أسهم في مناطق شراء

[يوسف_007]

السلام عليكم ورحمه الله وبركاته

أسعد الله مسائكم

سوف أذكر هنا 5 أسهم أرى أنهم الأن في مناطق الشراء وسوف أوضح على الشارت ماذا يحصل دائما
إذا لامس هذه الأسهم المناطق الحاليه وماذا يحصل له بعدها من صعود وسوف أضع وقف الخساره
ومن يرغب بالشراء أنا غير ملزم بأي شي غير إنني أوضح لكم ما أرى ومن يأخذ بكلامي عليه
بتفعيل الخساره ولاتحملني خسراتك لانك لن تعطيني من ربحك وأنا هنا فقط لخدمة الجميع


نبدأ

أعيان الأستثمار

الأمان

القرين بترو

الشارقه

أم القوين


وبعد قليل سأرفق الرسم البياني مع الملاحظات

وشكرا

 

[نواخذة الكويت]

يعطيك العافية بو يعقوب على مجهودك انا من متابعي المنتدى بس قليل المشاركات .
حبيت أثني على مجهودك والعطاء من وقتك لأخوانك بالمنتدى

ملاحظة : انا ما اتبع المحللين مع احترامي لهم ولاكن احب اشارك معاهم
ما تعتقد إن الأمان صعب الدخول عليها حالياا ؟؟ وشاكر لك مقدما

 

[امرك عجيب]

بويعقوب اشرايك بوبيان دق وبيان والهيتس

 

[نواخذة الكويت]

نسيت اقولك بويعقوب معاك قلبا وغالبا
في اختيار أعيان الاستثمارية احسس ان مجلس الادارة جاد في تعديل اوضاع الشركة بالمزانيات اللي يقدمها في كل ربع وتقليص الديون وانا متابعها من فترة واتوقع لها مستقبل والله أعلم
للعلم في أزمة النفط ١٠ / ٢٠١٤ وصل السهم 58 فلس وكل اللي قلته اجتهاد
والله أعلى وأعلم بالأرزاق
اخوك : بويوسف

 

[333gust !!!]

يعطيك العافيه بو يعقوب .......
بصراحه كل الاسهم الي قلت عنها انا مو متابعها ......... بس ما يمنع انها تكون طيبه على كلامك
وانا في انتظار الجارتات الخاصه بها لكي اعطيك وجهة نظري عليها >>> وايضا نستفيد من رايك

 

[نواخذة الكويت]

الله يعين المنتدى علييي صارلي فوق السنة ما اشارك بس أقرى هههههه
شسوي كلما بدش المنتدى يقولي مطلوب كوكز علشان الدخول وهقني انا يوم قالي كوكز حسبالي اللي في هارديز نطلب وجبه وقوله عطني كوكز البسكوت هههههه المهم ضبط معاي الدخول
وان شاء الله بتشوفون مني خير و كوكز هههههه تحياتي لكم

 

[بوحلش]

الله يوفق الجميع وعسى الله يرزق جميع بالخير

انا لي كلمه حول الاسهم اللي بمناطق الشرا ء
انه
الاعتقاد ومسار السهم يحدده البايع والمشتري
سواء انه ينزل او يصعد
بمعنى انه
احد الاسهم
نزل من 2900 ووصل
دينار
وتكلموا عنه جميع المحللين انه بمنطة شراء
ونزل لحد 800
ثم 500
ثم 200
ثم 100
ووصل 25 فلس
وفي اسهم
يقولون انه بمنطقة بيع
وصعد صعود قوي
النتيجه انه بأي سوق صعب التنبؤ
ممكن يكون ارتداد بسيط لكن مو بهلقوه والعكس صحيح

 

[نبيه خضر]

الله يعطيك العافيه على المجهود الطيب

 

[متفائل على طول]

الله يوفق الجميع وعسى الله يرزق جميع بالخير

انا لي كلمه حول الاسهم اللي بمناطق الشرا ء
انه
الاعتقاد ومسار السهم يحدده البايع والمشتري
سواء انه ينزل او يصعد
بمعنى انه
احد الاسهم
نزل من 2900 ووصل
دينار
وتكلموا عنه جميع المحللين انه بمنطة شراء
ونزل لحد 800
ثم 500
ثم 200
ثم 100
ووصل 25 فلس
وفي اسهم
يقولون انه بمنطقة بيع
وصعد صعود قوي
النتيجه انه بأي سوق صعب التنبؤ
ممكن يكون ارتداد بسيط لكن مو بهلقوه والعكس صحيح

