها الا الله ... أن الأخير فهو تخيير

هل تعتقد ان الوقت مناسب الان الخروج من السوق وحنا قريبين من القاع ؟

أي قاع نحن قريبين منه ؟ هل فيه رقم معين ؟

ماهو البديل عن البورصة في حالة الخروج من السوق؟

التخيير في سحب باقي المال وانقاذ ما يمكن انقاذه حاليا ( للعلم تراني خارج السوق ) أو ابقاء المال وخسارته إلى الزيرو 0 واجابل صفحة التحلطيم واتحلطم وافش غلي هناك

 

[راجي الجنه]

السلام عليكم
متحسف اني ماطلعت الخميس
وحاليا سبب خروجي بعوض خسارتي برا السوق
ورجع لي سهمي رجع فوق الدعومات ايام6300

 

[امبركو]

بالنسبه لى آنا: ماراح أطلع من السوق نهائيا سواءا عند القاع أو فى حال كسره لاسمح الله، حتى لو لم يتبقى إلا آنا وصناع السوق فقط.. وراح أظل أشترى بالأسهم اللى إتعجبنى وسريعة الارتداد ..الأزمه العالميه فى 2008 وغيرها من الأزمات علمتنا الكثير الكثير ...

هذا رأيى لحد يأخذ عليه على الإطلاق ..وليست دعوه للشراء أو البيع

 

[debtor]

بالنسبه لى آنا: ماراح أطلع من السوق نهائيا سواءا عند القاع أو فى حال كسره لاسمح الله، حتى لو لم يتبقى إلا آنا وصناع السوق فقط.. وراح أظل أشترى بالأسهم اللى إتعجبنى وسريعة الارتداد ..الأزمه العالميه فى 2008 وغيرها من الأزمات علمتنا الكثير الكثير ...

هذا رأيى لحد يأخذ عليه على الإطلاق ..وليست دعوه للشراء أو البيع

أنا بعد وياك ماني طالع من السوق...وكل ما يصير وياي كاش رح أشتري وأبيع...

 

[ابو حبيب]

خير الكلام ماقل ودل اعتقد القادم اسوء ونصحك تقرا عن السويسري المعروف بنظرته التشاؤمية "مارك فابر"

 

[ضحية جراند]

السوق عفن مافي شئ اسمه قاع

 

[نصوح]

بوعبدالله أسألتك حلوة .. ولكن أجاباتها راح تختلف
من شخص لآخر كل حسب خسارته من رأس ماله
صحيح بأن سوقنا يعتبر وهم ونحن نعيش بوهم تعدل السوق
من 2008 ولا نرى الا الأنحدار للأسفل
ولكن الحل الوحيد حاليا هو تغيير المراكز وأنتقاء الأسهم اللي عليها
دوران ممتاز وشركة محافظة على أسعارها شوي .. مع أن الكل من الشركات
شايل أيده ...
الزبدة عن نفسي مجهز سيولة أحتياط للدخول في حالة أي سقوط متوقع خلال
هالأسبوعين ... مع أننا أي سوقنا شبه ميت
وما راح يجينا أسوأ من جذي .. وهذا سوق الأسهم يوم لك وعشرة عليك
فاللي للحين ما تعور من السوق يمديه يطلع ويرتاح ويريح نفسه من عوار الراس

 

[آل الخميس]

الراقي راقي وفي طرحه راقي
وهو راقي وجعله الله راقي

 

[نبيه خضر]

نبي القاع يا الطيبين
اغلب المحللين متفقين على ٥٦٠٠ و البعض يقول ٥٢٠٠
و انا اقول سوق العفن ماله قاع

 

[السعد محمد]

اليوم شراء وهذي اسهمي بالصورة

قد اجد اسعار اقل ولكن .. اسئل الله التوفيق

وتم بيع اسهم بكمية وسعر اكبر ( للمصداقية )

يعني اسهم وكاش

 

[امبركو]

نبي القاع يا الطيبين
اغلب المحللين متفقين على ٥٦٠٠ و البعض يقول ٥٢٠٠
و انا اقول سوق العفن ماله قاع

٥٦١٨

 

[المقاتل]

من وصل السوق 6700 قلنا هذا القاع

ورد نزل السوق لل 6300 قلنا السوق هذا قاعه

ورد نزل لل 6089 وقلنا السوق استوى على الاخر

ووصل للعظم 5800 وقلنا ما راح ينزل اكثر من جذيه

واللي قاعد يصير ان فلوسنا تتبخر وحنا نشوف ونطالع

انا ما عندى مشكله انى اشتري بهالاسعار واخليها استثمار بس المصيبه ممكن هالشركات تنشطب ولا تفلس

افضل شي نسويه بالوقت الحالي نطلع ونراقب السوق ومتى ما شفنا له قاع وقام ياسس ممكن نبنى مراكز لاكن بالوقت الحالي

يعتبر انتحار الشراء بهذه الاسعار

وكل واحد عقله براسه ويشوف مصلحته والسوق ما راح يطير

والله يرزق الجميع

 

[ضحية جراند]

ابشركم بعد التحليل الفني الذي عملته وصلت لنتيجه ان القاع للسوق الاوراق الوهميه الكويتيه هو صفر وليس٥٦٠٠

 

[المقاتل]

انا اشوف الوضع مظلم وغامض

والحكومه مخليه الحبل على القارب

وما استبعد نكسر 5000 نقطه

 

[سلفارادو]

الدخول والخروج السريع واستغلال الفرص لتحقيق ربح
والسوق يعطيك فى كل يوم فرصة
لا للخروج الكامل من السوق
قليل متصل خير من كثير منقطع

 

[AMR]

بالنسبه لي انا

الراقي يقول وين نودي فلوسنا

انا و الله الحمد الفرص كثير و على حسب السيوله

العقار مردوده جيد

حاليا انا اشتري الان في البورصه الامريكيه و الان شراء

انا اشتري و اضع اسهمي و السعر و في لحضتها
http://www.indexsignal.com/community/threads/361586/#post-4428418

و انا على اتم الاستعداد اللي يبي اسهم مدى طويل في السوق الامريكي
و اذا تبون احط الاسهم في المنتدى ما عندي مانع

للعلم لن احط سهم الا في محفظتي

و اذا تبون احطهم و تابعونهم ماعندي مانع ولكن لا اكون مقيد فقط في مكان و احد و هي البوصه الكويتيه و لي راي فيها

شكرا

 

[امبركو]

بالنسبه لي انا

الراقي يقول وين نودي فلوسنا

انا و الله الحمد الفرص كثير و على حسب السيوله

العقار مردوده جيد

حاليا انا اشتري الان في البورصه الامريكيه و الان شراء

انا اشتري و اضع اسهمي و السعر و في لحضتها
http://www.indexsignal.com/community/threads/361586/#post-4428418

و انا على اتم الاستعداد اللي يبي اسهم مدى طويل في السوق الامريكي
و اذا تبون احط الاسهم في المنتدى ما عندي مانع

للعلم لن احط سهم الا في محفظتي

و اذا تبون احطهم و تابعونهم ماعندي مانع ولكن لا اكون مقيد فقط في مكان و احد و هي البوصه الكويتيه و لي راي فيها

شكرا

الله يوفقك ويرزقك اخوى /أحمد العازمى
وين ماكنت ..

 

[my pen]

انا كاش والعياذ بالله من كلمة انا

وانتظر منك تحديد القاع اللي اشرت له علشان ادش معاكم .

 

[AMR]

الله يوفقك ويرزقك اخوى /أحمد العازمى
وين ماكنت ..

جزاك الله خير

و الله يوفق الجميع