طلبات جديدة إلى «العدل» لتملّك ------------( وافدين )----------- شققاً سكنية

[بوناصر56]

العنوان اعلاه نقلا عن جريدة الرأي العام
رابط الموضوع كامل :-
http://www.alraimedia.com/Articles.aspx?id=614715


ملخص الموضوع :- ان شركات لديها وفره في المعروض العقاري من شقق بسبب العزوف عن الشراء - ولديها عروض من وافدين للتملك فتقدمت بطلب للعدل من اجل الحصول على موافقه لتملك الوافدين و جاري عرض الطلب على مجلس الوزراء للموافقه .


التعليق :-
بسبب تردي الاوضاع و حكومه غير جاده في الاصلاح الاقتصادي المواطن المسكين مو قادر يشتري حتى شقه مما زاد المعروض

سبب العزوف عن الشراء شايفين حالنا الردي و البورصه طايحه و محد عنده سيوله ووضع اقتصادي من اسوأ الى اسوأ اداره سيئه ...

معروف هناك علاقه بين العرض و الطلب ... المفروض بسبب تصريح الشركات وفره المعروض ان تقل الاسعار


ولكن

بدال لا تنزل الاسعار و يخففون على المواطن وتحقق العلاقه بين العرض و الطلب بسبب الحال المتردي الي قمنا نعيش فيه . يبون يفتحون المجال للوافد و احنا بالطقاق محد يعالج قضيتنا و حالنا الاقتصادي كثر ما اهو ردي بصير اردى .

خيرنا حق غيرنا
وفلوس اغلب الشركات اهي فلوسنا و مساهماتنا

احس اني منهوب وانا في بلدي
معن دائما المقوله قط فلوسك بديرتك تكون بامان
ليش ما حس بالهشي
​

يالله بعد جم سنه خل اشوف منو الدوله الي تستوردني سايق او طباخ او مزارع او صبي

 

[waham]

ههههههههه كملت ..

 

[ولد السرة]

الدولة يبيلها شنب وإلا ...............

اين انتي ياوطن النهار ؟

 

[murgab]

مضخة جديدة لنفخ العقار ! ، اللهم دمر كل من اراد في هذا الشعب و هذا البلد دمار و استفادة شخصية على حساب المال العام و ضرر المواطن و اجعل تدبيره تدميره .

 

[ولد السرة]

مضخة جديدة لنفخ العقار ! ، اللهم دمر كل من اراد في هذا الشعب و هذا البلد دمار و استفادة شخصية على حساب المال العام و ضرر المواطن و اجعل تدبيره تدميره .

اي والله صح لسانك

 

[سالم علي علي]

هههه راح ياكلون الشقق الايرانيين

 

[الموسوعه]

انهيار العقار الف مبروك

 

[بوناصر56]

هههه راح ياكلون الشقق الايرانيين

شنو تقصد ان حتى ايران قعد يتعدل وضعهم واحنا بعدنا


يا ساتر

طبعا ياساتر لان في دول مثل ايران صج اقتصادها منهار بس عندهم صناعه و طب وزراعه واكتفاء فشبه استقرار داخلي .


واحنا لا اكتفاء و لا صناعه و لا طب وكنا نتعالج بدول ونستورد من دول منهاره لان نستفيد من فجوات سعر الصرف

عالاقل في دول نفس الصين لان مكتفين ذاتي وعندهم موارد و صناعه والحين نفط صخري فالحفاظ على العمله والقوه الشرائيه ماراح تكون من اولياتهم .


