عندي سؤال بخصوص توزيع الارباح

[قناص_السوق]

السلام عليكم
عندي اسأله على الامثله التاليه :-

لو شركه قالت اقر مجلس الاداره توزيع ارباح بواقع ١٠٪ للمساهمين من تاريخ انعقاد الجمعيه العموميه ٢٤-٦-٢٠١٥ (نفس تاريخ يوم انعقاد الجمعيه )

فهل يستحق الارباح الي شرى بنفس اليوم والتاريخ ؟ سواء قبل او بعد الانعقاد ؟



لونفس المثال السابق بس الارباح راح تنزل للمساهمين بتاريخ ٢٨-٦-٢٠١٥ اي بعد ثلاث ايام من اعلان الارباح

السؤال ؛ لو شخص باع اسهمه بعد انعقاد الجمعيه و قبل نزول الارباح بحساب المساهم يعني مثلا باع تاريخ ٢٧-٦-٢٠١٥ (و انعقاد الجمعيه ٢٤-٦-٢٠١٥ واعلان الارباح للمساهمين من تاريخ انعقاد الجمعيه لكنها تنزل بالحساب ٢٨-٦) فهل يستحق الارباح ولا لء ؟؟؟

لو شركه مثلا اجتمعت ٢٤-٦-٢٠١٥ واقر مجلس الاداره توزيع ارباح لمساهمين بسجلات الشركه بتاريخ قديم شوي مثلا ٢٤-٣-٢٠١٥

هل الشخص الي كان يملك اسهم قبل ٢٤-٣-٢٠١٥ يستحق ارباح حتى لو مثلا بايع اسهمه بتاريخ ٢٦-٣-٢٠١٥ ؟


اخيرا
هل الارباح تروح تلقائي لشركة الوساطه ولا لازم نروح المقاصه ؟

وشلون نعرف اذا في لنا ارباح مو مستلمينها ولا شي مني مناك ؟

 

[الراقي]

الشخص يستحق الارباح اذا كان يملك السهم يوم الجمعية العمومية بعد اقفال السوق
يقرون توزيع الارباح اليوم نفسة ثاني يوم يبيع السهم ماله شغل خلاص هو يستحق الارباح
وتاريخ توزيع الارباح ليس له اهمية
والارباح نوعين تروح على طول في الحساب والنوع الثاني تروح برج احمد تاخذ شيك وبنفس المكان يشوفون لك شي مني مناك

 

[قناص_السوق]

انا كان عندي اسهم بلتجاريه العقاريه ..واقرت توزيع ٦٪ و اسهم منح


. وبعت الاسهم كلها بعد الجمعيه العموميه المنعقده بتاريخ ٢٩-٣-٢٠١٥


ما شفت لا ارباح بالمحفظه دشت ولا اسهم منح ولا شي ليش وين اجيك او وين اروح؟؟؟؟
هل استحق ولا لء ؟؟؟؟

شركة الوساطه مالتي الاتحاد


هذا كان نص اجتماع الجمعيه

أعلن سوق الكويت للاوراق المالية بأن الجمعية العامة العادية وغير العادية للشركة التجارية العقارية (التجارية) قد انعقدت يوم الاحد الموافق 29-03-2015 ، وأقرت الموافقة على توزيع ارباح عن السنة المالية المنتهية في 31-12-2014 بما يلي:1. توزيع ارباح نقدية بنسبة 6 % من القيمة الاسمية للسهم (6 فلس كويتي لكل سهم) للمساهمين المسجلين بسجلات الشركة بتاريخ انعقاد الجمعية العامة.2. توزيع اسهم منحة بنسبة 5 % من رأس المال المدفوع (5 اسهم لكل 100 سهم) ، وذلك للمساهمين المسجلين بسجلات الشركة بتاريخ يوم العمل السابق لتعديل سعر السهم.

 

[قناص_السوق]

الشخص يستحق الارباح اذا كان يملك السهم يوم الجمعية العمومية بعد اقفال السوق
يقرون توزيع الارباح اليوم نفسة ثاني يوم يبيع السهم ماله شغل خلاص هو يستحق الارباح
وتاريخ توزيع الارباح ليس له اهمية
والارباح نوعين تروح على طول في الحساب والنوع الثاني تروح برج احمد تاخذ شيك وبنفس المكان يشوفون لك شي مني مناك

مشكور اخوي اشلون اعرف الارباح تتبع اي نوع من النوعين الي ذكرتهم وومكن تقرى مشاركتي الي فوق ؟؟؟


×××× وممكن سؤال اذا كان كلامك صح اليوم مجموعة بيت الاوراق الماليه اقرت الجمعيه العموميه توزيع ارباح ١٠٪ من تاريخ انعقادها اليوم ٢٤-٦-٢٠١٥ ليش محد شرى بالسهم عشان الارباح ؟ معن راح يستفيدون

 

[fwaz70]

مشكور اخوي اشلون اعرف الارباح تتبع اي نوع من النوعين الي ذكرتهم وومكن تقرى مشاركتي الي فوق ؟؟؟


×××× وممكن سؤال اذا كان كلامك صح اليوم مجموعة بيت الاوراق الماليه اقرت الجمعيه العموميه توزيع ارباح ١٠٪ من تاريخ انعقادها اليوم ٢٤-٦-٢٠١٥ ليش محد شرى بالسهم عشان الارباح ؟ معن راح يستفيدون

