&@أفكار شخص متفائل@& الجزء الثاني عشر

[نواخذة الكويت]

بسم الله الرحمن الرحيم

لن أطول عليكم بقوانيين الصفحة بعد الضغط والإلحاح علينا من رواد الصفحه قرارنا فتح صفحة جديده لهم ونقدم لهم بشرى ساره
بأن صفحتنا سوف تكون. 24 ساعه
وشروط الصفحة كالآتي :~

١ - التفاؤل والمحبه والصداقة والثقه سمة الصفحة

٢ - احترام نظام و قوانيين المنتدى
حيث لهم فضل كبير علينا في تعلم عالم الإقتصاد والبورصات
بالعربي إن دخل مشرف صفحتنا خلو يقول اللي يبي حتى لو ياخذ بيبسي من الثلاجه

٣ - الحوار مقبول ولكن بدون جدال فكل شخص حرر في قراره
ولكن بدون تجريح أو سب وكل شخص يحترم وجهة نظر الآخر

٤ - التحليل الفني ممنوع جملة وتفصيلا

٥ - الأسهم اللتي تذكر بالصفحة ليست توصية إنما القرار قرارك أيها القاريء

٦ - السياسة و الطائفيه ممنوعه منعاا باتاا ولن نسمح بجرح كرامة
أي شخص بالصفحة

٧ - لنجعل الصفحة صديقة البيئة بالحب والصداقة والأخلاق والمنفعة
والتفاؤل لحياة أجمل

هاذي هي شروط أفكار شخص متفائل

والله ولي التوفيق

 

[نواخذة الكويت]

خارطة طريق السوق للأيام الثلاث القادمة .. سامحوني بختصر بدون ذكر السبب اليوم تعبت وانا اكتب

بختصار ٣ أيام جميلة وارتفاع مؤشر وسيولة السوق اذا كان بالقاع ويبون يرفعونه ترى ما يخافون من اللي كانوا شارين لا لا لا

لأن اللي شارين امنزلينه عليهم وايد فصعوده لو اسبوعين يمكن الواحد إيله الدور سهمه ويربح

الخوف من اللي ما شروا ومتربصين الفرصه ولا المضاربين أو التجار والسيوله الكبيره اللي ما دشت السوق

بس رأس المال جبان ما يغامرون
بإنتضار نزول السوق ولو يريح يوم واحد

وهذا اللي ما يتمناه صانع السوق
فينتع السوق نتع وكل يوم يطوف أخضر تزيد مخاوفهم من الدخول

حتى يستقر السوق على المستوى المطلوب فيبدأ بالتصحيح والدخول ولكن بخساير قليلة للمؤشر

وسلملي على اللي ما دخل امبجر

والله أعلى وأعلم .. كل اللي قلته وجهة نظر تحتمل الخطأ قبل الصواب

تقديم نسخه لصفحة البغدادي إهداء

سلام

 

[llhamadll]

نبارك للأخ العزيز FamouS (فيموس) علشان الكل يلفظ اسمك عدل
بالتوفيق ان شاء الله

 

[نواخذة الكويت]

الله يبارك فيك

ياااارب تنترس رواد

 

[نواخذة الكويت]

صفحة جديدة بعد مالهم حجة الصفحة المسكونه وسكرناها

 

[دايــم]

حلوة الجزء الثاني عشر
بالتوفيق يابطل ،، ومنها للاعلى

 

[نواخذة الكويت]

حلوة الجزء الثاني عشر
بالتوفيق يابطل ،، ومنها للاعلى

الله يدنياااا يحسدون الفقير على الخبزه اليابسه

بعد شدوا حيلكم وطوفونه محبة الناس والرواد إهيي اللي قلبت الأجزاء

بس تمووون منور منور بو توركي

 

[ابوسارونه]

مبروك افتتاح الجزء الثاني عشر/ صج ان فيه عشره مفقودين بس عادي اهم شئ أن فيه كلمة الثاني / يعني نصف الحقيقه موجوده

 

[نواخذة الكويت]

مبروك افتتاح الجزء الثاني عشر/ صج ان فيه عشره مفقودين بس عادي اهم شئ أن فيه كلمة الثاني / يعني نصف الحقيقه موجوده

حق الشماته يا سعد انا ادري منو دازه عليي

 

[نواخذة الكويت]

رواد صفحتي الكرام المداعبه سمت أصدقائي ولكن الجزء فعلا الثاني عشر

وتميزت صفحتنا منذ القدم
بأنها السباقه بالمنتدى الموقر

 

[دايــم]

الله يدنياااا يحسدون الفقير على الخبزه اليابسه
بعد شدوا حيلكم وطوفونه محبة الناس والرواد إهيي اللي قلبت الأجزاء
بس تمووون منور منور بو توركي

الله يالدنيا ،،،

صرت مشهور الحين ،، وماقمت تقول اسمي عدل بعد

 

[ابوسارونه]

الله يالدنيا ،،،

صرت مشهور الحين ،، وماقمت تقول اسمي عدل بعد

ماعليك بوتركي ,,, مصيره يرجع
أنت اكتب بتوقيعك / حاول تفتكرنى - وبيت شعر
آسف علي وقتن مضى واستحله ،،، يومه يعاملنى بلطف ودلال
ويندم - وبيعدل الإسم

 

[نواخذة الكويت]

الله يالدنيا ،،،
صرت مشهور الحين ،، وماقمت تقول اسمي عدل بعد

بوتركي

بوتركي

بوتركي

ولا تزعل قول بكتب ابصفحتكم جديده وتشوق

 

[ابوسارونه]

خلاص ندم - مو لازم تغيير التوقيع

حبيب فيموس ,,, أتمنى لك التوفيق

 

[حمد44]

هذا صار مسلسل باب الحاره مو موضوع

 

[نواخذة الكويت]

طول عمرج الأولى يا صفحتي

ودلع يا كايدهم خليهم يشوفونك

الثاني عشر

 

[دايــم]

ماعليك بوتركي ,,, مصيره يرجع
أنت اكتب بتوقيعك / حاول تفتكرنى - وبيت شعر
آسف علي وقتن مضى واستحله ،،، يومه يعاملنى بلطف ودلال
ويندم - وبيعدل الإسم

واليوم قلبي كل ساعه يتله
...... انسى زمانٍ في غرامه حلالي
لي حل في دارٍ تراني بحله
.... لو هو بنارٍ تلهب القلب صالي

 

[نواخذة الكويت]

صلوا على النبي

الثاني عشر واقع أليم ولازم تتقبلونه

 

[llhamadll]

ما شاءالله بويوسف...
توقيتك لفتح الجزء الثااااااااني عشر مدروووس....
ان شاءالله السوق فوووق والخير بوجهك
بالتوفيق

 

[نواخذة الكويت]

ما شاءالله بويوسف...
توقيتك لفتح الجزء الثااااااااني عشر مدروووس....
ان شاءالله السوق فوووق والخير بوجهك
بالتوفيق

الناس تحب المظاهر اصلاا بغيت افتتح الصفحة عند النافوره الراقصه
بس ما كان لي خلق
يكفيناا رسميا إن اكثر أجزاء من الصفحات والرواد والمحللين