اما الكويت وضعنا يختلف محتاجين العمله و العملات الصعبه ايضا لان نسد حاجاتنا من الخارج من غذاء و كساء و صناعه و علاج ونبي يكون عندنا قوه شرائيه . يعني لو فقد الدينار قوته اتوقع الناس تجن بقوه

 

[الراقي]

الشقة اللي كان سعرها ٢٠الف الحين ١٠٠الف
كم وافد يقدر يدفع ١٠٠الف وليش يدفع هذا المبلغ في الاساس حتى لو اراد العيش في الكويت يحطهم وديعة ومن ارباح الوديعة يدفع ايجار الشقة
خايف من دينار يحولهم اي عملة اجنبية ويروح يحطهم وديعة عندهم يعطونة الجنسية وارباح

 

[ali-22]

احنا بهالفترة الزمنية التجار اهم المسيطرين على البلد ويديرونها على كيفهم
يصعدون العقار ( املاكهم ) لاسعار خيالية ويخفسون بالبورصة وحلال الناس هم على كيفهم

 

[ali-22]

يشترون عقار فى بلادهم ليش يشترون بالكويت !!!!!!
الاجانب ال شرو في دبي هناك الاضاع جدا مختلفة عن الكويت ...... الاقتصاد عندهم مفتوح وتسهيلات بكل الامور

 

[بوناصر56]

الشقة اللي كان سعرها ٢٠الف الحين ١٠٠الف
كم وافد يقدر يدفع ١٠٠الف وليش يدفع هذا المبلغ في الاساس حتى لو اراد العيش في الكويت يحطهم وديعة ومن ارباح الوديعة يدفع ايجار الشقة
خايف من دينار يحولهم اي عملة اجنبية ويروح يحطهم وديعة عندهم يعطونة الجنسية وارباح

وربي انك راقي وتفكيرك راقي

فعلا اذا عنده ١٠٠ الف ومايبي يدفع اجار

يحطهم وديعه ويدفع منها كافي هم يساهم باقتصادنا و بنموه
هم يساهم في النمو العقاري واستقرار قطاع العقار
وتتحسن المعيشه للجميع
اما لتنشيط الصفقات العقاريه بافكار تعود سلبا على المواطن مستقبلا هذا خطر .


وربي بلبلد عندنا عقليات مفكره يابوعبدالله ومبدعه ومنتجه بس لو يشيلون العقليات المعمره اصابها الدهر والخرف

 

[الراقي]

وربي انك راقي وتفكيرك راقي

فعلا اذا عنده ١٠٠ الف ومايبي يدفع اجار

يحطهم وديعه ويدفع منها كافي هم يساهم باقتصادنا و بنموه
هم يساهم في النمو العقاري واستقرار قطاع العقار
وتتحسن المعيشه للجميع
اما لتنشيط الصفقات العقاريه بافكار تعود سلبا على المواطن مستقبلا هذا خطر .


وربي بلبلد عندنا عقليات مفكره يابوعبدالله ومبدعه ومنتجه بس لو يشيلون العقليات المعمره اصابها الدهر والخرف

مشكور على المدح اللي ما استحقة
لاتصدق الجرايد وسبب ان اغلب ملاكها حرامية وتاريخهم اسود في الجشع
اذكر قبل مدة طويلة حطو صور لمستشفى الطب النفسي واغلبها صور كذب ودبلجة وبعدها تم نزول مناقصة لبناء مستشفى جديد وتم سرقة المناقصة ٣مرات واخر شي وزارة الاشغال كملت المشروع وتم تسليمة ناقص
من المضحك مستشفى جديد تم تبديل جميع البايبات لمياه الشرب لانها لاتصلح لاستخدام الادمي
الجرايد عندنا تتبع التجار وذيب مايهرول عبث

 

[BOAHMAD]

مااظن الحكومه اذا كان عندها وعي وبعد نظر انها راح توافق على طلب تملك الاجانب للشقق !
بعدين الاجنبي شنو شايف عشان يتملك ؟ شايف ابن البلد يتحلطم ليل نهار واقتصاد تعبان ! مااظن انه شايف شي يشجعه على التملك
فئه واحده وهي قليله من ترغب بالتملك : الاجنبي المتزوج من كويتيه
واصحاب رؤوس الاموال وتفكيرهم تجاري ، يسكن بحلاله ويبيعه بعدين ولا يخسر فلوس الايجار

اذا امس بالتلفزيون يقولون الحر السنه مامر من ١٣٦ سنه والكويت الاحر عالميا !!! الاجنبي اذا يفهم يروح يشتري بكندا ومعاها جنسيه

