الأسهم الممتازة مالياً وفنياً

[ولد السرة]

السلام عليكم شباب

أتوقع حان الأوان ان نفكر صح ونبتعد عن الأسهم السيئة والتي غالباً ماتكون تحت ال١٠٠ فلس والتفكير بأسهم لديها إدارة ممتازة لأن السمعة اهم شي بالبزنس وملاءة مالية ممكن تتحمل أي ضربة إقتصادية أو غيرها

يرجى ابداء الراي وذكر الأسباب حتى الكل يستفيد

 

[سرور]

بيتك TOP
والله يشهد لا املك بهذا السهم

 

[Bomesk]

وعليكم السلام
عزيزي
سوقنا اللي يبونه يصعدونه ولو ان الشركه على حافة الافلاس واللي مايبونه ينزلونه ولو ان الشركه ممتازه ذات ماليه عاليه وارباحها ممتازه

 

[الراقي]

الناس تبي دوبل
ماينفع الاسهم الكبيرة
شوف الاسهم اللي عطت خلال سنتين من ٥٠٪ الى ٣٠٠٪ هي الاسهم السكراب اللي شايلة خسائر مرحلة
كل اهل البورصة يدرون ان سهم فيفا محترم وعندما وصل سعر ٤٧٥كان فرصة طيبة ولكن منو اللي استثمر فيه

 

[السعد محمد]

السوق تقريبا .... يتحرك ... ك كتلة واحدة .. الفرق فقط في السهم اللي يوزع اكثر من الثاني

 

[فهد123]

المبانى من الاسهم الممتازة وبيت التمويل من وجهة نظرى هذه الاسهم التى تستحق الاستثمار

 

[الهاجري6]

الله اعلم كان الناس دشت كل سهم لاكن معروف العامة وهو اسهم البنوك اولا ثانيا اسهم الاتصالات وثالثا عند الجزيره الطيران وعندك الافكو واعيان العقاريه ومشاريع لاكن في صعووود ثقال عكس الاسهم الاخري خسرانه ومديونه وتصعد بسرررعه البرق اكبر دليل المدينة وصلت خانات 30 وارتفعت الي خانات الخمسين مدة شهرين السوق الكويتي سوق لايحترم احد عندنا صناع السوق اخطبوطات يعرفون يلعبون عدل بالاسهم

 

[متفائل على طول]

انا اعتقد المدن
ورمال
ورمال بس يشوفله صرفه ويه دينه ممكن يتخطى المدن

 

[ولد السرة]

حلو كلامكم بس قصدي مو أضمن وأريح لو تستثمر بالشركات التشغيلية اللي عندها مجالس إدارة تحترم الشعب والمستثمرين كمنتزهات والتجارية وألافكو والجزيرة وإعتقادي سهم ذهبي هو سهم الراي بعد إغلاق جريدة وقناة منافسة وموسم رمضان أتوقع توزيعة خيالية هالسنة وممكن نشوف القيمة الدفترية توصل الى ربع دينار للعلم املك بالسهم ولكن بغض النظر لم أخسر خسارة كبيرة الا من الأسهم المعفنه مثل ماتتعلق الأسهم العفنة تنزل حد أدنى ليش تعذب نفسك بفلوسك

ولا شرايكم ؟

 

[ولد السرة]

والله يالربع التداول صاير ممل ويضيق الخلق حتى مالي خلق أفتح الشاشة هل فعلاً سوقنا أول سوق بالمنطقة أصبح مضجراً وطارد للأموال ؟؟

هذا واحنا كل سنة ماشاء الله فوائض مالية ولدينا شركات عالمية

ما أقول الا الله يرحم زمان أول

 

[متفائل على طول]

من كثر ماهو ممل اليوم صفاة عقار طالب ١١ مليون عال١٨ وانا عارض جم اسهم بقيمة سبعمية دينار فقط عال١٨ ونص ويقعد ساعة وربع بالأخير خمطهم وحط طلب فوق المليون
صج نحاسه

 

[محمد000]

ابي اعرف سهم مشرف رأس مالة 30 مليون ومناقصاتة الي أخذ من الدولة طافت ال مليار دينار وسعرة بالحضيض ليييييش شنو المشكلة ادارتة مومحترمة أو شنووو بالضبط وين الشرطة عنهم هل هووو تشغيلي صحيح أو من مخلفاات شركات العفن أو المشكلة ادارتة خرطي
هل من مجييييب

 

[الراقي]

اغلب اللي اخذو ارباح الحين خسرانين
مادري ليش موزعين الارباح
يعني الصناعات يوم توزيعة ١٩٠فلس شيل ١٢فلس توزيعة يعني ١٧٨ اليوم السهم ١٧٠ فلس
نفس الشي الامتياز والاولى و اسيا و مزايا و الامان وبيتك و الكثير من الشركات

 

[ولد السرة]

اغلب اللي اخذو ارباح الحين خسرانين
مادري ليش موزعين الارباح
يعني الصناعات يوم توزيعة ١٩٠فلس شيل ١٢فلس توزيعة يعني ١٧٨ اليوم السهم ١٧٠ فلس
نفس الشي الامتياز والاولى و اسيا و مزايا و الامان وبيتك و الكثير من الشركات

اي والله مادري لى متى هالنشفان المفروض الحكومة تدش وتخمط بالأسهم عالأقل تصير فيه حركة بعدها الناس تدش ويرد كل شي طبيعي وأحسن من اول لكن مادري يمكن باجي الدول مايفهمون بس احنا اللي نفهم ؛)

 

[troy1]

الانماء ممتاز ماليا
ناقص بس يوزع ارباح
فنيا ما افتي فيه لكن واضح انه خرطي
وصانع سوقه لا يبيع لك ولا يشتري منك

 

[Turkish coffe]

والله السوق هذا مافيه اسهم ممتازة لافنيا ولا ماليا
ارباح بالملايين والسهم بالقاع
شنو استفدنا
خيطي بيطي

 

[AMR]

يا سبحان الله

فعلا الشي السيئ مو الكل يشوفه في ناس اتشوفه زين حظوظ و الله شتسوي ولكن الواحد يقول الحمدالله على كل شي

السؤال المهم :
هل يوجد شركه بالسوق الكويتي جيد لانني اجزم وابصم بالعشر ما في ممتازه
السهم السيء يعاقب في جميع الاسواق المال العالميه الا بوصه الكويت يكافئ

انا كل ما قالي احد شوفلي السهم احاول انني اجمع معلومات عنه بالاخير يطلع فيه لغز جبير بالعربي بوقه لا و ماترقع

اللي ابي اوصله بوصه الكويت شلة حراميه تدير السوق و بدون رقابه تذكر

شركة تخسر اكثر من 70% في مجال العقار و بنفس الوقت العقار يرتفع 200% !!!!!

و الله لو تعطيها عامل نضافه يربح بس يشتغل باخلاص

هذا و الله اعلم