اخي الكريم كلام اخوي الراقي صحيح فيما يخص الارباح النقديه فقط اما بخصوص ارباح المنحه فالقرار المطبق من العام انك تستحق المنحه بعد نزول اعلان رسمي بالجريده الرسميه وليس بعد الجمعيه العموميه مباشره
يعني لو بعت اليوم التالي للجمعيه لا تستحق المنحه، لذلك ينزل اعلان بالبورصه يحدد اليوم اللي ينزل فيه السهم من غير منحه

 

[الأسد11]

اعتقد اغلب شركات الخرافي لها محافظ
وهذي المحافظ يديرها شركة الخير وطبعا راح يستفيدون

 

[fwaz70]

اعتقد اغلب شركات الخرافي لها محافظ
وهذي المحافظ يديرها شركة الخير وطبعا راح يستفيدون

اعتقد تقصد موضوع آخر

 

[قناص_السوق]

اخي الكريم كلام اخوي الراقي صحيح فيما يخص الارباح النقديه فقط اما بخصوص ارباح المنحه فالقرار المطبق من العام انك تستحق المنحه بعد نزول اعلان رسمي بالجريده الرسميه وليس بعد الجمعيه العموميه مباشره
يعني لو بعت اليوم التالي للجمعيه لا تستحق المنحه، لذلك ينزل اعلان بالبورصه يحدد اليوم اللي ينزل فيه السهم من غير منحه

.


مافهمت اخوي يعني انا استحق ولا لء للارباح وين اشوف اذا في لي ارباح ؟

 

[الراقي]

.


مافهمت اخوي يعني انا استحق ولا لء للارباح وين اشوف اذا في لي ارباح ؟

اخوي انت اي شركة مشتري فيها وهل الشركة اعلنت عن توزيع الارباح
من الاخر روح برج احمد وفك نفسك يعطونك كل شي

 

[قناص_السوق]

اخوي انت اي شركة مشتري فيها وهل الشركة اعلنت عن توزيع الارباح
من الاخر روح برج احمد وفك نفسك يعطونك كل شي

اخوي انا مشتري بلتجاريه العقاريه

لو تقرى المشاركات مقتبس نتائج اجتماع الجمعيه للشركه

 

[الراقي]

اخوي انا مشتري بلتجاريه العقاريه

لو تقرى المشاركات مقتبس نتائج اجتماع الجمعيه للشركه

اخي العزيز اللي اعرفة ان التجارية العقارية هذي السنة لم توزع ارباح

 

[قناص_السوق]

اخي العزيز اللي اعرفة ان التجارية العقارية هذي السنة لم توزع ارباح

أعلن سوق الكويت للاوراق المالية بأن الجمعية العامة العادية وغير العادية للشركة التجارية العقارية (التجارية) قد انعقدت يوم الاحد الموافق 29-03-2015 ، وأقرت الموافقة على توزيع ارباح عن السنة المالية المنتهية في 31-12-2014 بما يلي:1. توزيع ارباح نقدية بنسبة 6 % من القيمة الاسمية للسهم (6 فلس كويتي لكل سهم) للمساهمين المسجلين بسجلات الشركة بتاريخ انعقاد الجمعية العامة.2. توزيع اسهم منحة بنسبة 5 % من رأس المال المدفوع (5 اسهم لكل 100 سهم) ، وذلك للمساهمين المسجلين بسجلات الشركة بتاريخ يوم العمل السابق لتعديل سعر السهم.

هذا الاجتماع شنو ؟


وكنت املك فيها ب ٢٠١٤

 

[الراقي]

هذا الاجتماع شنو ؟


وكنت املك فيها ب ٢٠١٤

التاريخ اللي انت حطه صحيح بس في شي غلط

 

[قناص_السوق]

اي كنت املك فيها ب ٢٠١٤

اخي العزيز اللي اعرفة ان التجارية العقارية هذي السنة لم توزع ارباح

شنو الغلط ؟

 

[الراقي]

اي كنت املك فيها ب ٢٠١٤




شنو الغلط ؟

دقايق احوس لك وشوف وين حل اللغز

 

[قناص_السوق]

كثر الله من امثالك اخوي الرازي ما اعتقد في شي غلط وكل شي انا كاتبه واضح

يا جماعه ترى قلبي بدى يحترق من هالبورصه لو عندهم شفافيه جان مو لازم اسامينا تروح عندهم كل ما تملكنا و يعرفون كميتنا


جان يحولون الاسامي الى رموز وارقام مشفره


الي يعرف نستحق ارباح ولا لء يبلغنا الله يجزاكم خير

 

[الراقي]

روح برج احمد لك ارباح نقدي ومنحة ان شاء الله

 

[قناص_السوق]

مشاهدة المرفق 241303 مشاهدة المرفق 241304
روح برج احمد لك ارباح نقدي ومنحة ان شاء الله

الله يجزاك خير بس وين مكانهم واي دور وشنو طلباتهم

 

[الراقي]

الله يجزاك خير بس وين مكانهم واي دور وشنو طلباتهم

البطاقة المدنية بس ومكانهم على الخليج مباشرة اول ماطوف المسجد الكبير تشوف عمارة بروحها مكتوب عليها برج احمد
ولكن اللي سمعت قبل مدة انهم يبون ينتقلون الى برج الحمرا هل تم الانتقال او ماتم الله اعلم
على العموم برج الحمر قريب مكان السينما الحمرة قبل

 

[قناص_السوق]

شكرا لك اليوم بروح امر