 

[بوناصر56]

مشكور على المدح اللي ما استحقة
لاتصدق الجرايد وسبب ان اغلب ملاكها حرامية وتاريخهم اسود في الجشع
اذكر قبل مدة طويلة حطو صور لمستشفى الطب النفسي واغلبها صور كذب ودبلجة وبعدها تم نزول مناقصة لبناء مستشفى جديد وتم سرقة المناقصة ٣مرات واخر شي وزارة الاشغال كملت المشروع وتم تسليمة ناقص
من المضحك مستشفى جديد تم تبديل جميع البايبات لمياه الشرب لانها لاتصلح لاستخدام الادمي
الجرايد عندنا تتبع التجار وذيب مايهرول عبث

اهو الكلام ان طلب تم رفعه وجاري تحويله لمجلس الوزراء فالجرايد مالهم شغل


بخصوص فكرتك فعلا عجبتني ...
على فكره في دول تطبقها بس عندهم عائد جيد جدا للودائع نفس تركيا يطبقونها

لكن انا عجبتني مع تعديلات بسيطه

طبعا الشركات الي تبيع جزء من عقار مثل شقه تمليك محتاجه سيوله للتوسع والتطوير لذلك ما تأجر

فالبتالي ما يمنع ان تصدر صك معلوم المده للوافد المستثمر مع ضمان التاجير مثلا

او ما يمنع ان تاخذ تامين من الوافد وتقطه بلبنك مقابل اقتراض بضمان الوديعه والوافد يستثمر


طبعا هذي افكار مبدئيه وممكن تحمل سلبيات

لكن المقصد من الكلام
لابد ان يكون هناك خطط من اجل المستقبل اما انك تحط خطط مؤقته لتنشيط تداول العقار والحفاظ على اسعاره لان ما تبونها تنزل والمواطن بالطقاق ما تعالج مشاكله صدقني بتزيد المشاكل وبتخرج عن السيطره

 

[بوناصر56]

مااظن الحكومه اذا كان عندها وعي وبعد نظر انها راح توافق على طلب تملك الاجانب للشقق !
بعدين الاجنبي شنو شايف عشان يتملك ؟ شايف ابن البلد يتحلطم ليل نهار واقتصاد تعبان ! مااظن انه شايف شي يشجعه على التملك
فئه واحده وهي قليله من ترغب بالتملك : الاجنبي المتزوج من كويتيه
واصحاب رؤوس الاموال وتفكيرهم تجاري ، يسكن بحلاله ويبيعه بعدين ولا يخسر فلوس الايجار

اذا امس بالتلفزيون يقولون الحر السنه مامر من ١٣٦ سنه والكويت الاحر عالميا !!! الاجنبي اذا يفهم يروح يشتري بكندا ومعاها جنسيه

بالعكس بوحمد شكلك ما عمرك جربت تسكن بشقه عادي تدق على مكتب عقاري تقوله دورلي شقه يصدمك شنو جنسيتك تقول كويتي يقولك باي ماكو شقق للكويتيين


المثال اعلاه دليل على ان اصحاب الشقق شبعانين و فيه مستأجرين و كلا وافدين وراضين يدفعون .


وطبعا المستثمر الاجنبي يبي الكويت لان
مساحتها صغيره - كثافه سكانيه عاليه - قله المواطنين - كثره الوافدين الوافد مو نفس الكويتي يطلع له سكن مضطر باجر


المواطن شكله بتتصكر بويهه من كل جهه

 

[السعد محمد]

الوافد يدفع اجار شهري ب 250 دينار خلال 15 سنة = 45000

ياخذ بداله قرض بضمان الشقه

وبالتالي البنوك هي من يشتري الشقق

 

[السعد محمد]

مليون شقة ب 45 مليار دينار خلال 15 سنة
وبالتالي السوق العقاري = يحقق مبيعات 3 مليار بالسنة

 

[الموسوعه]

خبر جدا ايجابي للقطاع البنكي