اف اف اف
شنو هالسهم من ثلاث دنانير لي خمسة وعشرين فلس والله انه كان بمناطق نصب واحتيال الله يعافينا~

 

[يوسف_007]

الله يوفق الجميع وعسى الله يرزق جميع بالخير

انا لي كلمه حول الاسهم اللي بمناطق الشرا ء
انه
الاعتقاد ومسار السهم يحدده البايع والمشتري
سواء انه ينزل او يصعد
بمعنى انه
احد الاسهم
نزل من 2900 ووصل
دينار
وتكلموا عنه جميع المحللين انه بمنطة شراء
ونزل لحد 800
ثم 500
ثم 200
ثم 100
ووصل 25 فلس
وفي اسهم
يقولون انه بمنطقة بيع
وصعد صعود قوي
النتيجه انه بأي سوق صعب التنبؤ
ممكن يكون ارتداد بسيط لكن مو بهلقوه والعكس صحيح

اخوي يعطيك العافيه اولاً

لحرصك على الاعضاء وهذي المشاركه مع انها تخالف كلامي ولكن اعجبتني كثيراً
لانها فعلاً احيان تكون كذلك ولذلك انا قلت وقف الخساره ضروري وقلت راح اذكر السبب ليش قلت انها بمناطق شراء

والسهم اللي قلته اذا ماخاب ظني
منا القابضه
والسهم هذا كل واحد بالبوصه ايامه يعرف انها كانت نصبه كبيره بالصعود
وبعد شوي راح احط الرسم البياني

 

[333gust !!!]

بانتظارك يا بو يعقوب ....................................

 

[يوسف_007]

بويعقوب اشرايك بوبيان دق وبيان والهيتس

حاضر بعد اشوي اشوفهم لك

 

[نواخذة الكويت]

بعطيكم 6 اسهم اوضاعهم حلوه والربع الأول من 2015 ممتاز وانا عني دشيت
على كل وحده ولله الحمد ربحت انا عني قنوع ورضى باللي يجيني وحققت ولله الحمد خلال ٣ اشهر 12% من رأس المال
وهذا شيء طيب يرضيني
ملاحظه / انا لا محلل فني ولا اساسي
انا اعرف اعرف اشياء بسيطه عن التحليلين ولاكن كلي قناعه بأن أفضل تحليل المتابعه للسهم
والله أعلى وأعلم بالأرزاق

1 - الأولى للإستثمار
2 - المغاربية ( اعتقد هاذي مو الحين الصبر زين )
3 - أعيان للإستثمار
4 - الإنماء ( ذهب بس للأمانه ما دشيت عليها )
5 - الإمتياز ( هم حللوه ولاكن ما دشيت عليها )
6 - منازل

يا إخوان هذول أسهم اللي اشوفهم روعه ولاكن لا أتحمل مسؤلية الشراء أو البيع
واللي يعجبه سهم يشوفه ويسأل عنه واهو وشطارته للأمانه انا احدد لهم اسعار اشتري فيها ما أدش إدعووم

والله يرزقني ويرزقكم يا رب

 

[نواخذة الكويت]

أستثني من ال٦ شركات المغاربية بالربع الأول خسرانه لاكن يشهد الله اني ربحت منها مرتين راس مالها صغير وديونها شويه 3 ملايين تقريبا ورخيصه وياكثر الأشاعات اللي عليها وعلى مجموعتها
بس ما اتوقع تصمل على هالسعر وايد عليها حالياا
والله أعلى وأعلم بالأرزاق
سلام

 

[يوسف_007]

 

[نواخذة الكويت]

يا سلاااام عليك يا بويعقوب شغل محترفين يفتح الموضوع وينتظر ردت فعل الأعضاء الكرام بالأختيار اللي قاله
انا عني بسميك ( شيخ المحللين ) .
رجل والرجالو قليلو .

 

[يوسف_007]

 

[يوسف_007]

ياشباب مافي وقت وطفيت بنام بحط باقي الشرتات بدون شرح ولكن نفس اللي قبلهم
الرقم اللي أحط ماراح أشرحه هو سعر الشراء وهو نفسه وقف الخساره وطبعا
مو شرط كل شوي أقول تداول عالي واغلاق تحتها أتوقع الجميع فهم الفلاتر

 

[يوسف_007]

 

[يوسف_007]